လါယူၤလံ(၂၄)သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
စးထီၣ်ဖဲ မဟါလါယူၤလံ(၂၃)သီအနံၤ ဟါအဆၢကတီၢ် ထံစးထီၣ်လူၤဘၢတၢ် ဖဲကၠီၣ်တဲၣ်-ပယီၤကီၢ်ဆၢ မဲဆီး၀့ၢ်အပူၤ ကျဲမုၢ်တဖၣ်အဖီခိၣ်အဃိ ကီၢ်ပယီၤခီကီၢ်တၢ်သိၣ်ကၠိတဖၣ် စးထီၣ်ကးတံၥ်ကွံၥ်၀ဲအဂ့ၢ် တၢ်သ့ၣ်ညါဘၣ်န့ၣ်လီၤ.
တးကီၢ်ရ့ၣ်, မဲးဆီး၀့ၢ်ပူၤ ၀ံၣ်ဖၣ်ကလံၤမုၢ်အသဟီၣ်အဃိ စးထီၣ်လၢလါယူၤလံ(၂၃)သီအနံၤန့ၣ် မူခိၣ်စူၤဒိၣ်၀ံၤ ထံဟဲနုၥ်လီၤ၀ဲဒၣ်ဖဲ ၀့ၢ်ပူၤကျဲမုၢ်အဖီခိၣ်ဒီး က၀ီၤဒ့တဖၣ်အပူၤန့ၣ်လီၤ.
ကတီၢ်ခဲအံၤန့ၣ်မဲဆီး၀့ၢ်တၢ်လီၢ်အါတီၤအပူၤထံဒိၣ်ထီၣ်၀ံၤတၢ်လဲၤတၢ်က့ၤကီခဲ၀ဲအဃိကီၢ်ပယီၤခီကီၢ်တၢ်သိၣ်လိကၠိတနီၤန့ၣ် စးထီၣ်ကးတံၥ်ကွံၥ်ကၠိ ဖဲလါယူၤလံ(၂၄)သီအနံၤတုၤ(၂၈)သီအနံၤအဂ့ၢ် တၢ်သ့ၣ်ညါဘၣ်န့ၣ်လီၤ.
“သရၣ်ကၠိခိၣ်တဲပှၤမီၤ ခီဖျိလၢမူခိၣ်ကလံၤသီၣ်ဂီၤ, ထံဒိၣ်လၢကျဲအဃိ ကကးတံၥ်ကွံၥ်ကၠိအဂ့ၢ်” ခီကီၢ်ကၠိ သရၣ်မုၣ်တဂၤ စံး၀ဲန့ၣ်လီၤ.
ကၠီၣ်တဲၣ်ပဒိၣ်စ့ၢ်ကီး တးကီၢ်ရ့ၣ်အပူၤ ထံလူၤဘၢတၢ်သ့အဂ့ၢ်န့ၣ် ဆှၢMassage(SMS)လၢ လီတဲစိအပူၤတဆီ၀ံၤ ဟ့ၣ်ပလီၢ်၀ဲအသိး လီၢ်က၀ီၤပှၤဘၣ်မူဘၣ်ဒါတဖၣ်, တၢ်မၤပံၥ်မ့ၣ်အူဒီးတၢ်မၤပူၤဖျဲးကရၢတဖၣ်စ့ၢ်ကီး မၤတၢ်မၤပူၤဖျဲးတၢ်ဖံးတၢ်မၤတဖၣ် ဖဲထံလူၤဘၢတၢ်သ့ က၀ီဒ့လၢအလီၤဖုၣ်တဖၣ်ပူၤအဂ့ၢ် တၢ်ထံၣ်ဘၣ်၀ဲန့ၣ်လီၤ .
မဲဆီးပၢၤကီၢ်သုးကလၢၤအပှၤတ၀ၢလံၥ်ကဘျံးပၤစ့ၢ်ကီးတၢ်ကပလီၢ်သူၣ်ပလီၢ်သးလၢလ့ၣ်ဧီၤလီဧီၤတၢ်လ့ၤလိၤဟးထီၣ်အဂီၢ်ဒီး ပှၤအိၣ်လၢတၢ်လီၢ်လီၤဖုၣ်က၀ီၤဒ့အပူၤတဖၣ် တၢ်ကီတၢ်ခဲမ့ၢ်အိၣ်လၢ တၢ်ကသုးကစီၤတၢ်အဂီၢ်န့ၣ် ကဆဲးကျိးဒုးသ့ၣ်ညါဘၣ်ဆူ ဂ့ၢ်ဂီၤအူလီတဲစိနီၣ်ဂံၢ် 191အအိၣ်အဂီၢ် ပၥ်ဖျါဃၥ်၀ဲန့ၣ်လီၤ.
