လါစဲးပထ့ဘၢၣ်(၂၆)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
လၢကီၫ်ကၠီၣ်တဲၣ် ဖဲစှၤသီအတီၫ်ပူၤ ယၣ်ကၣ်ဆၣ်ကလံၤမုၫ်အသဟီၣ်အဃိ ကီၫ်ရ့ၣ်အါတက့ၫ်အပူၤ တၫ်စူၤဒိၣ်ဒီး ထံ လုၫ်ဘၢတၫ်၀ံၤ ပှၤ(၂)ကလီၫ်တခီဃၣ်ဃၣ် ကွၫ်ဆၢၣ်မဲာ်ဘၣ်ထံတၫ်မၤဘၣ်ဒိအဂ့ၫ် ကီၫ်ကၠီၣ်တဲၣ် တၫ်တြီဆၢဒီသဒၢ န့ ဆၢၣ်တၫ်လီၤဘၣ်ယိၣ်၀ဲၤကျိၤ(DDPM) ထုးထီၣ်ဘိးဘၣ်ရၤလီၤ၀ဲ ဖဲလါစဲးပထ့ဘၢၣ်(၂၄)သီအနံၤလီၤ.
တချူးထံဒိၣ်အံၤ အပူၤကွံာ်လၢကီၫ်ကၠီၣ်တဲၣ်ကလံၤစိး,မုၫ်ထီၣ်ကလံၤစိး,တၫ်ခၢၣ်သး,ကလံၤထံး,ဘီကီာ်ဒီးအကပိာ် ကပၤ ကီၫ်ရ့ၣ်ခဲလၢာ်(၅၅)ဘ့ၣ်အပူၤ တၫ်ကပလီၫ်ဘၣ်သးလၢတၫ်စူၤဒီးထံဒိၣ်ခိၣ်ယွၤအဂီၫ်,တၫ်ကအိၣ်ကတဲာ်ကတီၤ သးလၢတၫ်ဒီသဒၢန့ဆၢၣ်တၫ်လီၤဘၣ်ယိၣ်အဂီၫ် ထုးထီၣ်ဘိးဘၣ်ရၤလီၤဃာ်၀ဲလီၤ.
ကီၫ်ရ့ၣ်တဖၣ်န့ၣ်မ့ၫ်၀ဲ ကံၫ်မဲ,ဘံးစနူးလိး,ဆူးခိၣ်ထဲ,ဖံးခၠးဘိ,ဖံးကၠံး,နခိစ၀ၣ်,အူးထဲထၣ်နံၣ်, ခၠဲနး,ဆ့ပူရံ,အၣ်ထီ,ဆူးဖါ ပူၣ်ရံၤ,အယူးဒယး,ပထိၣ်ထၣ်နံၣ်,နခိပထိၣ်,ဆူၣ်ယ့ဒီးခၠးခၠ့ဆီတဖၣ်၀ံၤ ကီၫ်ဆၣ်(၆၃)ဘ့ၣ်,ကရူၫ်(၃၉၂)ခါ,ဟံၣ်ဒူၣ် (၇၆,၁၉၉)ဒူၣ်,ပှၤနီၫ်ဂံၫ်(၂၄၇,၄၇၇)ဂၤ ကွၫ်ဆၢၣ်မဲာ်ဘၣ်ထံလုၫ်ဘၢတၫ် လီၤ.ဒီးပှၤဘၣ်သံ၀ဲအိၣ်(၄)ဂၤအဂ့ၫ် ထုးထီၣ် ဘိးဘၣ်ရၤလီၤ၀ဲလီၤ.
လၢကီၫ်ရ့ၣ်(၁၆)ဘ့ၣ်အပူၤ တုၤ လါစဲးပထ့ဘၢၣ်(၂၇)သီနံၤ တၫ်စူၤဒိၣ်ကဒီး၀ဲသ့န့ၣ်လီၤ.တၫ်အဃိ ထံဒိၣ်ထီၣ်သတူာ် ကလာ်,ကစၢၫ်ထံလီၤ,တၫ်လီၫ်လီၤဖုၣ်တဖၣ်,ဟီၣ်ခိၣ်လာ် န့ဆၢၣ်တၫ်လီၤဘၣ်ယိၣ်တဖၣ် တၫ်ကပလီၫ်သးအဂီၫ် ထုးထီၣ်ဘိးဘၣ်ရၤလီၤ၀ဲလီၤ.
ကမျၢၫ်တဖၣ် ကဒိကနၣ်ဘၣ် မူခိၣ်ကလံၤသီၣ်ဂီၤတၫ်ဟ့ၣ်ပလီၫ်တဖၣ် တဘိယူာ်ဃီဒီးမ့ၫ်ကွၫ်ဆၢၣ်မဲာ်ဘၣ် တၫ်လီၤ ဘၣ်ယိၣ်လံန့ၣ်ဒီးလၢ(၂၄)နၣ်ရံၣ်အတီၫ်ပူၤ ဆဲကျိးဃ့တၫ်မၤစၢၤလၢ တၫ်တြီဆၢဒီသဒၢ န့ ဆၢၣ်တၫ်လီၤဘၣ်ယိၣ်၀ဲၤ ကျိၤအဂ့ၫ်ဂီၫ်အူနီၫ်ဂံၫ် ၁၇၈၄(မ့တမ့ၫ်) Line @1784DDPM သ့၀ဲလီၤအဂ့ၫ် ဘိးဘၣ်ရၤလီၤဃာ်၀ဲလီၤ.
