ဃိၣ်လိာ်ထံကျိထံ ဒိၣ်ထီၣ်သ့အဃိ ၀့ၫ်ဖၣ်အၣ်အပူၤ တၫ်ကတီၤဃာ် တၫ်မၤပူၤဖျဲးထီၣ်သုးကလၢၤတဖၣ်

လါယူၤလံ(၁၈)သီ,၂၀၂၅နံၣ်, အၣ်ထူခ့ၣ်တၢ်ကစီၣ်

ကညီကီၫ်စဲၣ်,၀့ၫ်ဖၣ်အၣ်အပူၤ ဃိၣ်လိာ်ထံကျိထံဟဲထီထီၣ်၀ံၤ ထံမ့ၫ်ဒိၣ်န့ၣ် ပှၤ၀့ၫ်ဖိဒီးပှၤလီၫ်အိၣ်ကမှံဖိတဖၣ် ကွၫ် ဆၢၣ်မဲာ်ဘၣ်တၫ်ကီတၫ်ခဲသ့အဃိ ကတီၤဃာ် တၫ်မၤပူၤဖျဲးထီၣ်သုးကလၢၤတဖၣ်အဂ့ၫ် ပှၤ၀့ၫ်ဖိတဖၣ်တဲ၀ဲလီၤ.

၀့ၫ်ဖၣ်အၣ်အပူၤ ဖဲလါယူၤ(၁၇),ဂီၤ(၆)နၣ်ရံၣ်အကတီၫ် တၫ်ထိၣ်တၫ်ဒွးအဖီခိၣ် ဃိၣ်လိာ်ထံကျိထံန့ၣ် အိၣ်လၢထံတၫ် လီၤဘၣ်ယိၣ်တၫ်ပာ်ပနီၣ်နီၫ်ဂံၫ် ၇၅၀စ့ၣ်တံၣ်မံၣ်ထၢၣ်အဖီလာ် တုၤဃီၤလၢ ၆၆၆စ့ၣ်တံၣ်မံၣ်ထၢၣ်လံန့ၣ်လီၤ.

မူခိၣ်စူၤတပယူာ်ဃီအဃိ ကစၢၫ်ထံဒီးဃိၣ်လိာ်ထံကျိထံအဃိ ထံဒိၣ်ကဲထီၣ်သ့အဖီခိၣ် တၫ်ကတဲာ်ကတီၤဃာ် ဘၣ် ထွဲန့ဆၢၣ်တၫ်လီၤဘၣ်ယိၣ် တၫ်မၤပူၤဖျဲးထီၣ်ကရၢ တကးဘၣ် တၫ်ကတီၤဃာ် တၫ်မၤပူၤဖျဲးထီၣ်သုးကလၢၤ(၉)ဖျၢၣ် အဂ့ၫ် တၫ်သ့ၣ်ညါဘၣ်လီၤ.

ပှၤ၀့ၫ်ဖိတဂၤတဲ၀ဲလၢ”တၫ်အိၣ်သးလၢတနံၣ်အံၤန့ၣ် မူခိၣ်စူၤစှၤဒံးဒၢး အခဲအံၤ ထံတဒိၣ်ဒံးဘၣ်. လၢညါမ့ၫ်တုၤကိး ဘျီန့ၣ် ထံဒိၣ်ထီၣ်တုၤလၢကျဲမုၫ်ခိၣ်အဃိ တၫ်မ့ၫ်လဲၤတၫ်မၤလၢလ့ၣ်ယီၫ်စဲးဒီးသိလ့ၣ်တဖၣ်န့ၣ် ကဲထီၣ်တၫ်ကီတၫ်ခဲ လီၤ.ထံမ့ၫ်ဒိၣ်န့ၣ် အိၣ်လၢဟံၣ်တညီလၢၤဘၣ်.ဘၣ်အိၣ်လၢတၫ်မၤပူၤဖျဲးထီၣ်သုးကလၢၤအပူၤလီၤ.အခဲတဘျီ ကိးမုၫ်နံၣ်ဒဲးဃၣ်ဃၣ် ထံဒိၣ်၀ဲလီၤ.အခဲအံၤတဘျီနးမးလီၤ.ပှၤလီၫ်အိၣ်ကမှံဖိတဖၣ် ဘၣ်ကီဘၣ်ခဲဒိၣ်န့ၫ်ဒံးပှၤအဂၤလီၤ.တုၤလၢအတၫ်အိၣ်တၫ်ဆိးအဂီၫ်ဒၣ်လဲၣ်လီၤ.ဘၣ်စံၣ်သုးတနီၤဒီးဘၣ်စံၣ်ထံတနီၤအဃိ ပှၤကမျၢၫ်တဖၣ် တၫ်ကီတၫ်ခဲဘၣ်အီၤလီၤ.ပှၤလီၫ်အိၣ်ကမှံတဖၣ်စ့ၫ်ကီး ထံၣ်ဘၣ်တၫ်ကီတၫ်ခဲအဂ့ၫ်”န့ၣ်လီၤ.

