လါအီကူၥ်(၁)သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
ထံဒိၣ်လၢ ကညီကီၢ်စဲၣ်, ၀့ၢ်ဖၣ်အၣ်အပူၤအဃိ ပှၤ(၁)ကလးဘျဲၣ် ဘၣ်သုးကစီၤအသးဆူ တၢ်လီၢ်လၢအပူၤဖျဲးအဂ့ၢ် တၢ်သ့ၣ်ညါဘၣ်လၢ ပှၤတ၀ၢတၢ်မၤစၢၤကရၢတဖၣ်အအိၣ်န့ၣ်လီၤ.
ချံလီၤတကျၢၢ် ဖဲဖၣ်အၣ်၀့ၢ်, နီၣ်ဂံၢ်(၂)က၀ီၤဒ့, နီၣ်ဂံၢ်(၁)ထံဖီခိၣ်ကျးမုၢ်နုၥ်တပၤအဃိ ပိၥ်မုၣ်(၁)လီၤမၢ်၀ံၤ တၢ်ဃုအီၤအဖၢမုၢ်ဒံးလီၤအဂ့ၢ် မၣ်ကးပှၤတ၀ၢတၢ်မၤစၢၤကရၢပှၤဘၣ်မူဘၣ်ဒါတဂၤ စံး၀ဲန့ၣ်လီၤ.
တီၤထီကၠိတဖၣ်, သီခါဖၠၣ်တဖၣ်အပူၤ တၢ်အိးထီၣ်ဃၥ်၀ဲ တၢ်မၤပူၤဖျဲးအလီၢ် (၂၀)ဘျဲၣ်အဂ့ၢ် အ၀ဲစံး၀ဲန့ၣ်လီၤ.
“ထံကျိကၢၢ်နံၤကျဲ, အ၀ဲဒီတကျိၤန့ၣ် ထံဒိၣ်၀ဲလီၤ. က၀ီၤဒ့ (၁,၂,၅,၇,၈)တဖၣ် ထံလုၢ်ဘၢကွံၥ်၀ဲလီၤ. ထံတလုၢ်ဘၢထဲဒၣ်တၢ်လီၢ်ထီၣ်ထီဒီး တၢ်လီၢ်လၢအိၣ်တ့ၢ်တဖၣ်တခီ လီၤဘၢခဲလၢၥ်လံ”အဂ့ၢ် မၣ်ကးပှၤတ၀ၢတၢ်မၤစၢၤကရၢ ပှၤဘၣ်မူဘၣ်ဒါ စံး၀ဲန့ၣ်လီၤ.
လါယူၤလံ(၃၁)သီ, ဂီၤ(၆း၃၀)နၣ်ရံၣ်အဆၢကတီၢ် တၢ်ထိၣ်ဒွးအဖီခိၣ် ဃိၥ်လိၥ်ကျိထံအံၤ ထီၣ်တုၤ၀ဲဆူ တၢ်လီၤဘၣ်ယိၣ်တၢ်ပနီၣ် ၇၅၀စ့ၣ်တံၣ်မံၣ်တၣ်အဖီခိၣ် ၉၂၇စ့ၣ်တံၣ်မံၣ်တၣ်န့ၣ်လီၤ.
လါယူၤလံ(၃၁)သီအနံၤ လ့ၣ်ဧိၤလီဧိၤလၢ ကအိၣ်ဟးထီၣ် ဖဲဖၣ်အၣ်-၀့ၢ်တကူၣ်တဖၣ်စ့ၢ်ကီး တၢ်ဘၣ်ပတုၥ်ကွံၥ်၀ဲခဲလၢၥ်န့ၣ်လီၤ.
မူခိၣ်ကလံၤသီၣ်ဂီၤတၢ်နဲၣ်လီၤ၀ဲၤကျိၤအတၢ်ထုးထီၣ်ပၥ်ဖျါအဖီခိၣ် ဃိၥ်လိၥ်ကျိထံန့ၣ် ထီၣ်တလၢကွ့ၥ် ၀့ၢ်ဖၣ်အၣ်ထံတၢ်လီၤဘၣ်ယိၣ်တၢ်ပၥ်ပနီၣ် ၇၅၀စ့ၣ်တံၣ်မံၣ်တၣ်အဖီခီၣ်၀ံၤ ထီၣ်တုၤ ၉၃၂စ့ၣ်တံၣ်မံၣ်တၣ်အဃိ ထီၣ်တလၢကွံၥ် ထံတၢ်လီၤဘၣ်ယိၣ်တၢ်ပနီၣ် (၆)ပျၢ်အဂ့ၢ် တၢ်သ့ၣ်ညါဘၣ်န့ၣ်လီၤ.
လီၢ်ခံ (၂၄)နၣ်ရံၣ်အတီၢ်ပူၤန့ၣ် ထံကထီၣ်အါထီၣ်တုၤ (၆)စ့ၣ်တံၣ်မံၣ်တၣ်ဒံးအဂ့ၢ် မူခိၣ်ကလံၤသီၣ်ဂီၤ၀ဲၤကျိၤ ထုးထီၣ်ပၥ်ဖျါဃၥ်၀ဲန့ၣ်လီၤ.
Ref: BBC
