လါမ့ၤ(၂၉)သီ,၂၀၂၅နံၣ်
သုးကီၣ်ကးအသုးကျိၤလၢကဟဲမၤစၢၤတၢ်ဖဲ ကၠီၣ်တဲၣ်-ကီၢ်သူလ့ၤကီၢ်ဆၢအကပၤ ရၤမတံကီၢ်ဆၣ်, သ့ၣ်ဘီဘိသ၀ီခိၣ်ထိးအိၣ် သ့ၣ်ဘီဘိၣ်သုးကလၢၤအံၤ ဘၣ်တၢ်ဒုးအီၤ၀ံၤအလီၢ်ခံ သုးကီၣ်ကးအသုး ဟဲတ့ၢ်လီၤမ့ၣ်ပိၢ်ဆူ ဆိၣ်စံမၠဲၣ်သ၀ီပူၤအဂ့ၢ် တၢ်သ့ၣ်ညါဘၣ်လၢ လီၢ်က၀ီၤဖိတဖၣ်အအိၣ်န့ၣ်လီၤ.
ဖဲမဟါအနံၤလါမ့ၤ(၂၈)သီအနံၤ, မုၢ်ထူၣ်(၁)နၣ်ရံၣ်ဘျဲၣ်အဆၢကတီၢ် သုးကီၣ်ကးအသုးဟဲတ့ၢ်လီၤမ့ၣ်ပိၢ်ဆူ ဆိၣ်စံမၠဲၣ်သ၀ီပူၤအဃိ ဖံသးပှၢ်တဂၤသံ၀ဲ၀ံၤ ဖိသၣ်တဂၤပၣ်ဃုၥ် ပှၤဘၣ်ဒိ၀ဲခံဂၤအဂ့ၢ် တၢ်သ့ၣ်ညါဘၣ်န့ၣ်လီၤ. သ၀ီလၢတၢ်ဟဲတ့ၢ်လီၤမ့ၣ်ပိၢ်အံၤ အိၣ်၀ဲဒၣ်ဖဲ ကညီတၢ်ဘၣ်ဘျူးဒံၣ်မိၣ်ကရ့ၣ်စံၣ်သုးမုၢ်ဒိၣ်(DKBA)၀ဲၤလီၢ်ခိၣ်သ့ၣ် အိၣ်တၢ်လီၢ်အပူၤအဂ့ၢ်တၢ်သ့ၣ်ညါဘၣ်န့ၣ်လီၤ.
“ဟဲတ့ၢ်လီၤမ့ၣ်ပိၢ်လၢဆိၣ်စံမၠဲၣ်အဃိ ဖံသးပှၢ်တဂၤသံ၀ဲနၣ်လီၤ. ဖံသးပှၢ်န့ၣ် အဆါအီၣ်သဘ့ချံချီလီၤ. ဟဲလီၤတဲၥ်လၢသ၀ီပူၤလီၤ. အဘၣ်ဒိ၀ဲ ဖိၣ်သၣ်တဂၤဒီးပှၤသးပှၢ်တဂၤပၣ်ဃုၥ် ဟံၣ်ခံဖျၢၣ်အဂ့ၢ်” ဆိၣ်စံမၠဲၣ်လီၢ်က၀ီၤဖိတဂၤ စံး၀ဲန့ၣ်လီၤ.
ခီဖျိတၢ်ဟဲတ့ၢ်လီၤမ့ၣ်ပိၢ်အဃိ လီၢ်က၀ီၤကမျၢၢ်တၢ်သံတၢ်ပှၢ်ဒီးတၢ်ဘၣ်ဒိဘၣ်ထံးတၢ်အိၣ်သးတဖၣ် တၢ်တသ့ၣ်ဘၣ်လီၤတံၢ်ဒံးဘၣ်.
သ့ၣ်ဘီဘိသုးကလၢၤလၢတၢ်ပၢၢ်ဆၢဂံၢ်ဘါကရူၢ်သုးပၥ်ဖှိၣ်တဖၣ်က၀ီၤကးတံၥ်ဒုးအီၤအံၤသုးကီၣ်ကး၀ီၢ်လ့ၤသုးတၢ်တိၥ်ကူၣ်ကျဲၤခိၣ်သ့ၣ်သုးကျိၤလၢကဟဲမၤစၢၤတၢ်အံၤတၢ်ပၢၢ်ဆၢဂံၢ်ဘါကရူၢ်သုးပၥ်ဖှိၣ်တဖၣ် ဒုးအီၤ၀ံၤ တၢ်ဖီၣ်န့ၢ်မူဒံး သုးကီၣ်ကးအပှၤသုးဖိတနီၤဒီးစုက၀ဲၤကျိချံပှၥ်သၣ်တဖၣ်အဂ့ၢ် Black PantherColumnထုးထီၣ်ပၥ်ဖျါဃၥ်၀ဲန့ၣ်လီၤ.
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, သုးက့(၆)ဟီၣ်က၀ီၤအပူၤအိၣ် သ့ၣ်ဘီဘိ, ၀ီၢ်လ့ၤ, အူကရံးထၣ်, ဘယ့းနီၣ်, ကနဲလ့, မီၥ်ခံ, ထံကဘျဲၣ်သုးကလၢၤတဖၣ်အံၤ တၢ်ပၢၢ်ဆၢသုးပၥ်ဖှိၣ်တဖၣ် ထီၣ်ဒုး၀ဲၤ၀ံၤ တၢ်ဒုးတဖၣ်ဆူၣ်ထီၣ်၀ဲအဂ့ၢ် တၢ်သ့ၣ်ညါဘၣ်န့ၣ်လီၤ.
