လါစဲးပထ့ဘၢၣ်(၄)သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
သုးကီၣ်မံးရှၢၣ်အသုး စူးကါဒြိတူၢ်သံ(ကၤမံၤကၤစၤ)၀ံၤ ဟဲဒုးတ့ၢ်လီၤမ့ၣ်ပိၢ်ဖဲ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်သူလ့ၤတၢ်ပၢဟီၣ်ကဝီၤ ဖၣ်အၣ်ကီၢ်ရ့ၣ်, တၢ်တြဲၢ်ကီၢ်ဆၣ်, နီၣ်တၢၢ်ခံ တီၤခၢၣ်သးကၠိ ဖဲ ကၠိဖိထီၣ်ကၠိ မၤလိတၢ်အဆၢကတီၢ်အဃိ ကၠိဖိ(၁)ဂၤဒီး သရၣ်မုၣ်(၁) ဂၤ,သရၣ်(၁)ဂၤ ဘၣ်ဒိ၀ဲတၢ်ဘၣ်ယိၣ်တအိၣ်ဘၣ်အဂ့ၢ် ခ့ၣ်အဲၣ်ယူၣ်-လီၢ်ခၢၣ်သးပၥ်ဖျါဃၥ်၀ဲတၢ်ကစီၣ်န့ၣ်လီၤ.
ဖဲ ၂၀၂၅ နံၣ် လါစဲးပထ့ဘၢၣ် ၃ သီအနံၤ ဂီၤခီ ၉း၅၀ နၣ်ရံၣ် အဆၢကတီၢ်န့ၣ် သုးမီၤစိရိၤအသုးတဖၣ် အိၣ်ဒီးတၢ်ပညိၣ်လီၤတံၢ်လီၤဆဲး ဒီး ပၥ်ဝဲတၢ်ခးပနီၣ်ဆူ ကမျၢၢ်ထံဖိကီၢ်ဖိအိၣ်ဆိးတၢ်လီၢ်ဝံၤ စူးကါဝဲဒြိတူၢ်သံ (ကၤမံၤကၤစၤဒြိ) ဒီး ဟဲတ့ၢ်လီၤမ့ၣ်ပိၢ်တဖျၢၣ်လၢ ကညီကူၣ်သ့ဆဲးလၤဝဲၤကျိၤ(KECD)တၢ်မၤလိကၠိ ကၠိနီၣ်ဂံၢ်-၇၀၈၂ လၢအမ့ၢ် နီၣ်တၢၢ်ခံ တီၤခၢၣ်သးကၠိအဂ့ၢ် ပၥ်ဖျါဃၥ်၀ဲန့ၣ်လီၤ.
မီၤစိရိၤအသုး ဟဲဒုးတ့ၢ်လီၤ၀ဲမ့ၣ်ပိၢ်လၢ ဖိသၣ်သ့ၣ်တဖၣ်ထီၣ်ကၠိမၤလိတၢ်အဆၢကတီၢ်အဃိ နီၣ်တၢၢ်ခံသ၀ီ တၢ်သိၣ်လိကၠိ ကၠိဖိ(၁)ဂၤဒီး သရၣ်မုၣ် (၁) ဂၤ, သရၣ် (၁) ဂၤ ဘၣ်ဒိ၀ဲ၀ံၤ ကၠိ၀ဲၤဒၢးတၢ်သူၣ်ထီၣ်၁ဖျၢၣ်စ့ၢ်ကီး ဘၣ်ဟးဂီၤကွံၥ်၀ဲအဂ့ၢ် တၢ်သ့ၣ်ညါဘၣ်န့ၣ်လီၤ.
