လါအီကူာ်(၁၃)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကီၫ်ခဲၣ်ဘီဒံယါကီၫ်ဆၢဟီၣ်က၀ီၤအပူၤ ပှၤတီခိၣ်ရိၣ်မဲသုးဂ့ၫ်၀ီ ကၠီၣ်တဲၣ်သုးပှၤလီၫ်လၤအိၣ်န့ၣ် တၫ်သုတဒုးအိၣ်ဘှံးအီၤဘၣ်အမဲာ်ညါ ကမၤကဒီးတၫ်အဂီၫ် ကၠီၣ်တဲၣ်ကလုာ်ဒိၣ်စိဂံၫ်ဘါကရၢတဖၣ် ဃ့ထီၣ်၀ဲန့ၣ်လီၤ.
နီၫ်ဂံၫ်(၂)သုးဟီၣ်က၀ီၤလၢ ကီၫ်ဆၢဟီၣ်က၀ီၤခဲလၢာ်ပာ်ဃုာ်လၢဘူးဒီးခဲၣ်ဘီဒံယါ ပှၤတီခိၣ်ရိၣ်မဲတၫ် ကၠီၣ်တဲၣ်သုး သုးခိၣ်ကျၢၫ်စိ ဘိၣ်ဆ့ၣ်ပဲးကလၣ်န့ၣ် ကဘၣ်အိၣ်ဘှံးလၢအသီ(၅၀)အတီၫ်ပူၤန့ၣ်လီၤ.အ၀ဲန့ၣ် လၢသုးဂ့ၫ်၀ီတၫ်သဘံၣ်သ ဘုၣ်ဒီးခဲၣ်ဘီဒံယါအပူၤ လၢကမျၢၫ်အကျါ,လီၤဆီဒၣ်တၫ်လၢပှၤကလုာ်ဒိၣ်စိတဖၣ်အကျါ ဟူထီၣ်သါလီၤဒီးဒိးန့ၫ်တၫ် တူၫ်လိာ်ဆီၣ်ထွဲလီၤ.လၢယံာ်(၅)သီ,ကီၫ်ဆၢသုးဂ့ၫ်၀ီတၫ်သဘံၣ်သဘုၣ်အပူၤ ဘိၣ်ဆ့ၣ်န့ၣ် မ့ၫ်ပှၤတဂၤလၢတီခိၣ်ရိၣ်မဲ၀ဲ ကၠီၣ်တဲၣ်ဒုးယၤန့ၣ်လီၤ.
ဖဲလါအီကူာ် (၁၂)သီအနံၤန့ၣ် ကၠီၣ်တဲၣ်စုထွဲပှၤကလုာ်ဒိၣ်စိ ပှၤတီခိၣ်ရိၣ်မဲတၫ်တဂၤလၢအမ့ၫ် ပၣ်သးပၣ်ပိၣ်ပၣ်န့ၣ် သုးခိၣ်ကျၢၫ်စိ ဘိၣ်ဆ့ၣ် တၫ်ကပာ်က့ၤအီၤလၢအနီၫ်ကစၫ်အလီၫ်အလၤဒၣ်၀ဲအဂီၫ် တဲဆီၣ်တခူဃ့ထီၣ်ဃာ်ပဒိၣ်လၢ Facebookအဖီခိၣ်န့ၣ်လီၤ.
တၫ်ဘျၢအဖီခိၣ် ပဒိၣ်န့ၣ် မ့ၫ်ဘၣ်ဒုးအိၣ်ဘှံးဘိၣ်ဆ့ၣ်ဒၣ်လဲၣ် နီၫ်ဂံၫ်(၂)သုးဟီၣ်က၀ီၤခိၣ်အလီၫ်န့ၣ် တၫ်သုတဖၢနုာ်ခၢၣ်စးတဂ့ၤဒီးကအိၣ်ဒၣ်လီၤဟိဒ်န့ၣ်၀ံၤ ကလဲၤဒၣ်၀ဲလၢဘိၣ်ဆ့ၣ်အတၫ်နဲၣ်ကျဲအသိးအဂီၫ် အ၀ဲတဲဆီၣ်တခူထီၣ်၀ဲ လီၤ.
အပူၤကွံာ် (၁၇)နံၣ်အတီၫ်ပူၤ ဟီၣ်က၀ီၤလၢတၫ်ဂ့ၫ်လိာ်ဘှီလိာ်အိၣ်အါတက့ၫ်န့ၣ် လၢကၠီၣ်တဲၣ်အဂီၫ် ဘိၣ်ဆ့ၣ်အတၫ် က့ၤဒုးန့ၫ်ကဒါက့ၤန့ၣ် ကၠီၣ်တဲၣ်ပဒိၣ်ကပာ်ပနီၣ်ဘၣ်ဒီးဟ့ၣ်ဒုးထီၣ်အလီၫ်အလၤဆူ သုးခိၣ်ကျၢၫ်ဒိၣ်စိအဂီၫ် တဲ၀ဲလီၤ.
လၢကတီၫ်အံၤ ကၠီၣ်တဲၣ်တၫ်ဒီသဒၢကိတိာ်လီၫ်လၤလၢလီၤဟိအဂီၫ်အံၤစ့ၫ်ကီး တၫ်ကကွဲမုာ်ဘၣ် ဘိၣ်ဆ့ၣ်ဒီဟ့ၣ်အီၤ အလီၫ်အဂီၫ် အ၀ဲဃ့ထီၣ်ဃာ်၀ဲလီၤ.
တၫ်ဃ့ထီၣ်တဖၣ်အံၤန့ၣ် လၢကၠီၣ်တဲၣ်အစုထွဲကလုာ်ဒိၣ်စိတဖၣ်အကျါ မ့ၫ်တၫ်ဂ့ၫ်လၢပှၤတဲအါ၀ဲဒီးကၠီၣ်တဲၣ်ပဒိၣ်တခီ ကတူၫ်လိာ်ဧါ,တတူၫ်လိာ်ဧါဒု တစံးဆၢက့ၤတၫ်နီတမံၤဒံးဘၣ်.
Ref: khaosod
