လါအီကူာ်(၂၇),၂၀၂၅နံၣ်, အၣ်ထူခ့ၣ်တၢ်ကစီၣ်
ပကိကီၫ်ခီ,တီအူသုးခီၣ်မံးရှၢၣ်အကလံၤထံးကီၫ်ခီသုး၀ဲၤလီၫ်ခိၣ်သ့ၣ်(တပခ)န့ၣ် ဘၣ်တၫ်ဒုးအီၤဒီးမျိာ်သၣ်(၅)ဖျၢၣ်ဒီး (၄)ဖျၢၣ်န့ၣ် ဘၣ်တၫ်ပညိၣ်အလီၫ်ဒီးပိၫ်ဖးထီၣ်၀ဲအဂ့ၫ် Brave Warriors for Myanmar (BWM)ပှၤဘၣ်မူဘၣ်ဒါတဂၤ တဲ၀ဲလီၤ.
ဖဲမဟါ,လါအီကူာ်(၂၆)သီအနံၤ,ဂီၤ(၁၀း၃၅)နၣ်ရံၣ်အကတီၫ် BWMအတၫ်တီခိၣ်ရိၣ်မဲအဃိ Mountain Knight Civilian Defense Forces (MKCDF), Anti-Coup People’s Liberation Force (ACPLF),သၣ်တီၣ်ကလံၤစိးဟီၣ် က၀ီၤလီၤဆီဒုးယၤ ဆါခဲကရၢတဖၣ်န့ၣ် ဒ်BWM Mission 45 အသိး ဒုး၀ဲကလံၤထံးကီၫ်ခီသုး၀ဲၤလီၫ်ခိၣ်သ့ၣ်လၢ ၁၀၇မမ မျိာ်သၣ်(၅)ဖျၢၣ်အဂ့ၫ်,ဒီးလၢတၫ်ခး၀ဲအပူၤ (၄)ဖျၢၣ်န့ၣ်လီၤတဲာ်ပိၫ်ဖး၀ဲဂ့ၤဂ့ၤအဂ့ၫ် တၫ်သ့ၣ်ည်ဘၣ်လီၤ.
သုးခီၣ်မံးရှၢၣ်အကလံၤထံးကီၫ်ခီသုး၀ဲၤလီၫ်ခိၣ်သ့ၣ်န့ၣ် မ့ၫ်ကီၫ်ခီသုး၀ဲၤလီၫ်ခိၣ်သ့ၣ်လၢသုးခီၣ်မံးရှၢၣ်ပာ်ဂံၫ်ပာ်ဘါဘၣ်လၢ တၫ်ဒုးယီၤ၀ဲ ကညီကီၫ်စဲၣ်,ကရ့ၣ်နံၣ်ကီၫ်စဲၣ်,ယိၤဒိၣ်ကလံၤထံးတၫ်ပၢၫ်ဆၢတဖၣ်အဃိ တၫ်ပၢၫ်ဆၢသုးတဖၣ်လဲၤဒုး၀ဲ ဒီးသုးခီၣ်မံးရှၢၣ်န့ၣ် အကစၫ်ကီၫ်ခီသုး၀ဲၤလီၫ်ခိၣ်သ့ၣ်ဒၣ်လဲၣ် ဒီသဒၢ၀ဲတန့ၫ်လၢၤဘၣ်န့ၣ် အိၣ်ဖျါ၀ဲအဂ့ၫ် တၫ်ပၢၫ်ဆၢဂံၫ် ဘါကရၢတဖၣ်န့ၣ်တဲ၀ဲလီၤ.
“ ဖဲတၫ်ပၢၫ်ဆၢသုးဖိတဖၣ် ကွၫ်ဆၢၣ်မဲာ်ဒီးတၫ်ဒုးဖးဒိၣ်အကတီၫ် အဲၣ်ဒိးတဲဘၣ်လၢ ပကရၢစ့ၫ်ကီး လၢကျဲအကလုာ် ကလုာ်ပကဒုးသုးခီၣ်မံးရှၢၣ်အသုးဂ့ၫ်၀ီတၫ်ပညိၣ်အလီၫ်တဖၣ်တပယူာ်ဃီအဂ့ၫ်” Brave Warriors for Myanmar (BWM)ပှၤဘၣ်မူဘၣ်ဒါတဂၤတဲ၀ဲလီၤ.
ဖဲတနံၤဃီ၀ဲန့ၣ်စ့ၫ်ကီး BWMဒီးသိၣ်မှံၤသုးတဖၣ် ဒုးခး၀ဲ ကညီကီၫ်စဲၣ်,ဒီၣ်ဖးခိၣ် သုးခီၣ်မံးရှၢၣ်ဘယ့းနီၣ်ဒုးယၤ တၫ်သိၣ်လိကၠိ လၢမျိာ်သၣ်(၉)ဖျၢၣ်န့ၫ်၀ဲဂ့ၤဂ့ၤအဂ့ၫ် တၫ်သ့ၣ်ညါဘၣ်လီၤ.
သုးခီၣ်မံးရှၢၣ်အဘယ့းနီၣ်ဒုးယၤတၫ်သိၣ်လိကၠိန့ၣ်သုးလီၫ်လၤအိၣ်(၄၀၀)ဂၤဘျဲၣ်ထီၣ်တၫ်မၤလိအဂ့ၫ်ဒိးန့ၫ်ဘၣ်တၫ်က စီၣ်အဃိ ဖဲထီၣ်တၫ်မၤလိအကတီၫ် ဒုး၀ဲန့ၣ်လီၤ.ဘယ့းနီၣ် သုးမုၫ်ဒိၣ်(ခိသုး) ဒုးယၤတၫ်သိၣ်လိကၠိန့ၣ် မ့ၫ်တၫ်သိၣ်လိ ကၠိတဖျၢၣ်လၢဟ့ၣ်န့ၫ်သုးခီၣ်မံးရှၢၣ်အသုးဒ့,သုးဆှ့ၣ်ဒီးသုးရ့ၣ်တၫ်မၤလိတဖၣ်အဂ့ၫ် Brave Warriors for Myanmar (BWM)ကရၢပှၤဘၣ်မူဘၣ်ဒါတဂၤတဲ၀ဲလီၤ.