၀့ၫ်ဖၣ်အၣ် က၀ီၤဒ့လၢတၫ်လီၫ်လီၤဖုၣ်အလီၫ်တဖၣ်ဒ်အမ့ၫ် နီၫ်ဂံၫ် ၁,နီၫ်ဂံၫ် ၂, နီၫ်ဂံၫ် ၃,နီၫ်ဂံၫ် ၄,နီၫ်ဂံၫ် ၅,နီၫ်ဂံၫ် ၆,နီၫ်ဂံၫ် ၇,နီၫ်ဂံၫ် ၈,နီၫ်ဂံၫ် ၉က၀ီၤဒ့တဖၣ် ဘၣ်ထွဲဒီးဃိၣ်လိာ်ထံကျိထံန့ၣ် ကရၢလၢမၤသံမ့ၣ်အူတဖၣ် လူၤဟ့ၣ်ပလီၫ်ဃာ်၀ဲ အိၣ်အဂ့ၫ် ပှၤလၢရဲၣ်ကျဲၤတၫ်တဖၣ်တဲ၀ဲလီၤ.

ပှၤရဲၣ်ကျဲၤတၫ်တဂၤတဲ၀ဲလၢ”အပူၤကွံာ်နံၣ်န့ၣ် မူခိၣ်စူၤဒိၣ်ဒီးအါ၀ဲလီၤ.တနံၣ်န့ၣ် တအါန့ၫ်ဒံးအပူၤကွံာ်နံၣ်ဘၣ်.ဃိၣ်လိာ်ထံကျိန့ၣ် အိၣ်လၢတၫ်ဖီခိၣ်ဒီးတစံၣ်လီၤဒံးဘၣ်.အဃိမူခိၣ်စူၤမ့ၫ်အါဒီးဃိၣ်လိာ်ထံကျိထံအိၣ်လၢတၫ်ဖီခိၣ် ဒီးဟဲလီၤမ့ၫ်အါန့ၣ် ၀့ၫ်ဖၣ်အၣ်လီၤဘျၢလီၤ.မူခိၣ်စူၤဒိၣ်ဒၣ်တဘီတဘီလီၤ.ဃိၣ်လိာ်ထံကျိထံန့ၣ် လဲၤဒ်ညီနုၫ်အသိးဒံးလီၤ .မ့မ့ၫ်လၢထံတၫ်လီၤဘၣ်ယိၣ်တဖၣ်အဂီၫ်တခီ တၫ်ကတီၤဃာ် ကရၢလၢမၤသံမ့ၣ်အူ,ပၢၤကီၫ်ဒီး၀ဲၤကျိၤလၢဘၣ်ထွဲတဖၣ်န့ၣ်လီၤ.ကရၢမၤသံမ့ၣ်အူတဖၣ်စ့ၫ်ကီး လၢကဒ့လၢတၫ်လီၫ်လီၤဖုၣ်တဖၣ်အပူၤ လူၤတဲရၤလီၤန့ၫ်၀ဲတၫ်ကစီၣ်လီၤ. ထံတၫ်ဘၣ်ယိၣ်တၫ်ပာ်ပနီၣ်နီၫ်ဂံၫ်န့ၣ်အိၣ်၀ဲ ၇၅၀.လၢတနံၤန့ၣ် တုၤလီၤလၢ ၇၄၀လီၤ.အခဲအံၤလီၤက့ၤ၀ဲလီၤ.လၢခံတလါဒု လီၤဂာ်လၢဘၣ်ပလီၫ်သးအဂ့ၫ်”န့ၣ်လီၤ.

အပူၤကွံာ် ၂၀၂၄နံၣ်,လါအီကူး(၄)သီအနံၤန့ၣ် ဃိၣ်လိာ်ထံကျိထံန့ၣ် အိၣ်လၢထံတၫ်လီၤဘၣ်ယိၣ်တၫ်ပာ်ပနီၣ်အလီၫ် ၇၅၀ စ့ၣ်တံၣ်မံၣ်ထၢၣ်အဖီခိၣ် တုၤဃီၤဆူ ၉၁၈ စ့ၣ်တံၣ်မံၣ်ထၢၣ်ညါန့ၣ်လီၤ.

ထံဒိၣ်အဃိ က၀ီၤဒ့(၉)ဘ့ၣ်လၢာ် ထံနုာ်လီၤ၀ံၤ ပှၤနီၫ်ဂံၫ် ၉,၀၀၀ ဘျဲၣ်န့ၣ် ဘၣ်လဲၤအိၣ်ကဒုလၢ တၫ်မၤပူၤဖျဲးထီၣ်သုး ကလၢၤ(၁၂)ဖျၢၣ်အပူၤန့ၣ်လီၤ.

ref: DVB