လါအီးကထိဘၢၣ်(၁၃)သီ,၂၀၂၄နံၣ်, အၣ်ထူခ့ၣ်တၢ်ကစီၣ်
ကီၫ်ပယီၤပူၤ သးစၫ်(၁၀)ဂၤအကျါ(၄)ဂၤ (၄၀ မျးကယၤဘျဲၣ်)န့ၣ် လၢမုၫ်နၤဟးထီၣ်လၢတၫ်ချၢတူၫ်ဘၣ်၀ဲလၢတဘံၣ် တဘၢ မ့တမ့ၫ် တူၫ်ဘၣ်၀ဲလၢတဘံၣ်တဘၢနီတစဲးလၢၤဘၣ်အိၣ်၀ဲအဂ့ၫ် ဘီမုၫ်စၢဖှိၣ်ကရၢတၫ်ဂုၤထီၣ်ပသီထီၣ် တၫ် ရဲၣ်တၫ်ကျဲၤ(UNDP)အလံာ်ပာ်ဖျါအပူၤ ပာ်ဖျါ၀ဲလီၤ.
လၢကတီၫ်အံၤ သးစၫ်တဖၣ် ဘၣ်ပျံၤတၫ်ဖုးတၫ်တၫ်အိၣ်သးအံၤ အၢန့ၫ်ဒံးလၢတချူး၂၀၂၁နံၣ် သုးဟံးန့ၫ်ဆူၣ်ထံကီၫ် တၫ်စိတၫ်ကမီၤဒံးအဂ့ၫ် (UNDP)ကွဲးဃာ်၀ဲလီၤ.
လံာ်ပာ်ဖျါလၢUNDPမၤဃာ်၀ဲလၢ ကီၫ်ပယီၤသးစၫ်ဂ့ၫ်၀ီလံာ်ကတြူၫ်အပူၤ လံာ်ပာ်ဖျါ သၢဘ့ၣ်တဘ့ၣ်အပူၤ ပာ်ဖျါ၀ဲ ဒ်သိးအံၤန့ၣ်လီၤ.
တၫ်အိၣ်သးဒ်သိးအံၤ လၢဒူသ၀ီ(မ့တမ့ၫ်)တၫ်လီၫ်လၢတၫ်သဘံၣ်သဘုၣ်ကဲထီၣ်ဒ်သိးကရ့ၣ်နံၣ်ဒီးကခၠ့ၣ်ဟီၣ်က၀ီၤ တဖၣ်လၢတၫ်ဘံၣ်တၫ်ဘၢတအိၣ်အလီၫ်တကးဘၣ်,ဒ်သိး၀့ၫ်တကူၣ်,လၢ၀့ၫ်တဖၣ်အပူၤစ့ၫ်ကီး ကဲထီၣ်၀ဲအဂ့ၫ် ပာ် ဖျါ၀ဲလၢလံာ်ပာ်ဖျါအပူၤန့ၣ် လီၤ.
“ဟဲက့ၤတၫ်မၤစဲၤခံဒီး(၈)နၣ်ရံၣ်မ့ၫ်ဘျဲၣ်န့ၣ် သးကိၫ်ထီၣ်လီၤ.တဘျီတခီၣ် တ၀ဲသ့ၣ်မ့ၫ်ဆ့နီၤအီထံချီဆၢလၢကျးဒီး တံၤသကိးတဖၣ်ဒၣ်လဲၣ်န့ၣ် ဘၣ်မၢထဲဟဲက့ၤလၢဟံၣ်ချ့ချ့လီၤ.လၢအခဲအံၤ မုၫ်နၤဂ့ၤ,မုၫ်ဆါဂ့ၤ တဘံၣ်တဘၢလၢၤ ဘၣ်အဂ့ၫ်”တီၣ်တကူၣ်ကီၫ်ဆၣ် သးစၫ်လၢသးနံၣ်အိၣ်(၂၀)နံၣ်တဂၤအပၫ်တဲ၀ဲလီၤ.
ဘၣ်ထွဲဒီးတၫ်တူၫ်ဘၣ်တဘံၣ်တဘၢအဖီခိၣ် မ့ၫ်တၫ်ထၢဖှိၣ်ပာ်ဖျါ၀ဲ သးစၫ် ၇,၀၀၀ဘျဲၣ်အကလုၫ်ဒီး သးစၫ်(၇)ဂၤ အကျါ(၁)ဂၤန့ၣ် တူၫ်ဘၣ်တၫ်ပျံၤတၫ်ဖုးထီဘိလီၤအဂ့ၫ် UNDPတၫ်ဘိးဘၣ်ပာ်ဖျါအပူၤ တဲ၀ဲလီၤ.
သးစၫ်(၃)ဂၤအကျါ(၁)ဂၤန့ၣ် သးတၫ်ဆီၣ်သနံး,သးလီၤဘှံးလီၤတီၤတဖၣ် တူၫ်ဘၣ်၀ဲတလီၫ်လီၫ်ဒီးတၫ်အိၣ်သး ဒ်သိး အံၤအဃိ သးစၫ်တဖၣ် ပျံၤတၫ်ဖုးတၫ်,သးဟးဂီၤတဖၣ်အဃိ တၫ်လီၤဆံးလီၤစှၤတၫ်ဘၣ်ယိၣ်တဖၣ် အိၣ်၀ဲအဂ့ၫ် UNDPဟ့ၣ်ပလီၫ်ဃာ်၀ဲလီၤ.
တၫ်အဃိ သးစၫ်တဖၣ်အတၫ်အိၣ်ဆူၣ်အိၣ်ချ့ ,တၫ်ဘံၣ်တၫ်ဘၢတဖၣ်အဂီၫ် တၫ်ကပာ်သူၣ်ပာ်သးဘၣ်ဒ်တၫ်လၢအရ့ ဒိၣ်အဂီၫ်စ့ၫ်ကီး UNDPတၫ်ဘိးဘၣ်ရၤလီၤအပူၤပာ်ဖျါ၀ဲန့ၣ်လီၤ.
