လါအီကူၥ်(၂၈)သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
ကညီဒီကလုာ်စၢဖှိၣ်ကရၢ(KNU),သုးက့နီၫ်ဂံၫ်(၆),ကညီဒီကလုာ်ဂၢၤသးကရၢ(KNDO)သုးရ့ၣ်(၈)အအိၣ် KTLAသုးဖိတဖၣ် ဟဲက့ၤပာ်ဖှိၣ်မၤသကိးတၫ်လံအဂ့ၫ် ကညီဂ့ၫ်ခီၣ်ထံးတၫ်ကစီၣ်တဖၣ်တဲ၀ဲလီၤ.
သုးက့နီၫ်ဂံၫ်(၆) Cobraသုးကျိၤနီၫ်ဂံၫ်(၁)သုးကျိၤခိၣ်စီၤကီၫ် ပာ်ဖျါတၫ်ဂီၤမူလၢ KTLAသုးဖိတဖၣ် ဟဲက့ၤပာ်ဖှိၣ်မၤသ ကိးတၫ်လၢKNDOသုးရ့ၣ်(၈)အအိၣ်န့ၣ်လီၤ.
တၫ်ဂီၤမူအပူၤ KTLA သုးဖိစီၤန့ၫ်ကီၫ်တဲ၀ဲလၢ “ပဟဲက့ၤမၤသကိးတၫ်ဒီးသုးရ့ၣ်(၈)သုးခိၣ်အဲၣ်မၠးထူဒီးပစံးဘျူးဘၣ် အီၤဖးဒိၣ်ညါလီၤ.မ့ၫ်ကစၫ်ယွၤဆှၢပှၤကျဲအဂ့ၤကတၢၫ်တဘိလၢပကပိာ်၀ဲလီၤ.ကျဲလၢပဃုထၢအံၤမ့ၫ်တၫ်မ့ၫ်တၫ်တီလီၤ.ကညီဖီၣ်တၫ်စုက၀ဲၤတဖၣ်န့ၣ် ပတထီဒုၣ်ထီဒါ၀ဲဘၣ်.ပဒုၣ်ပဒါမ့ၫ်ဒၣ်သုးမီၤစိရိၤတဖုလီၤ.”
သုးဖိလၢဟဲက့ၤပာ်ဖှိၣ်မၤသကိးတၫ်တဖၣ်အံၤန့ၣ် ဖဲလါယူၤလံ(၁၂)သီအနံၤ ဖဲKNLAသုးပာ်ဖှိၣ်ထီၣ်ဒုးမၤန့ၫ်အူကရ့ၣ် ထၣ်သုးကလၢၤအကတီၫ် လၢတၫ်ရဲၣ်ကျဲၤမၤန့ၫ် သုးဖိတၫ်အီၣ်အလီၫ် ပှၤလၢဟံးန့ၫ်တၫ်အီၣ်ဒီးဆီဒံၣ်တဖၣ် ပာ်ဃုာ်၀ဲ အဂ့ၫ် ကညီဂ့ၫ်ခီၣ်ထံးတၫ်ကစီၣ်တဲ၀ဲလီၤ.
