လါအီကူာ်(၁)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကီၫ်ဆၣ်လၢကလူာ်ဒူၣ်တၫ်ပၢဆၢကရၢ ထီၣ်မၤန့ၫ်ပၢဆှၢ၀ဲပာ်ဃုာ် ထံကီၫ်အပူၤ ကီၫ်ဆၣ်ခဲလၢာ်ပာ်ဖှိၣ်(၆၃)ကီၫ်ဆၣ်န့ၣ် ဖဲလါယူၤလံ(၃၁)သီအနံၤန့ၣ် သုးကရူၫ်အဒီကလုာ်တၫ်ဒီသဒၢဒီးတၫ်ဘံၣ်တၫ်ဘၢကီၣ်ကး ဘိးဘၣ်ရၤလီၤ၀ဲလၢအသီ(၉၀)ဂ့ၫ်ဂီၫ်အူတၫ်အိၣ်သးန့ၣ်လီၤ.
တၫ်ဖှီၣ်စုက၀ဲၤဒုးခးတၫ်တဖၣ်ကပတုာ်ကွံာ်အဂီၫ်,ဟီၣ်က၀ီၤတၫ်ဂၢၫ်တၫ်ကျၢၤဒီးတၫ်မုာ်တၫ်ခုၣ်,သဲစးတၫ်ဘျၢကဒိၣ်စိဒီးဒ်သိးမၤ၀ဲတုၤထီၣ်ထီၣ်ဘးကန့ၫ်အဂီၫ် သဲစးတၫ်ဘျၢအဆၢဒိၣ်၄၁၂(က)အဖီခိၣ် ဘၣ်ထုးထီၣ်ဂ့ၫ်ဂီၫ်အူတၫ်အိၣ်သးအဂ့ၫ် တၫ်ဘိးဘၣ်ရၤလီၤအပူၤတဲ၀ဲလီၤ.
ကီၫ်ဆၣ်တဖၣ်လၢသုးကရူၫ်ဘိးဘၣ်ရၤလီၤ၀ဲ ဂ့ၫ်ဂီၫ်အူတၫ်အိၣ်သးတဖၣ်န့ၣ် ကခၠ့ၣ်ကီၫ်စဲၣ်ပူၤ ဆိၣ်ဘရၣ်ဘိၣ်,ရွှ့ၣ်ကူ, အ့ၣ်ကၠါယၣ်,ဆီးလီၣ်ဒီးခၠံၣ်ဖွ့ၣ်ကီၫ်ဆၣ်တဖၣ်,ကရ့ၣ်နံၣ်ကီၫ်စဲၣ်ပူၤ ရှါတီ,ဖါစီဒီးမဲၫ်စဲးကီၫ်ဆၣ်တဖၣ်,ကညီကီၫ်စဲၣ်ပူၤ ကီးတရံးဒီးကၠၣ်အ့ဆ့းကၠံကီၫ်ဆၣ်တဖၣ်န့ၣ်လီၤ.
လၢခၠီကီၫ်စဲၣ်,ကၣ်ပဲးလဲး,ထၣ်တလၣ်,ပလဲး၀း,တိစၣ်,မ့တး,မတူၣ်ပံၣ်ဒီးဖလါကီၫ်ဆၣ်တဖၣ်,စကဲကီၫ်ခီပူၤ ထံခၠဲး, ကီလ့,ပ့ၣ်လဲၣ်ကူ,ခ့ၣ်အူ,၀ဲးလဲး,ကနံၣ်,ဒံၣ်ပဲယ့,ပလဲဒီးအ့ဒီၣ်ကီၫ်ဆၣ်တဖၣ်,မကွ့ကီၫ်ခီပူၤ ပီး,မၠဲၣ်,ဆီ,ထံလ့ဒီး ယ့ၣ်စကၠိၣ်ကီၫ်ဆၣ်တဖၣ်ပာ်ဃုာ်လီၤ.
