လါအီးကထိဘၢၣ် ၉သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
စးထီၣ်လၢ ၂၀၂၁နံၣ်, လါဖ့ၤဘြူၤအါရံၤ(၁)သီ သုးဟံးန့ၢ်ဆူၣ်ထံကီၢ်တၢ်စိတၢ်ကမီၤဒီးတုၤ ၂၀၂၅နံၣ်, လါအီးကထိဘၢၣ် ၈သီ ၄နံၣ်ဘျဲၣ်အတီၢ်ပူၤ တၢ်မၤပျီၢ်မၤဂီၢ်သုးကရူၢ်အံၤ အတၢ်မၤပျီၢ်မၤဂီၢ်တဖၣ်အဃိ ပှၤဟူးဂဲၤလၢဒံၣ်မိၣ်ကရ့ၣ်စံၣ်ဂ့ၢ်၀ီဒီး ထံဖိကီၢ်ဖိကမျၢၢ်ခဲလၢၥ်ပၥ်ဖှိၣ် ၇၃၃၉ဂၤ ဘၣ်သံ၀ဲအဂ့ၢ် တၢ်မၤစၢၤထံရူၢ်ကီၢ်သဲးပှၤလီၤဃိၥ်ဖိကရၢ AAPPထုးထီၣ်ပၥ်ဖျါဃၥ်၀ဲန့ၣ်လီၤ.
တကးဘၣ် ဘၣ်ထွဲဒီးသုးဟံးန့ၢ်ဆူၣ်ထံကီၢ်တၢ်စိတၢ်ကမီၤအဖီခိၣ် ပှၤလၢဘၣ်တၢ်ဖီၣ်န့ၢ်ဆူၣ်အီၤ အိၣ်၀ဲခဲလၢၥ်ပၥ်ဖှိၣ် (၂၉၇၉၄)ဂၤ၀ံၤ ဖဲန့ၣ်အကျါ (၂၂၄၉၃)န့ၣ် ဘၣ်တၢ်ပၢၤဃၥ်အီၤအဖၢမုၢ်လီၤဒီး ဖဲလၢဘၣ်တၢ်ပၢၤဃၥ်အကျါ (၁၁၁၆၄)ဂၤတခီ ဘၣ်တၢ်စံၣ်ညီၣ်လီၤဃိၥ်အဂ့ၢ် ပၥ်ဖျါဃၥ်၀ဲန့ၣ်လီၤ.
AAPP အတၢ်မၤနီၣ်ထၢဖှိၣ်အဖီခိၣ် စးထီၣ်လၢ ၂၀၂၅နံၣ်, လါယူၤလံ၁သီတုၤ လါအီးကထိဘၢၣ် ၈သီအနံၤအတီၢ်ပူၤ ထံကီၢ်ဒီတဘ့ၣ်အပူၤ ခီဖျိသုးကရူၢ်အံၤ ခး၀ဲအဃိ ပိၥ်မုၣ်(၁၁)ဂၤ, ပိၥ်ခွါ(၂၁)ဘၣ်သံ၀ဲဒီး တၢ်ပၥ်ဂၢၢ်ပၥ်ကျၢၢ်န့ၢ်၀ဲဒီး အမံၤအသၣ်တဖၣ်၀ံၤ ဖဲန့ၣ်ကျါ ဖိသၣ်လၢ သးနံၣ်ဆူ ၁၈နံၣ်အဖီလၥ် ပၣ်ဃုၥ်၀ဲ (၄)ဂၤအဂ့ၢ် ပၥ်ဖျါဃၥ်၀ဲန့ၣ်လီၤ.
ဖဲလၢပှၤသံတဖၣ်အကျါ စကဲကီၢ်ခီအပူၤ သံ၀ဲ(၈)ဂၤဒီး အအါကတၢၢ်လီၤ၀ံၤ မ့မ့ၢ်လၢ တနီသရံၣ်ကီၢ်ခီပူၤတခီ သံ၀ဲ(၇)ဂၤ၀ံၤ ခီဘျီတဘျီအအါကတၢၢ်န့ၣ် AAPP အတၢ်မၤနီၣ်ထၢဖှိၣ်အဖီခိၣ် တၢ်သ့ၣ်ညါဘၣ်န့ၣ်လီၤ.
ဒ်န့ၣ်အသိး ဖဲလါအီးကထိဘၢၣ် (၂)သီ, ၉နၣ်ရံၣ်ဘျဲၣ်ဃၣ်ဃၣ်အဆၢကတီၢ် သုးကီၣ်မံးရှၢၣ်အသုးလၢဂံၢ်ဘါအိၣ် ၁၀၀ဃၣ်ဃၣ် လဲၤနုၥ်လီၤသုးကျိၤဆူ စကဲကီၢ်ခီ, ၀ဲးလဲးကီၢ်ဆၣ်, တမၣ်ကၣ်သ၀ီပူၤအဆၢကတီၢ် ခး၀ဲကျိဖးဒိၣ်, ကျိဖိတဖၣ်အဃိ ဘၣ်၀ဲ သ၀ီအပူၤအိၣ် ပှၤက့ၢ်ဂီၤတလၢပှဲၤလၢအမ့ၢ် ကိၣ်စီၣ်ဘိခဲၣ်အခိၣ်ဒီး ဒီၣ်မ့ၣ်ပူးအဟၢဖၢအဃိ သံ၀ဲတဘျီဃီဖဲအလီၢ်လီၤအဂ့ၢ် AAPP စံး၀ဲန့ၣ်လီၤ.
တၢ်နီၣ်ဂံၢ်နီၣ်ဒွးစရီလၢ တၢ်ပၥ်ဖျါတ့ၢ်လၢထးတဖၣ်အံၤ မ့ၢ်ဒၣ် AAPP ထၢဖှိၣ်မၤနီၣ်ဃၥ်၀ဲလီၤဒီး လၢဟီၣ်ခိၣ်မဲၥ်ဖံးခိၣ်တခီ ကအိၣ်အါန့ၢ်ဒံးအလီၢ်အဂ့ၢ် စံး၀ဲန့ၣ်လီၤ.
