လါစဲးပထ့ဘၢၣ်(၁၆)သီ,၂၀၂၅နံၣ်,အၣ်ထူခ့ၣ်တၢ်ကစီၣ်
တလၢၤကီၫ်စဲၣ်,သၣ်ဖၠူၣ်စယးကီၫ်ဆၣ်,နံးကယ့ၣ်ကျဲသဂၢၫ်အကပၤ သုးခီၣ်မံးရှၢၣ်တၫ်မဲာ်ညါသုးကလၢၤဒီး ၀ီၫ်ရ့ၣ်ကီၫ် ဆၣ် မီးကန့ၣ်သ၀ီကပၤ ကိၣ်ကၠဲးတြဲၤသုးကလၢၤတဖၣ် တၫ်ဒုးဃီၤ၀ဲလၢဒြိဒီးသုးခီၣ်မံးရှၢၣ်အသုးဖိတဖၣ် ဘၣ်ဒိဘၣ် ထံးသံ၀ဲအိၣ်အဂ့ၫ် တလၢၤကီၫ်တၫ်ပၢၫ်ဆၢသုး(MSRF)ထုးထီၣ်ဘိးဘၣ်ရၤလီၤ၀ဲလီၤ.
ဖဲလါစဲးပထ့ဘၢၣ်(၁၃)သီ,ဟါခီန့ၣ် ဒုးဃီၤသုးခီၣ်မံးရှၢၣ်အသုးဖိတဖၣ်လၢဒြိလၢအိၣ်ဖဲနံးကယ့ၣ်ကျဲသဂၢၫ် ကပၤဒီး တၫ်သံတၫ်ပှၫ်အိၣ်၀ဲ၀ံၤ တၫ်ဂ့ၫ်တၫ်ကျိၤလီၤတံၫ်တခီသမံသမိး၀ဲအဖၢမုၫ်ဒံးန့ၣ်လီၤ.
တၫ်ပၢၫ်ဆၢသုးပာ်ဖှိၣ်တကပၤဒု က့ၤဂုၤက့ၤအခံလၢတၫ်ပူၤဖျဲးအပူၤအဂ့ၫ် ပာ်ဖျါ၀ဲလီၤ.
ဖဲလါစဲးပထ့ဘၢၣ်(၇)သီအနံၤစ့ၫ်ကီး သုးခီၣ်မံးရှၢၣ်အကိၣ်ကၠဲးတြဲၤသုးကလၢၤလၢအိၣ်ဖဲ၀ီၫ်ရ့ၣ်ကီၫ်ဆၣ်, မီးကန့ၣ် သ၀ီအကပၤအံၤ လဲၤဒုး၀ဲလၢဒြိအဂ့ၫ်တဲ၀ဲလီၤ.
သုးခီၣ်မံးရှၢၣ်အသုးတဖၣ်န့ၣ် တလၢၤကီၫ်ဖဲၣ်ဒၢၣ်ရှၢၣ်ကီၣ်ကး(MSFC)တၫ်ဒီသဒၢ၀ဲၤကျိၤ သုးဖိတဖၣ်လၢအမ့ၫ် တ လၢၤကီၫ်တၫ်ပၢၫ်ဆၢသုး(MSRF),၀ီၫ်ရ့ၣ်ကမျၢၫ်တၫ်ဒီသဒၢသုး(YPDF)ဒီးတၫ်ပၢၫ်ဆၢသိၣ်မှံၤတဖၣ်လၢအမ့ၫ် KNLA သုးရ့ၣ်(၂၇),သုးဒ့(၁),ဒုးယၤ(၃၃)တီနီၣ်ဒုးယၤသုးဒ့-တပ့ၣ်ရွှ့ၣ်ထံသုးတဖၣ် ပာ်ဖှိၣ်ဒုးဃီၤ၀ဲအဂ့ၫ် ထုးထီၣ်ဘိးဘၣ်ရၤ လီၤ၀ဲန့ၣ်လီၤ.