မါတလ့ကီၫ်ခီပူၤ မိကိး,စ့းကူ,ငါစိၣ်,ရၢၫ်ခၢၣ်ကီၫ်စဲၣ်ပူၤ ယါပၠဲ,ပီးတီ,ပိၣ်နါကၠိ,ယသ့းတီၣ်,ကွး, မီတီ,ဘူသံတီၣ်,ကၠီး တီၣ်,မ့ပၠါ,မၠ့ၣ်ပိၣ်,မၠီးအူ,သၣ်တွဲ,အါဒီးတီၣ်ကီးကီၫ်ဆၣ်တဖၣ်,ယိၤဒိၣ်ကီၫ်စဲၣ်ပူၤ နမတူၣ်,မးဘ့,ကိးခဲၣ်,နးခါ,သ့ၣ်နံၣ်, ကိလိၣ်,နးဆၣ်,မၣ်တိၣ်,ဟိၣ်ပၣ်,လီးကဲၣ်,ကီကၠါ,မိမ့း,ကၠီးမဲ,သံၣ်ပီဒီးမဲလါကီၫ်ဆၣ်တဖၣ်န့ၣ်လီၤ.
လၢကတီၫ်အံၤ ကီၫ်ဆၣ်တဖၣ်လၢသုးကရူၫ်ဘိးဘၣ်ရၤလီၤ၀ဲဂ့ၫ်ဂီၫ်အူတၫ်အိၣ်သးအံၤ ရၢၫ်ခၢၣ်သုးမုၫ်ဒိၣ်(AA),တအါဒီ ကလုာ်တၫ်ထူၣ်ဖျဲးသုးမုၫ်ဒိၣ်(TNLA)ပာ်ဃုာ် ကရၢလၢထီဒါသုးကရူၫ်အတၫ်ပၢဆှၢဟီၣ်က၀ီၤအပူၤ ကီၫ်ဆၣ်တဖၣ် တ ကးဘၣ် တရူးတၫ်နုာ်လီၤကျဲၤဃူကျဲၤဖိးအဃိ ကိးကးသုးမုၫ်ဒိၣ်(MNDAA)လၢမၤဃာ်တၫ်ပတုာ်တၫ်ခးဒီးသုးကီၣ်ကး အတၫ်ပၢဟီၣ်က၀ီၤပူၤ ကီၫ်ဆၣ်တဖၣ်စ့ၫ်ကီး ပာ်ဃုာ်၀ဲလီၤ.
ကီၫ်ဆၣ်တဖၣ်န့ၣ် ဒ်သိးကက့ၤအိၣ်က့ၤဒ်အလီၫ်အသိး ထုးထီၣ်သုးတၫ်ပၢတၫ်ကလုၫ်ဒီး ပၢပြးဂ့ၫ်၀ီဒီးစံၣ်ညီၣ်ပီတ့တၫ်မၤမူဒါတဖၣ် တၫ်ဟ့ၣ်လီၤဆူ တၫ်ဒီသဒၢသုးရိၣ်မဲခိၣ်ကျၢၣ် မ့အီၣ်လဲၣ်၀ံၤသုးရိၣ်မဲခိၣ်ကျၢၫ်န့ၣ် မၤတၫ်ပၢအဖီခိၣ် တၫ်မၤမူဒါတဖၣ်န့ၣ် ကဟံးထီၣ်ဖီၣ်ထီၣ်၀ဲလၢအကစၫ် မ့တမ့ၫ် ကဟ့ၣ်လီၤ၀ဲဆူသုးတကပၤပှၤလၢကြၢး၀ဲဘၣ်၀ဲတ ဂၤဂၤအစုပူၤသ့အဂ့ၫ်စ့ၫ်ကီး တၫ်ဒီသဒၢးဒီးတၫ်ဘံၣ်တၫ်ဘၢကီၣ်ကး ထုးထီၣ်ဘိးဘၣ်ရၤလီၤဃာ်၀ဲလီၤ.
ဖဲန့ၣ်တဆီ သုးရိၣ်မဲခိၣ်ကျၢၫ်န့ၣ် ကီၫ်ဆၣ်ပူၤပၢပြးဂ့ၫ်၀ီဒီးဘၣ်ထွဲစံၣ်ညီၣ်ပီတ့ သုးတၫ်ပၢတၫ်စိကမီၤတဖၣ် ဟ့ၣ်လီၤ၀ဲဆူ ကီၫ်ခီသုး၀ဲၤလီၫ်ခိၣ်သ့ၣ်လၢဘၣ်ထွဲတဖၣ်ဒီးဆူကီၫ်ခီခိၣ်တဖၣ်အအိၣ်အဂ့ၫ် တၫ်ဘိးဘၣ်ရၤလီၤအဖီခိၣ် တၫ်သ့ၣ် ညါဘၣ်လီၤ.
