လါမ့ၤ(၁)သီ,၂၀၂၅နံၣ်
ပကိကီၢ်ခီ, မ့လးကီၢ်ဆၣ်တၢ်ပၢ ပကိရိမးဟီၣ်က၀ီၤအပူၤ သုးကီၣ်ကးအသုးကျိၤလၢဂံၢ်ဘါအိၣ်(၇၀)ဘျဲၣ် ဘၣ်တၢ်ဒုးအီၤအဃိ တစှၤန့ၣ်(၃၀)ဂၤသံ၀ဲ၀ံၤ တၢ်သံအစိၣ်တဖၣ် ဘၣ်တၢ်စိးသီန့ၢ်အီၤအဂ့ၢ် သၣ်ယၣ်၀တံၣ်ကီၢ်ရ့ၣ် PDFပှၤဘၣ်မူဘၣ်ဒါ စံး၀ဲန့ၣ်လီၤ.
လါအ့ဖြ့ၣ်(၂၇)သီအနံၤ, ဂီၤ(၉)နၣ်ရံၣ်ဃၣ်ဃၣ်အဆၢကတီၢ် သုးကီၣ်ကးအသုးကျိၤလၢဂံၢ်ဘါအိၣ်(၇၀)ဘျဲၣ်လၢ အိၣ်ဟးထီၣ်၀ဲဒၣ်လၢ မ့လးကီၢ်ဆၣ်, သယီၣ်ကိသ၀ီသီခါဖၠၣ်အံၤ သၣ်ယၣ်၀တံၣ်ကီၢ်ခီ PDF ကမျၢၢ်တၢ်ဒီသဒၢသုးပၥ်ဖှိၣ်တဖၣ် ကးတံၥ်ဒုးအီၤအဂ့ၢ် တၢ်သ့ၣ်ညါဘၣ်န့ၣ်လီၤ.
တၢ်ဒုးကဲထီၣ်သးအပူၤခံခီယၥ်ဘးခးလိၥ်သးလၢကျိဖးဒိၣ်,ကျိဖိတဖၣ်ဒီးတၢ်ဒုးတၢ်ဆၢကတီၢ်ယံၤ(၂)နၣ်ရံၣ်ဃၣ်ဃၣ်အဂ့ၢ်, တၢ်ဒုးကဲထီၣ်သးကတီၢ် ဂီၤ(၁၀း၅၀)နၣ်ရံၣ်အဆၢကတီၢ် သုးကီၣ်ကးအသုးကဘီယူၤ Mi-35(၂)ခိၣ် ဟဲယူၤ၀့ၤ၀ီၤလၢတၢ်ပၢၢ်ဆၢသုးပၥ်ဖှိၣ်အိၣ်တၢ်လီၢ်ကတီၢ်သုးကီၣ်ကးအပှၤသုးဖိခဲလၢၥ်ဂုၤက့ၤအခံဃ့ၢ်ပျံပျါအသးအဂ့ၢ် တၢ်သ့ၣ်ညါဘၣ်န့ၣ်လီၤ.
ခံခီခံကပၤတၢ်ဒုးအပူၤ သုးကီၣ်ကးအပှၤသုးဖိသံ၀ဲတစှၤန့ၣ်(၃၀)ဂၤ, တၢ်ပၢၢ်ဆၢသုးပၥ်ဖှိၣ် ထၢန့ၢ်တၢ်သံအစိၣ်(၁၀)ဒီးတၢ်မၤန့ၢ်စ့ၢ်ကီး ကျိချံပှၥ်သၣ်တဖၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
“သုးကီၣ်ကးအပှၤသုး တၢ်သံအစိၣ်တဖၣ်နၢထီၣ်အဃီ ပ၀ဲသိၣ်ဒူတဖၣ် ဘၣ်မၤ၀ဲတၢ်မၤရှဲပျီတဖၣ်လီၤ. သုးကီၣ်ကးတခီ ဟဲထၢတၢ်သံအစိၣ်တအိၣ်ဘၣ်. တၢ်မၤတၢ်မၤရှဲပျီအဆၢကတီၢ် သုးကီၣ်ကးအသုးလၢဃုၢ်ဃၥ်၀ဲ နံၣ်တဖၣ်စ့ၢ်ကီးတၢ်မၤန့ၢ်၀ဲလီၤ. သုးကီၣ်ကးအသုးတဖၣ်န့ၣ် မၤတၢ်နုၥ်လီၤသုးကျိၤလၢသ၀ီပူၤဒီးဒွဲၣ်အူတၢ်န့ၣ်လီၤ. တၢ်န့ၢ်ဘၣ်သုးပူၤတၢ်ကစီၣ်အဖီခိၣ် တၢ်ဒုးအပူၤသုးကီၣ်ကးအသုးသံ၀ဲတစှၤန့ၣ်(၃၀)ဂၤအဂ့ၢ်” သၣ်ယၣ်၀တံၣ်ကီၢ်ရ့ၣ် PDFပှၤဘၣ်မူဘၣ်ဒါ စံး၀ဲန့ၣ်လီၤ.
သုးကီၣ်ကးအသုးကျိၤဃ့ၢ်ပဒ့ၣ်သး၀ံၤအလီၢ်ခံ သၣ်ယၣ်၀တံၣ်ကီၢ်ခီသုးရ့ၣ်(၃၈၀၂) သုးဒ့(၁) Dragon Brothers (GBK-PDF), သုးဒ့(၂), သုးဒ့(၃), သုးဒ့(၄) ဟီၣ်လၥ်စဲးပြဲးသုး-အိးဖိၣ်, သုးဒ့(၅), သုးဒ့(၆) Black Dragon (GBK-PDF)ဒီး သၣ်ယၣ်၀တံၣ်ကီၢ်ရ့ၣ် သုးရ့ၣ်၃၈၀၃, သၣ်ယၣ်၀တံၣ်ကီၢ်ရ့ၣ် သုးရ့ၣ်၃၈၀၁ သုးဒ့(၆) AyeYarNyiNaung, ပကိကီၢ်ရ့ၣ် သုးရ့ၣ်(၃၇၀၁)သုးဒ့(၅)သုးပၥ်ဖှိၣ်တဖၣ် ဘၣ်မၤတၢ်မၤရှဲပျီအဂ့ၢ် တၢ်သ့ၣ်ညါဘၣ်န့ၣ်လီၤ.
Ref: Khit Thit
