လါအီကူာ်(၁၃)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
မ့ၫ်ပာ်ဖှိၣ်လိာ်သးမးဒီးဂံၫ်ဘါကအိၣ်၀ဲအသိးမ့ၫ်ဃူမ့ၫ်ဖိးမးဒီးကမၤနၢၤတၫ်အဂ့ၫ် ကညီဒီကလုာ်တၫ်ထူၣ်ဖျဲး သုးမုၫ်ဒိၣ်(KNLA)သုးရိၣ်မဲခိၣ်ကျၢၫ်-၂ သုးခိၣ်ကျၢၫ်စိ စီၤဘီကၠီၣ်ဟဲတဲလီၤ၀ဲ ဖဲလါအီကူာ်(၁၂)သီအနံၤ လၢလီၤဘၣ် ကညီဒီကလုာ်မၤထူရၤမုၫ်နံၤ အတၫ်ကတိၤလီၤအပူၤ ဖၢနုာ်တဲဃုာ်၀ဲလီၤ.
“ပတၫ်ပာ်ဖှိၣ်မၤသကိးတၫ်န့ၣ် မ့ၫ်တၫ်လၢအရ့ဒိၣ်လီၤ.ဘၣ်မနုၤအဃိလဲၣ်န့ၣ် မ့ၫ်လၢပပာ်လုၫ်ပာ်ပှ့ၤမၤထူရၤ တဖၣ်အဃိလီၤ.သးသမူလၢဟ့ၣ်လီၤတ့ၫ်အသးတဖၣ် ပပာ်လုၫ်ပာ်ပှ့ၤအသိး,သးသမူလၢအိၣ်မူဒံးတဖၣ်စ့ၫ်ကီး ဘၣ်ပာ်လုၫ်ပာ်ပှ့ၤလီၤ.တဂၤဒီးတဂၤပာ်လုၫ်ပာ်ပှ့ၤလိာ်သးဒီးမ့ၫ်ပာ်ဖှိၣ်မၤသကိးတၫ်မးဒီးပဂံၫ်ပဘါက အိၣ်ထီၣ်၀ဲလီၤ.မ့ၫ်ဃူမ့ၫ်ဖိးမးဒီးကမၤနၢၤတၫ်အဂ့ၫ်”တဲ၀ဲလီၤ.
တကးဘၣ် ပှၤလၢအိၣ်မူဒံးခဲအံၤတဖၣ်တခီ ပှၤဒူပှၤဃိၤဟ့ၣ်လီၤတ့ၫ်အသးလၢတၫ်သဘျ့အဂီၫ်တဖၣ် အတၫ်မုၫ်လၫ်ဖီတၢၣ်တဖၣ် မၤလၢပှဲၤကန့ၫ်အဂီၫ် ကဘၣ်ကူၣ်ထီၣ်ဂဲၤလိာ်၀ဲ မူဒါအိၣ်စ့ၫ်ကီး၀ဲအဂ့ၫ် တဲ၀ဲလီၤ.
ကညီကလုာ်တကပၤ ကြၢးပာ်လုၫ်ပာ်ပှ့ၤဒီးမၤလၤမၤကပီၤ ကညီဒီကလုာ်မၤထူရၤအမုၫ်နံၤအသိး,လၢတၫ် ပာ်လုၫ်ပာ်ပှ့ၤမၤလၤကပီၤ ကညီကလုာ်မၤထူရၤအမုၫ်နံၤန့ၣ် သုတမ့ၫ်ဖဲဘ့ၣ်ဖံးခိၣ် တၫ်မၤလၤကပီၤဘၣ်အမဲာ်ညါ လၢတၫ်နာ်,တၫ်အိၣ်ဆၢထၢၣ်အဖီခိၣ် ကဘၣ်မၤထွဲဂၢၫ်ဂၢၫ်ကျၢၤကျၢၤအဂ့ၫ် ကညီဒီကလုာ်တၫ်ထူၣ် ဖျဲးသုးမုၫ်ဒိၣ် သုးရိၣ်မဲခိၣ်ကျၢၫ်ခံ သုးခိၣ်ကျၢၫ်စိ ဘီကၠီၣ်ဟဲ တဲလီၤ၀ဲဖဲကညီဒီကလုာ်မၤထူရၤအမုၫ်နံၤ အတၫ်ကတိၤလီၤအပူၤန့ၣ်လီၤ.
