လါယူၤလံ(၂)သီ,၂၀၂၅နံၣ်
အ့ၣ်ယၣ်၀တံၣ်ကီၫ်ခီ,မၠီမၠးကီၫ်ဆၣ်, သ၀ီတနီၤအပူၤ လါယူၤလံအလီၫ်ခံကတၢၫ်တနွံအတီၫ်ပူၤ သးနံၣ်၃၅နံၣ် အဖီခိၣ် ပိာ်ခွါတဖၣ် တၫ်ကဒုးအိၣ်ထီၣ်ဒူသ၀ီဂၢၤကီၫ်သုးအဂီၫ် တၫ်မၢဖီၣ်တၫ်ဖးအဂ့ၫ် တၫ်သ့ၣ်ညါဘၣ်လီၤ.
ကၠိထ့း,သယဲးတီ,ခၠီပၠဲကၠံ,ငနိကိခၠၣ်,ကၠိမၠးသၣ်ယၣ်သ၀ီတဖၣ်အပူၤ သးနံၣ်၃၅နံၣ်တုၤသးနံၣ်၆၀နံၣ်အိၣ်ပိာ်ခွါတဖၣ် တၫ်ထၢစရီဒီးကကဲဂၢၤကီၫ်အဂီၫ် ဘၣ်ဖီၣ်တၫ်ဖးအဃိ လီၫ်က၀ီၤဖိ (၃၀)ဂၤ ဖီၣ်တၫ်ဖးဘၣ်အဂ့ၫ် တၫ်သ့ၣ်ညါဘၣ်လီၤ.
“တဲ၀ဲလၢဒူသ၀ီတၫ်ဘံၣ်တၫ်ဘၢအဂီၫ်လီၤ.ပှၤဖီၣ်တၫ်ဖးအကျါ သ၀ီသးပှၫ်ဒီးဟံၣ်(၁၀၀)ဖျၢၣ်အခိၣ် အဘူးအတံၫ်တဖၣ် တပာ်ဃုာ်ဘၣ်အဃိ ပှၤသ၀ီဖိတဖၣ်အသးတမံဘၣ်အဂ့ၫ်”ပှၤလီၫ်က၀ီၤဖိတဂၤတဲ၀ဲလီၤ.
အ့ၣ်ယၣ်၀တံၣ်ကီၫ်ခီပူၤ,ငသဲခၠီ,လ့မၠဲးနၣ်ကီၫ်ဆၣ်တဖၣ်အပူၤ ရၢၫ်ခၢၣ်သုးမုၫ်ဒိၣ်(AA)သုးပာ်ဖှိၣ်ဒီးသုးကီၣ်ကးသုးအဘၢၣ်စၢၤ တၫ်ဒုးဆူၣ်ထီၣ်အဃိ သုးကီၣ်ကးန့ၣ် ပာ်ထီၣ်တၫ်ဂ့ၫ်လၢတၫ်ဘံၣ်တၫ်ဘၢအဖီခိၣ်၀ံၤ တၫ်ကဒုးအိၣ်ထီၣ်ဂၢၤကီၫ်သုးအဂီၫ် ဟ့ၣ်တၫ်ဆီၣ်သနံးမၢန့ၫ်ဆူၣ်၀ဲအဂ့ၫ် တၫ်သ့ၣ်ညါဘၣ်လီၤ.
ref: ayeyarwaddy times
