လါမ့ၤ(၁၆)သီ,၂၀၂၅နံၣ်
၀့ၢ်တကူၣ်ကီၢ်ခီ, သၣ်လ့ၣ်ကီၢ်ဆၣ်, သံၣ်လး၀ၣ်ထံဂုၤကီၢ်ဂၤကဘီသန့ၤတၢ်တိၥ်ကျဲၤအပူၤ ယပၣ်ခီပနံၣ်တဖၣ်, ပဒိၣ်တၢ်အုၣ်ကီၤကရၢဒီး တၢ်ဘျၢလီၤခီၣ်ပိၣ်ရ့ရှ့တဖၣ် အကဟးထီၣ်လၢ ကဘီသန့ၤအတၢ်ဘျၢလီၤတၢ်တဖၣ်ဒီး တၢ်မ့ၢ်ဟးထီၣ်န့ၢ် တၢ်ကဟးထီၣ်ဘၣ်လၢ တၢ်ဟံးန့ၢ်မူဟံးန့ၢ်ဒါအဂီၢ် Justice For Myanmar ဃ့ထီၣ်ဃၥ်၀ဲန့ၣ်လီၤ.
ကဘီသန့ၤအံၤန့ၣ် တၢ်သူၣ်ထီၣ်အီၤဒ် ယပၣ်ထံကီၢ်အဖိးသဲစးတၢ်ဂုၤထီၣ်ပသီထီၣ်တၢ်မၤစၢၤ(ODA)တခါအသိး၀ံၤ Kamigumi Co., Ltd.၊ Sumitomo Corporation၊ Toyota Tsusho၊ ပဒိၣ်စ့ပၥ်ကီၤ ဂံၢ်ခီၣ်ထံးတၢ်သူၣ်ထီၣ်အသနၢၣ်တၢ်ဘျၢလီၤခီၣ်ပိၣ်ရ့ရှ့ Japan Overseas Infrastructure Investment Corporation for Transport & Urban Development (JOIN) ဒီး Nippon Export and Investment Insurance (NEXI) တဖၣ် နုၥ်လီၤမၤတၢ်အဂ့ၢ် စံး၀ဲန့ၣ်လီၤ.
“တၢ်တပၥ်ကဲ ပှၤဂ့ၢ်၀ီခွဲးယၥ်ဘၣ်ဒီးတၢ်မ့ၢ်ဟးထီၣ်ညီညီန့ၣ် တၢ်မၤသံမၤ၀ီရၢၢ်ရၢၢ်စၢၤစၢၤအပူၤ အတၢ်မၤစၢၤတဖၣ်အဃိတၢ်လီၤဘၣ်ယိၣ်အိၣ်၀ဲလီၤ.ခီပနံၥ်တဖၣ်ဒီးယပၣ်ပဒိၣ်တခီပှၤဟီၣ်ခိၣ်ဖိခွဲးယၥ်ဂ့ၢ်၀ီတၢ်ပၥ်ပနီၣ်အဖီခိၣ် အတၢ်ပၣ်ဃုၥ်ဘၣ်ထွဲလၢသုးကရူၢ်သုးကွီၢ်မ့ၣ်တဖၣ်အပူၤသုတအိၣ်တဂ့ၤအဂီၢ်အဟူးဂဲၤဖံးမၤဒ်လဲၣ်အဂ့ၢ် လိၣ်လၢတၢ်ကဘၣ်ပၥ်ဖျါတၢ်အိၣ်သးအဂ့ၢ်” Justice For Myanmar ပှၤကတိၤတၢ်ပၢ မယတနၣ်မီၣ် စံး၀ဲန့ၣ်လီၤ.
ပှၤတ၀ၢတၢ်ကရၢကရိတဖၣ် ဆှၢထီၣ်လံၥ်ပတံဆူ ခီပနံၥ်တဖၣ်အဖီခိၣ် Kamigumi၊ Sumitomo Corporation၊ Toyota Tsushoန့ၣ် ကဟးထီၣ်ကွံၥ်အဂ့ၢ်, တချူးလၢဟးထီၣ်ဒံးဘၣ်န့ၣ် တၢ်ကထုးသံကွံၥ်လၢစရီပူၤအဂီၢ် စးထီၣ်မၤလံအဂ့ၢ် ဒုးသ့ၣ်ညါက့ၤ၀ဲအဂ့ၢ်, တၢ်မ့ၢ်ဟးထီၣ်ကွံၥ်အဆၢကတီၢ် တၢ်ဆီတလဲပှၤမၤတၢ်ဖိအကတီၢ် တၢ်မၤစၢၤပှၤမၤတၢ်ဖိတဖၣ်ပၣ်ဃုၥ် ပှၤမၤတၢ်ဖိအတၢ်ဘံၣ်တၢ်ဘၢဒီးပှၤဟီၣ်ခိၣ်ဖိခွဲးယၥ်တၢ်ပနီၣ်တဖၣ်အသိး တၢ်ကရဲၣ်ကျဲၤမၤ၀ဲအဂ့ၢ်အိၣ်၀ဲ ဘၣ်ဆၣ် မ့မ့ၢ်လၢ JOINတခီကဟးထီၣ်ဧါတဟးထီၣ်ဘၣ်ဧါန့ၣ် တၢ်တသ့ၣ်ညါဒံးဘၣ်အဂ့ၢ် ပၥ်ဖျါဃၥ်၀ဲန့ၣ်လီၤ.
သံၣ်လး၀ၣ်ကဘီသန့ၤတၢ်တိၥ်ကျဲၤန့ၣ် အပၥ်ဖှိၣ်မၤသကိးတၢ်ဒီး ခရိၣ်နံၣ်ခီပနံၥ် Ever Flow River Group (EFR) လၢ အဘျးစဲလိၥ်သးလၢ ကီၢ်ပယီၤမုၥ်ကျိၤ၀ဲၤကွၢ်အူပဲၣ်လံၣ်မံၣ်တဲးလၢ ထံဂုၤကီၢ်ဂၤအတၢ်ပၥ်လီၤဃၥ်တၢ်ကးတံၥ်န့ၣ်လီၤ.
Ref: The Irrawaddy
