လါစဲးပထ့ဘၢၣ် ၁၇သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
အံၣ်ရၣ်နူကလံယါစဲးဖီကဟၣ်တၢ်မၤလီၢ်တဖၣ် တၢ်ကဟ့ၣ်ပျဲသမံသမိးတၢ်အဂီၢ် ဟီၣ်ခိၣ်ဘီမုၢ် အနူးမၠူၣ်ဂံၢ်ဘါသဟီၣ်အ့ၣ်ကၠ့ၣ်စံၣ် IAEA ပှၤဘၣ်မူဘၣ်ဒါ ရၣ်ဖ့ကရီးဆံၣ် ဃ့ထီၣ်ကဒီး၀ဲန့ၣ်လီၤ.
IAEA အတၢ်အိၣ်ဖှိၣ်ဖးဒိၣ်အံၤ ဘၣ်တၢ်မၤအီၤ လၢကီၢ်အီစတြ့လါ, ဘံၣ်ယ့ၣ်နၣ်၀့ၢ် ၀ဲၤလီၢ်ခိၣ်သ့ၣ်တၢ်မၤလီၢ် ဖဲမုၢ်ဆၣ်အနံၤန့ၣ်လီၤ. IAEAဒီး အံၣ်ရၣ်တဖၣ်အံၤ တၢ်သမံသမိးက့ၤ နူကလံယါစဲးဖီကဟၣ်တၢ်မၤလီၢ်တဖၣ်အဂီၢ် အၢၣ်လီၤတူၢ်လိၥ်၀ဲဖဲအပူၤကွံၥ် စှၤနွံအတီၢ်ပူၤန့ၣ်လီၤ.
တၢ်ကမၤဖျါထီၣ်က့ၤ တၢ်အၢၣ်လီၤအီလီၤအဂီၢ် တၢ်နၥ်န့လီၤသးကန့ၢ်က့ၤအဂီၢ်ဒီး ခါဆူညါတၢ်ပၥ်ဖှိၣ်မၤသကိးအဂီၢ် ဒိးသန့ၤထီၣ်သးလၢ IAEAဒီး အံၣ်ရၣ်တဖၣ်အဖီခိၣ်အဂီၢ်အဂ့ၢ် ဂရီးဆံၣ်စံး၀ဲန့ၣ်လီၤ. အံၣ်ရၣ် ကပၥ်ဖှိၣ်မၤသကိးက့ၤဒီး IAEAအဂီၢ် ကီၢ်ယပၣ်စ့ၢ်ကီးဃ့ထီၣ်၀ဲန့ၣ်လီၤ.
အံၣ်ရၣ် အနူးမၠူၣ်ဂံၢ်ဘါသဟီၣ်ကရၢ ပှၤဘၣ်မူဘၣ်ဒါ မိၣ်ဟၣ်မဲးအဲးစလၣ်မံၣ် တခီ တၢ်ပတုၥ်ကွံၥ်တၢ်သမံသမိးတၢ်ဂ့ၢ်ခိၣ်သ့ၣ်န့ၣ် ခီဖျိလၢတၢ်ပၥ်ထီၣ်တၢ်ဂ့ၢ်လၢ နူကလံယါစဲးဖီကဟၣ်တၢ်မၤလီၢ်၀ံၤ တၢ်ဟဲဃုအ့ၣ်လိၥ်ဒုးဃီၤတၢ်အဃိအဂ့ၢ် စံး၀ဲန့ၣ်လီၤ.တၢ်ထီဒါ တၢ်ဟဲဒုးဃီၤတၢ်တဖၣ် တၢ်ဆၢတဲၥ်တခါစ့ၢ်ကီး အံၣ်ရၣ်တီၣ်ထီၣ်၀ဲလၢတၢ်အိၣ်ဖှိၣ်ပူၤအဂ့ၢ် မီၢ်သီဂံၢ်ခီၣ်ထံးတၢ်ကစီၣ် စံး၀ဲန့ၣ်လီၤ.
ဘြံးတံး, ဖြၣ်စ့ၣ်, ကၠၢၣ်မနံၣ်တဖၣ် အိၣ်ခိးကွၢ်၀ဲ ဘီမုၢ်စၢဖှိၣ်ကရၢ အတၢ်ကးတံၥ်ဟံးန့ၢ်ဂ့ၢ်၀ီတၢ်ဖံးတၢ်မၤတဖၣ်ဒီး တၢ်ဆီၣ်သနံးတဖၣ်ဟဲအါထီၣ်လၢ အံၣ်ရၣ်အဖီခိၣ်၀ံၤ IAEA အတၢ်သမံသမိးတဖၣ် မ့ၢ်တုၤလီၤတီၤလီၤလၢ အံၣ်ရၣ်နူကလံယါစဲးဖီကဟၣ်တၢ်မၤလီၢ်တဖၣ်အဖီခိၣ်အိၣ်တအိၣ်ဒီး အံၣ်ရၣ်တူၢ်လိၥ်၀ဲအိၣ်တအိၣ် အိၣ်ခိးကွၢ်၀ဲအဂ့ၢ်န့ၣ်လီၤ.
အမဲရကၤဒီးအံၣ်စရ့ လဲၤဒုး အံၣ်ရၣ်နူကလံယါစဲးဖီကဟၣ်တၢ်မၤလီၢ်တဖၣ်၀ံၤအလီၢ်ခံ အံၣ်ရၣ်နူကလံယါတၢ်ရဲၣ်တၢ်ကျဲၤတဖၣ် တၢ်ပၥ်ပတုၥ်ဃၥ်အပတီၢ်လၢနံၣ်တဖၣ်ဘၣ်ဆၣ် ယူၣ်ရ့ၣ်နံၣ်ယၣ်အကဆှီတဖၣ်အဃိ နူကလံယါတၢ်ရဲၣ်တၢ်ကျဲၤတဖၣ် တၢ်က့ၤစးထီၣ်၀ဲန့ၢ်အဂ့ၢ် ပ့ၢ်ဆှါပှၤတ၀ၢ ပဲၥ်ထံနီၤဖး၀ဲန့ၣ်လီၤ.
Ref:NHK
