လါယူၤ(၁၂)သီ,၂၀၂၅နံၣ်
ကညီကီၫ်စဲၣ်ပူၤ,လ့ၣ်ယီၫ်စဲး,သိလ့ၣ်လၢလဲၣ်စ့ၣ်တအိၣ်တဖၣ်ဒီးပနံာ်လၢဟဲနုာ်လီၤတဖိးသဲစးတဖၣ်စ့ၫ်ကီးတၫ်ဖီၣ်၀ဲအဃိ ပနံာ်အပှ့ၤကလံၤထီၣ်၀ဲအဂ့ၫ် ပှၤ၀့ၫ်ဖိတဖၣ်တဲ၀ဲလီၤ.
ဖဲလါမ့ၤ(၂၀)သီနံၤ လၢန့ၣ်ပၠံၣ်တီၣ် တၫ်မၤ၀ဲ သုးကီၣ်ကးကရၢအတၫ်တၢၣ်ပီၣ်တဲသကိးတၫ်ဖံးတၫ်မၤတၫ်အိၣ်ဖှိၣ်အပူၤ သုးကီၣ်ကးအခိၣ်န့ၣ် နဲၣ်လီၤဃာ်တၫ်ကလုၫ်န့ၣ်လၢ တၫ်ကဃုထံၣ်ဖီၣ်ဘၣ် ပှၤဒိးလ့ၣ်ယီၫ်စဲးဒီးသိလ့ၣ်လၣ်စ့ၣ်တအိၣ်ဘၣ်တဖၣ်န့ၣ်လီၤ.
တၫ်အဃိ စးထီၣ်ဖဲလါယူၤ(၁)သီအနံၤန့ၣ် ကညီကီၫ်စဲၣ်ပူၤ တၫ်ဖီၣ်၀ဲလ့ၣ်ယီၫ်စဲးဒီးသိလ့ၣ်လၣ်စ့ၣ်တအိၣ်တဖၣ် န့ၣ်လီၤ.
ဖဲလါအီးကထိဘၢၣ်(၉)သီအနံၤစ့ၫ်ကီး ပနံာ်ဟဲနုာ်လီၤတဖိးသဲစးတဖၣ်န့ၣ် လၢကီၫ်ဆၢဟီၣ်က၀ီၤဒီးတၫ်ကူၣ်လဲၫ် မၤကၤအကျဲတဖၣ်တဖၣ်ဘၣ် ကီၫ်ပူၤတၫ်ပာ်ကီၤအလီၫ်ဒီး တုၤလၢတၫ်ဆါတၫ်ပှ့ၤအပူၤဒၣ်လဲၣ် တၫ်ကနုာ်လီၤသ မံသမိးဟံးန့ၫ်ဂ့ၫ်၀ီအဂီၫ် သုးခီၣ်ကးအခိၣ်ခံ နဲၣ်လီၤ၀ဲ၀ံၤအလီၫ်ခံ ဖီၣ်တၫ်တပယူာ်ဃီန့ၣ်လီၤ.
ပှၤ၀့ၫ်ဖၣ်အၣ်ဖိတဂၤတဲ၀ဲလၢ”ဖဲတၫ်ဖီၣ်တၫ်ဆူၣ်အကတီၫ်,ဒ်အဲၣ်ဒိးလဲၤတလဲၤဘၣ်အဃိ ပနံာ်အပှ့ၤကလံၤဒိၣ်ထီၣ်၀ဲ လီၤ.တၫ်မ့ၫ်လဲၤလၢအကျဲဘၣ်ဘၣ်အပူၤန့ၣ် ၀ံစိာ်တီဆှၢအပှ့ၤကလံၤဒိၣ်ထီၣ်လီၤ.ကက့ၤဘၣ်ဒိဒၣ် ပှၤလၢအီၣ်တၫ် တဖၣ်လီၤ.အလီၫ်ခံ တြဲၤတဖၣ်စ့ၫ်ကီးဘၣ်ဂ့ၤဘၣ်ဟ့ၣ်,ကမၣ်မ့ၫ်ဂ့ၤ ဘၣ်ဟ့ၣ်လီၤ၀ဲစ့”န့ၣ်လီၤ.
