လါမ့ၤ(၂၉)သီ,၂၀၂၅နံၣ်
နွ့ၣ်အူတၢ်ပၢၢ်ဆၢအကတီၢ်အပူၤ ကမျၢၢ်လၢသုးမီၤစိရိၤအသုးဖီၣ်၀ံၤအလီၢ်ခံ လါမ့ၤအတီၢ်ပူၤ ပှၤဘၣ်သံအိၣ်ထီၣ်၀ဲ(၁၇)ဂၤအဂ့ၢ် တၢ်မၤစၢၤထံရူၢ်ကီၢ်သဲးပှၤလီၢ်ဃိၣ်ဖိ(AAPP) ထုးထီၣ်ပၥ်ဖျါဃၥ်၀ဲဖဲ လါမ့ၤ(၂၈)သီအနံၤန့ၣ်လီၤ.
လါမ့ၤ(၁)သီတုၤ(၂၈)သီအနံၤအတီၢ်ပူၤ ထံကီၢ်ဒီတဘ့ၣ်အပူၤ ကမျၢၢ်လၢသုးကီၣ်ကးအသုးဖီၣ်အီၤ၀ံၤအလီၢ်ခံ ပိၥ်မုၥ်(၁)ဂၤ, ပိၥ်ခွါ(၁၈)ဂၤ ခဲလၢၥ်ပၥ်ဖှိၣ်(၁၇)ဂၤဘၣ်သံတ့ၢ်၀ဲ၀ံၤ တၢ်ပၥ်ဂၢၢ်ပၥ်ကျၢၤန့ၢ်ဒီးအမံၤအသၣ်တဖၣ်အဂ့ၢ် စံး၀ဲန့ၣ်လီၤ.
သုးဟံးန့ၢ်ဆူၣ်ထံကီၢ်တၢ်စိတၢ်ကမီၤသုးကီၣ်ကးအသုး ဖီၣ်အီၤ၀ံၤအလီၢ်ခံ ပှၤဘၣ်သံတဖၣ်အကျါ ပၣ်ဃုၥ်ဒီးဃိၣ်ပူၤပှၤသံ(၂)ဂၤအဂ့ၢ် AAPP စံး၀ဲန့ၣ်လီၤ.
စးထီၣ်လၢ ၂၀၂၁နံၣ်,လါဖ့ၤဘြူၤအါရံၤ(၁)သီ သုးဟံးန့ၢ်ဆူၣ်ထံကီၢ်တၢ်စိတၢ်ကမီၤ၀ံၤအလီၢ်ခံဒီးတုၤခဲအံၤအတီၢ်ပူၤ သုးကီၣ်ကးအသုးဒီးအပှၤမၤသကိးတၢ်ကရၢတဖၣ်အဃိ ပှၤဟူးဂဲၤဒံၣ်မိၣ်ကရ့ၣ်စံၣ်ဂ့ၢ်၀ီဒီးလီၢ်က၀ီၤကမျၢၢ် ခဲလၢၥ်ပၥ်ဖှိၣ်(၆၇၅၉)ဂၤဘၣ်သံတ့ၢ်၀ဲအဂ့ၢ် AAPPထုးထီၣ်ပၥ်ဖျါဃၥ်၀ဲန့ၣ်လီၤ.
