လါယူၤ(၅)သီ,၂၀၂၅နံၣ်
ဖဲကီၫ်ဆၢဂ့ၫ်၀ီတၫ်ဖ့ၣ်ဆၢအိၣ်ထီၣ်ဒီးကီၫ်ခဲၣ်ဘီးဒံယါအကတီၫ် ကၠီၣ်တဲၣ်စီၤပၤသုးမုၫ်ဒိၣ် နီၫ်ဂံၫ်(၁)ကီၫ်ခီသုးပှၤဘၣ်မူဘၣ်ဒါ သုးခိၣ်ကျၢၫ်စိ အမရံးဘိၣ်ဆူၣ်ယးန့ၣ် ဖဲဆၣ်ရၣ်ဘူၣ်ရံၣ်ကီၫ်ဆၣ်ဒီးခၠိၣ်ဘူၣ်ရံၣ်ကီၫ်ဆၣ်တဖၣ်အပူၤ သိလ့ၣ်ဒုးသုးဒီးခီၣ်ချ့သုးဖိတဖၣ်အိၣ်ကတီၤဃာ်အသးန့ၣ် လဲၤကွၫ်သမံသမိး၀ဲလီၤ.
ဖဲအပူၤကွံာ်မုၫ်သၢနံၤန့ၣ် တၫ်ခးလိာ်သးကဲထီၣ်ဖဲကီၫ်ဆၢအကပၤဒီး ခၣ်ဘီဒံယါသုးဖိ(၁)ဂၤသံ၀ံၤအလီၫ်ခံ ဖဲခံကပၤတၫ်တဂ့ၫ်လိာ်ဘှီလိာ်အိၣ်ထီၣ်၀ံၤ ဖဲ၂၀၀၈နံၣ် ဖဲကီၫ်ဆၢ တၫ်ကန့ၫ်ပၢဘၣ် ဖရး၀ံးဟၣ်ရးသီခါဖၠၣ်အဂီၫ် တၫ်ဒုးကဲထီၣ်ဒီးလၢအခဲအံၤတဘျီ ကီၫ်ဆၢတၫ်ဖ့ၣ်ဆၢအိၣ်ထီၣ်ကဒီးန့ၣ်လီၤ.
သုးခိၣ်ကျၢၫ်စိအမရံးန့ၣ် တဲလီၤဃာ်၀ဲလၢ အသုးဖိလၢအိၣ်ဖဲဘိၣ်ဆူၣ်ယးတဖၣ် လၢကဒီသဒၢန့ၫ် ကီၫ်ကၠီၣ်တဲၣ်အဒီကလုာ်ထံကီၫ်တၫ်စိတၫ်ကမီၤဒီးကမျၢၫ်တဖၣ်အဂီၫ်တကးဘၣ်,တၫ်ကအိၣ်ကတဲာ်ကတီၤသးလၢတၫ်ကဒီသဒၢန့ၫ်ကၠီၣ်တဲၣ်စီၤပၤအဂီၫ်စ့ၫ်ကီး Khaosadတၫ်ကစီၣ်ပာ်ဖျါ၀ဲလီၤ.
ဒ်န့ၣ်အသိး ကျိဖးဒိၣ်သုး သုးခိၣ်ကျၢၫ်ဂီၫ်ဂ့ၫ် ၀ၣ်ယၣ်ကၣ်ဟိၣ်တၣ်ယၣ်ကူၣ်စ့ၫ်ကီး လဲၤဆူကျိဖးဒိၣ်သုး နီၫ်ဂံၫ်(၇၁), (၇၂),(၇၁၃),(၇၂၂)တဖၣ်အိၣ်၀ံၤ တၫ်ကဲထီၣ်သးသ့လၢကီၫ်ခဲၣ်ဘီဒံယါကီၫ်ဆၢတၫ်လီၫ်တဖၣ်အပူၤ တၫ်ကကတဲာ်ကတီၤဆိသးအဂီၫ် သမံသမိး၀ဲအဂ့ၫ် The Nationတၫ်ကစီၣ်ပာ်ဖျါ၀ဲလီၤ.
ခၣ်ဘီဒံယါကိတိာ်ခိၣ်ကျၢၫ် ဟိၣ်မၣ်နဲးတခီ ကီၫ်ဆၢဒီတကျိၤတၫ်ဂ့ၫ်လိာ်ဘှီလိာ်လၢအိၣ်ယံာ်ယံာ်ထၢထၢအံၤအဂီၫ် ဒ်ICJအသိး တၫ်ကတီၣ်ထီၣ်ဆူ ထံဂုၤကီၫ်ဂၤသဲစး၀ဲၤဒၢးအိၣ်အဂီၫ် အိၣ်ကတီၤသးလံအဂ့ၫ် တဲဖျါ၀ဲလၢအပှၤတ၀ၢ ပှာ်ဘျးစဲအပူၤအဂ့ၫ် Thai PBSပာ်ဖျါ၀ဲ၀ံၤ မ့မ့ၫ်လၢကၠီၣ်တဲၣ်အဂီၫ်တခီ မ့ၫ်ဘၣ်ထွဲဒီးICJန့ၣ် အိၣ်ဒီးတၫ်လဲၤခီဖျိ အၢ အၢသီသီလၢ ဘၣ်ပာ်တ့ၫ်ကွံာ်၀ဲ ဖရး၀ံးဟၣ်ရးသီခါဖၠၣ်အိၣ်၀ဲန့ၣ်လီၤ.
