လါအီကူာ်(၁၉)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကညီဖီၣ်စုက၀ဲၤကရၢတဖၣ် တၫ်အိၣ်ဃူအိၣ်ဖိးအဂီၫ် ဒံၣ်မိၣ်ကရ့ၣ်စံၣ်တၢ်ဘၣ်ဘျူးကညီသုးမုၫ်ဒိၣ်(DKBA)ဒီး သုးခိးကီၫ်ဆၢ(BGF)ခိၣ်နၫ်တဖၣ် ဖဲလါအီကူာ်(၁၈)သီအနံၤ,မုၫ်ထူၣ်အကတီၫ် ထံၣ်လိာ်တၢၣ်ပီၣ်တဲသကိးတၫ် ဖဲDKBA၀ဲၤလီၫ် ခိၣ်သ့ၣ် ဆိၣ်စံမၠဲၣ်န့ၣ်လီၤ.
တၫ်တၢၣ်ပီၣ်တဲသကိးတဘျီအံၤအပူၤ နီၫ်ဂံၫ်(၂)သုးဟီၣ်က၀ီၤခိၣ် သုးခိၣ်ကျၢၫ်ဖိစီၤတ့ၣ်၀့,နီၫ်ဂံၫ်(၄)သုးဟီၣ်က၀ီၤခိၣ် သုးခိၣ်ကျၢၫ်ဖိမိးသိၤဒီးDKBA သုးခိၣ်ကျၢၫ်ဂီၫ်ဂ့ၫ် စီၤဆါအီၣ်တဖၣ် တီခိၣ်ရိၣ်မဲတၢၣ်ပီၣ်တဲသကိး၀ဲလီၤ.
BKBAသုးခိၣ်ကျၢၫ်ဖိစီၤတ့ၣ်၀့တခီတဲ၀ဲလၢ”ဒ်သိးကဒိးန့ၫ်အါထီၣ်ဘၣ်ကညီဖီၣ်စုက၀ဲၤတၫ်အိၣ်ဃူအိၣ်ဖိးဒီးတၫ်အဲၣ်လိာ်ကွံလိာ်သးကဒဲဒဲအဂီၫ် ထံၣ်လိာ်တၢၣ်ပီၣ်တဲသကိးတၫ်န့ၣ်လီၤ.”
တကးဘၣ် ၀ီၫ်လ့ၫ်ဟီၣ်က၀ီၤ ကညီပှၤလီၫ်အိၣ်ကမှံဖိတဖၣ်ဂ့ၫ်၀ီဒီးဟီၣ်က၀ီၤထံဖိကီၫ်ဖိကမျၢၫ်တၫ်ဂုၤထီၣ်ပသီထီၣ် ဒီးကညီဖီၣ်စုက၀ဲၤကရၢတၫ်ပာ်ဖှိၣ်ထီၣ်က့ၤသးတၫ်ဂ့ၫ်တဖၣ်စ့ၫ်ကီး တၢၣ်ပီၣ်တဲသကိး၀ဲအဂ့ၫ် တဲ၀ဲလီၤ.
လၢတယံာ်ဘၣ်အတီၫ်ပူၤန့ၣ် DKBA,BGFဒီးကညီတၫ်မုာ်တၫ်ခုၣ်ကီၣ်ကး(KNU/KNLA(PC) တၫ်ကရၢကရိ(၃)ဖု က ထံၣ်လိာ်ကဒီးသးအိၣ်၀ဲအဂ့ၫ် သုးခိၣ်ကျၢၫ်ဂီၫ်ဂ့ၫ် စီၤဆါအီၣ်တဲ၀ဲန့ၣ်လီၤ.
