လါအီးကထိဘၢၣ်(၁၃)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
သုးကီၣ်ကးအတၫ်ဃုထၢလၢအယီၤအဘျၣ်အံၤ ထီဒါ၀ဲအဂ့ၫ် ပှၤကီၫ်ပယီၤဖိလၢလဲၤတုၤဆူကီၫ်အမဲရကၤ တဖၣ် ပာ်ဖှိၣ်ထီၣ်အသးဒီးရဲၣ်ကျဲၤ၀ဲလၢ ကမၤတၫ်ပာ်ဖျါထီၣ်တၫ်ပာ်သး ဖဲ၀့ၫ်Washington D.Cန့ၣ်လီၤ.
ကမၤတၫ်ထီဒါတၫ်ဟူးတၫ်ဂဲၤအဂီၫ် Global Meetingန့ၣ်မၤ၀ဲဖဲလါအီးကထိဘၢၣ် (၁၁)သီအနံၤ,ဂီၤခီ၀ံၤပှၤ ကီၫ်ပယီၤဖိလၢ လဲၤတုၤဆူကီၫ်အမဲရကၤဒီးကီၫ်ပူၤတၫ်ပၢၫ်ဆၢဂံၫ်ဘါကရၢတဖၣ်ဟဲထီၣ်၀ဲန့ၣ်လီၤ.
ပှၤကီၫ်ပယီၤဖိလၢလဲၤတုၤဆူအမဲရကၤ,ကီၫ်စဲၣ်(၅၀)ဘ့ၣ်အပူၤ ကပာ်ဖှိၣ်မၤ၀ဲ Washington D.C တၫ်ပာ် ဖျါထီၣ်သးန့ၣ် ပညိၣ်မၤ၀ဲဖဲလါနိၣ်၀့ဘၢၣ်(၂၂)သီအနံၤဒီး ပညိၣ်၀ဲဒ်သိးထံဂုၤကီၫ်ဂၤတဖၣ် ကပာ်သူၣ်ပာ်သး ဘၣ်လၢ သုးကီၣ်ကးအတၫ်မၤအၢမၤသီတဖၣ်ဒီးအတၫ်လံၣ်တၫ်လီတဖၣ်အဂီၫ် တၫ်သ့ၣ်ညါဘၣ်လီၤ.
မးခ့ၣ်သံၣ်ရံၤနၣ်ဒၣ်စိလၢအိၣ်ဖဲSan Francisco တခီ”လီၤဆီဒၣ်တၫ်လၢကီၫ်ပူၤ တၫ်မၤပျံၤမၤဖုးတဖၣ်အဃိ တၫ်ကလုၫ်လၢတၫ်တဲတဟးထီၣ်တဖၣ် ပပာ်ဖျါထီၣ်န့ၫ်၀ဲဒိၣ်ဒိၣ် လၢဂံၫ်ဘါအိၣ်အပူၤလီၤ.ပပညိၣ်လၢ အမဲရ ကၤပဒိၣ်ဒီးခိၣ်နၫ်တဖၣ်လီၤ.တကးဘၣ် ပတၫ်ပာ်ဖျါထီၣ်သးဂံၫ်ဘါန့ၣ် ပပညိၣ်စ့ၫ်ကီးလၢ လၢထံကီၫ်ဒီတ ဘ့ၣ် အၣ်စံၣ်ယၣ်ခိၣ်နၫ်တဖၣ်,ယူၤရပၤခိၣ်နၫ်တဖၣ်,UNခိၣ်နၫ်တဖၣ် ကပာ်သူၣ်ပာ်သးဘၣ်အဂီၫ် ပတၢၣ်ပီၣ် တဲသကိးဒီးကမၤ၀ဲအိၣ်အဂ့ၫ်”တဲ၀ဲလီၤ.
သုးကီၣ်ကးအတၫ်ဃုထၢလၢအယီၤအဘျၣ်အံၤ ထီဒါ၀ဲအဂ့ၫ် လၢထံဂုၤကီၫ်ဂၤ တၫ်ပာ်ဖျါထီၣ်သးတဖၣ် မၤ ၀ဲတလီၫ်လီၫ်ဘၣ်ဆၣ် တၫ်ပာ်ဖှိၣ်မၤသကိးတၫ်လၢအဂံၫ်ဆူၣ်န့ၫ်ဒံးတၫ်၀ဲအံၤ ကမၤ၀ဲအဂီၫ် ထံဂုၤကီၫ်ဂၤပှၤ ကီၫ်ပယီၤဖိတဖၣ် ပာ်ဖှိၣ်ထီၣ်အသးန့ၣ်လီၤ.
