လါယူၤလံ(၃)သီ, ၂၀၂၅နံၣ်
စးထီၣ်လၢလါယူၤ(၂)သီအနံၤတုၤ(၄)သီအနံၤအတီၢ်ပူၤ တၢ်ကရဲၣ်ကျဲၤမၤ၀ဲ(၃၇)၀ီတ၀ီ ကၠီၣ်တဲၣ်-ပယီၤကီၢ်ဆၢကမံးတံၥ်တၢ်အိၣ်ဖှိၣ်အံၤလၢ ထံကီၢ်ခံဘ့ၣ်ပတီၢ်ထီခိၣ်နၢ်တဖၣ် ဖဲကီၢ်ကၠီၣ်တဲၣ်, ၀့ၢ်ကံၢ်မဲအဂ့ၢ် ကၠီၣ်တဲၣ်တၢ်ကစီၣ်သန့တဖၣ်ပၥ်ဖျါဃၥ်၀ဲန့ၣ်လီၤ.
ထံကီၢ်ခံဘ့ၣ်သုးမုၢ်ဒိၣ်တဖၣ်အဘၢၣ်စၢၤ တၢ်ကမၤဂ့ၤထီၣ်တၢ်နၢ်ပၢၢ်လိၥ်ကဒဲကဒဲအဂီၢ်ဒီး ကၠီၣ်တဲၣ်-ပယီၤကီၢ်ဆၢဟီၣ်က၀ီၤ တၢ်အိၣ်ဂၢၤအိၣ်ကျၢၤအဂီၢ် ဒ်သိးတၢ်ကပၥ်လီၤ၀ဲ တၢ်နဲၣ်ကျဲတဖၣ်ကန့ၢ်အဂီၢ် ပညိၣ်၀ဲမၤ၀ဲတၢ်အိၣ်ဖှိၣ်အံၤအဂ့ၢ် စံး၀ဲန့ၣ်လီၤ.
တၢ်အိၣ်ဖှိၣ်အံၤအပူၤ ကၠီၣ်တဲၣ်တပၤတခီ တၢၣ်ပီၣ်တဲသကိး၀ဲဘၣ်ဃးဒီး တၢ်မၤဘၣ်ဒိ ခိၣ်ဃၢၤန့ဆၢၣ်ဒီးထံကီၢ်ခံဘ့ၣ်စလၢၥ် ထံဖိကီၢ်ဖိကမျၢၢ်တဖၣ် အတၢ်အိၣ်ဆူၣ်အိၣ်ချ့သ့ဒ်အမ့ၢ် ထံကျိအပူၤတၢ်တၢၤလီၤတၢ်ဘၣ်အၢဘၣ်သီလၢအိၣ်ဒီးအစုၥ်အပျၢ်တဖၣ်အိၣ်တအိၣ် တၢ်ကသံသမိးအီၤဒီးတၢ်ကတြီၤဆၢအီၤအဂီၢ်, တၢ်ကတြီဆၢမၤလီၤပှီၢ် ထံကီၢ်ခီဂၥ် Call Centerကဲတဖၣ် အတၢ်ဂ့ၢ်ကီတဖၣ်အဂီၢ်အဂ့ၢ်န့ၣ်လီၤ.
RBC တၢ်အိၣ်ဖှိၣ်အံၤ ဒ်သိးထံကီၢ်ခံဘ့ၣ်အတၢ်ဘံၣ်တၢ်ဘၢဂ့ၢ်၀ီ တၢ်မၤဂ့ၤထီၣ်တၢ်ပၥ်ဖှိၣ်မၤသကိးအဂီၢ်, တၢ်ကဘှါရှဲကီၢ်ဆၢတၢ်ဂ့ၢ်ကီတဖၣ်ဒီး ထံကီၢ်ခံဘ့ၣ်တၢ်မုၥ်တၢ်ခုၣ်အယံၤအထၢ,တၢ်အိၣ်ဂၢၤအိၣ်ကျၢၤဒီး တၢ်ကဒုးအိးထီၣ် တၢ်ဂုၤထီၣ်ပသီထီၣ်ဂ့ၢ်၀ီတၢ်လီၢ်တဖၣ်အဂီၢ် မ့ၢ်တၢ်အိၣ်ဖှိၣ်တခါလၢအရ့ဒိၣ်၀ဲန့ၣ်လီၤ.
ref: the irrawaddy
