လါမ့ၤ(၂၃)သီ,၂၀၂၅နံၣ်
လၢကလံၤထံးအၣ်ဖရံးကၣ်အပူၤ ပှၤ၀ါဖံးပှၤထူစံာ်ဖိတဖၣ် ဘၣ်တၫ်မၤအၢမၤသီ၀ဲ၀ံၤ တၫ်မၤသံလီၤတူာ်ကလုာ်ဒူၣ် စၢၤသွဲၣ်အိၣ်၀ဲအဂ့ၫ် အမဲရကၤကီၫ်ခိၣ်န့ၣ် ဖဲထံၣ်လိာ်အသးဒီးကလံၤထံးအၣ်ဖရံးကၣ်ကီၫ်ခိၣ် ရၣ်မၣ်ဖိၣ်ဆၣ် ဖဲဟံၣ်၀ါအကတီၫ် တဲအၢတဲသီ၀ဲန့ၣ်လီၤ.
အၣ်ဖရံးကၣ် ပှၤ၀ါဖံးဖိ(၆၀)ဂၤ တၫ်ဟ့ၣ်အိၣ်ကဒုအီၤ ဖဲအမဲရကၤကီၫ်ပူၤ၀ံၤအလီၫ်ခံ ယံာ်တနွံဘျဲၣ် ရၣ်မၣ်ဖိၣ်ဆၣ်န့ၣ် တၫ်ကူၣ်လဲၫ်မၤကၤပနံာ်ပာ်ဃုာ် ထံကီၫ်ခံဘ့ၣ်ဂ့ၫ်၀ီတၫ်ဂ့ၫ်တဖၣ်အဂီၫ် ဟဲဆူဟံၣ်၀ါန့ၣ်လီၤ.ကလံၤထံးအၣ်ဖရံးကၣ်န့ၣ် ပာ်ဖျါထီၣ်၀ဲ တၫ်ပၢဆှၢဟံးန့ၫ်ဟီၣ်ခိၣ်ကပံာ်တၫ်ဘျၢအသီ၀ံၤအလီၫ်ခံ အမဲရကၤန့ၣ် ပတုာ်ကွံာ်တၫ်မၤစၢၤတဖၣ်န့ၣ် လီၤ.
တၫ်ဘျၢ၀ဲအံၤန့ၣ် မ့ၫ်တၫ်မၤပျံၤမၤဖုး ပှၤ၀ါဖံးဖိလၢအနီၫ်ဂံၫ်စှၤတဖၣ်အဂီၫ်အဂ့ၫ် အမဲရကၤပဒိၣ်တဲ၀ဲလီၤ.တၫ်ဂ့ၫ်တၫ်ကျိၤတၫ်အုၣ်ကီၤလၢ ပာ်ဖျါထီၣ် တၫ်မၤအၢမၤသီ ပှၤ၀ါဖံးဖိတဖၣ်စ့ၫ်ကီး ထရၢးဒုးနဲၣ်၀ဲ ကလံၤထံးအၣ်ဖရံးကၣ် ကီၫ်ခိၣ်န့ၣ်လီၤ.
ရၣ်မၣ်ဖိၣ်ဆၣ်တခီ ကလံၤထံးအၣ်ဖရံးကၣ်အပူၤ ကွီၫ်မ့ၣ်တၫ်မၤကမၣ် တၫ်ဖံးတၫ်မၤတဖၣ်အိၣ်၀ဲအဂ့ၫ် အၢၣ်လီၤ၀ဲ ဘၣ်ဆၣ် ပှၤဘၣ်သံအါတက့ၫ်န့ၣ် မ့ၫ်ပှၤသူဖံးဖိတဖၣ်၀ံၤ ပှၤ၀ါဖံးဖိတဖၣ်န့ၣ် ကလုာ်အဖီခိၣ် တၫ်မၤအၢမၤသီ၀ဲတ အိၣ်ဘၣ်အဂ့ၫ် ဂ့ၫ်လိာ်၀ဲလီၤ.
အမဲရကၤန့ၣ် ကလံၤထံးအၣ်ဖရံးကၣ် အတၫ်တီၣ်သွီနုာ်ခိသွဲတဖၣ်အဖီခိၣ် ကထၢ၀ဲ(၃၀)မျးကယၤ ဖဲလါယူၤလံ အလၢာ်၀ံၤ ခံကပၤတၫ်တၢၣ်ပီၣ်တဲသကိးန့ၣ် လၢတနံၣ်အံၤပညိၣ်၀ဲလၢကမၤဆူၣ်ထီၣ် G-20ကရၢပှၤပၢၤလီၫ်ဆ့ၣ်နီၤ ကလံၤထံးအၣ်ဖရံးကၣ်ဒီးအမဲရကၤတဖၣ်အဘၢၣ်စၢၤ တၫ်ရ့လိာ်ဘၣ်ထွဲတဖၣ်န့ၣ်လီၤ.
Ref:NHK