လၢကတီၫ်အံၤ သိလ့ၣ်တီၣ်ပနံာ်တဖၣ် အတၫ်လ့ၤထီၣ်လ့ၤလိၤစှၤလီၤအဃိ ၀့ၫ်ဖၣ်အၣ်ပူၤ ကၠီၣ်တဲၣ်ပနာ်တဖၣ် တခါစုာ်စုာ်န့ၣ် အပှ့ၤကလံၤဒိၣ်ထီၣ်(၅၀၀)ကၠး ဆူ (၁၀၀၀)ကၠးန့ၣ်လီၤ.
တကးဘၣ် ပတီၫ်မုၫ်ပှၤမၤတၫ်ဖိအတၫ်သူၣ်တၫ်ဘျးဒ်အမ့ၫ် တၫ်သူတၤသၣ်အပှ့ၤကလံၤတဖၣ်စ့ၫ်ကီး ဒိၣ်ထီၣ်၀ဲအဂ့ၫ် ပှၤ၀့ၫ်ဖိတဖၣ်တဲ၀ဲလီၤ.
ပှၤ၀့ၫ်ဖၣ်အၣ်ဖိတဂၤတဲ၀ဲလၢ”တၫ်ဖီၣ်သိလ့ၣ်လဲၣ်စ့ၣ်တအိၣ်တဖၣ်အဃိ ပနံာ်တကးဘၣ်,တၫ်သူတၤသၣ်တၫ်ဒိးတၫ် လၣ်အပှ့ၤကလံၤဒိၣ်ထီၣ်၀ဲလီၤ.သ၀ီၤဖိတဖၣ် အပူၤကွံာ် ဟဲဆှၢ၀ဲဆူ၀့ၫ်ဖီခိၣ်ဒီးသိလ့ၣ်လၣ်စ့ၣ်တအိၣ်သ့၀ဲလီၤ.အခဲ အံၤဟဲဆှၢ၀ဲတန့ၫ်လၢၤဘၣ်အဃိ တၫ်အပှ့ၤကလံၤဘၣ်ထီၣ်၀ဲလီၤ.သိလ့ၣ်လဲၤထီၣ်တန့ၫ်ဘၣ်အဃိ ကၠီၣ်တဲၣ်ပနံာ်တနုာ် လီၤအါလၢၤဘၣ်.ပနံာ်တနီၤလၢကၤထီၣ်တဖၣ်စ့ၫ်ကီး”န့ၣ်လီၤ.
ပယီၤ-ကၠီၣ်တဲၣ်ကီၫ်ဆၢ ဖဲ၀့ၫ်ရၤမတံတဆီ လၢကီၫ်ပယီၤဒီတဘ့ၣ် သိလ့ၣ်လၣ်စ့ၣ်တအိၣ်ဒီးပနံာ်ကနုာ်လီၤအဂီၫ် တၫ်ဘၣ်ဟ့ၣ်စ့ဆူ ပှၤဖီၣ်စုက၀ဲၤတၫ်ကရၢကရိတဖၣ်,၀ဲၤကျိၤလၢဘၣ်ထွဲတဖၣ်၀ံၤ တၫ်ဘၣ်တီၣ်သွီနုာ်၀ဲအဂ့ၫ် လီၫ်က၀ီၤဖိတဖၣ်တဲ၀ဲလီၤ.
စးထီၣ်ဖဲလါယူၤ(၅)သီနံၤ,ဟါခီန့ၣ် သိလ့ၣ်တီၣ်ပနံာ် ၃၆၂ခိၣ် လၢဟဲက့ၤတီၣ်ကၠီၣ်တဲာ်ပနံာ်ဆူ၀့ၫ်ဖၣ်အၣ်အံၤ ဘၣ်တၫ်ဖီၣ်၀ဲ ခီဖျိလၢ ၀့ၫ်မီၣ်လမၠဲၣ်,မုၫ်ထီၣ်ကလံၤထံးကီၫ်ခီသုး၀ဲၤလီၫ်ခိၣ်သ့ၣ် ကီၫ်ခီခိၣ်ခံအတၫ်ကလုၫ်န့ၣ်လီၤ. သိလ့ၣ်တီၣ်ပနံာ် ၃၆၂ခိၣ်အံၤ ဟဲက့ၤတီၣ် ပနံာ်ဖိးသဲစး မ့ၫ်,တမ့ၫ် ကီၫ်စဲၣ်ခိသွဲ၀ဲၤကျိၤ သမံသမိး၀ဲအဂ့ၫ် တၫ်သ့ၣ်ညါဘၣ်လီၤ.
Ref: DVB