မီၫ်သီအူကၠီၣ်မိထိန့ၣ် တူၫ်လိာ်ဆီၣ်ထွဲ၀ဲအဂ့ၫ် ထံဂုၤကီၫ်ဂၤတၫ်ဟူးတၫ်ဂဲၤတဖၣ် ပာ်ဖှိၣ်မၤသကိး၀ဲအသိး ထီဒါသုးကီၣ်ကးတၫ်ဃုထၢအဂ့ၫ် တၫ်ဟူးတၫ်ဂဲၤစ့ၫ်ကီး လၢထံဂုၤကီၫ်ဂၤ ကဟဲအိၣ်ထီၣ်၀ဲတပူၤဃီ အိၣ်၀ဲ န့ၣ်လီၤ.
အူကိၣ်ကိၣ်လ့(Learn and Share)တခီ “ဖဲဂီၤတၫ်အိၣ်ဖှိၣ်န့ၣ် ထံကီၫ်ဒီတဘ့ၣ်ပတီၫ်အဃိ ပှၤလၢဟီၣ်ခိၣ်ဒီ တဘ့ၣ် ပာ်ဃုာ်လီၤ.ပှၤလၢကီၫ်ပူၤစ့ၫ်ကီးပာ်ဃုာ်လီၤ.လၢထံကီၫ်ဒီတဘ့ၣ် ပှၤဟူးဂဲၤလၢထံရူၫ်ကီၫ်သဲး,ဒီးပှၤဂ့ၫ် ၀ီခွဲးယာ်တဖၣ်ပာ်ဃုာ်လီၤ.ဘၣ်ထွဲဒီးတၫ်ဃုထၢလၢအယီၤအဘျၣ်အံၤ တၫ်လၢပရဲၣ်ကျဲၤဃာ်တဖၣ် ပတၢၣ် ပီၣ်တဲသကိး၀ဲလီၤ.ကီၫ်ပူၤတၫ်ဟူးတၫ်ဂဲၤဒုမ့ၫ်တၫ်လၢအရ့ဒိၣ်၀ဲလီၤ.သုးဟံးန့ၫ်ဆူၣ်ထံကီၫ်တၫ်စိတၫ်ကမီၤအဖီခိၣ် ကမျၢၫ်တဖၣ်အသးဆါ၀ဲလီၤ.သုးမီၤစိရိၤတဖၣ်ဖဲကမၤ၀ဲန့ၣ် ကမျၢၫ်တနာ်၀ဲလၢၤဘၣ်.သးဟ့၀ဲလံ. တၫ်ဃုထၢအံၤ ပှၤတူၫ်လိာ်တသ့နီတဂၤဘၣ်န့ၣ် ဒ်ပှၤကိးဂၤသ့ၣ်ညါအသိးလီၤ”အဂ့ၫ် တဲ၀ဲလီၤ.
သုးကီၣ်ကးလၢ လၢအမဲရကၤကီၫ်စၢဖှိၣ်အပူၤ ငါဃာ်၀ဲလီၣ်ဘံၣ်ခီပနံာ်တဖၣ်ဒီးသုးဘူးအသးလၢပဒိၣ် က န့ၫ်အဂီၫ် ဂဲၤလိာ်၀ဲ,မုာ်ကျိၤ၀ဲၤကွာ်တၫ်ဘၣ်ဘျူးတဖၣ်ဒီးအ၀ဲသ့ၣ်ကဖိးသဲစး တၫ်ကပာ်ပနီၣ်န့ၫ်၀ဲအဂီၫ် ဂဲၤ လိာ်၀ဲအိၣ်န့ၣ်လီၤ.
တၫ်ပၢၫ်ဆၢယံာ်ထီၣ်(၅)နံၣ်အကတီၫ် လၢသုးကီၣ်ကးတကပၤ သုးမီၤစိရိၤထံကီၫ်တနီၤ အိၣ်ဃူ၀ဲဖျိဖျိဖျါဖျါ အိၣ်ဘၣ်ဆၣ်လၢထံဂုၤကီၫ်ဂၤမီၫ်သီမီၫ်လါဂ့ၫ်၀ီတကပၤတခီ တၫ်ပၢၫ်ဆၢဂံၫ်ဘါကရၢတဖၣ် အမံၤအသၣ် ဂ့ၤ၀ဲအဖၢမုၫ်ဒံးန့ၣ်လီၤ.
