လါအ့ဖြ့ၣ်(၂၉)သီ,၂၀၂၄နံၣ်
ဘီမုၢ်စၢဖှိၣ်ကရၢအတၢ်ဃ့ထီၣ်လၢ တၢ်ကဆီၣ်ထွဲမၤစၢၤ ကီၢ်ပယီၤ ပှၤလီၢ်အိၣ်ကမှံဖိတဖၣ်အဂီၢ် တၢ်ကသူၣ်ထီၣ်တၢ်ဆီၣ်ထွဲမၤစၢၤ ပှၤဟီၣ်ခိၣ်ဖိတၢ်ဒိသူၣ်ဒိသးတၢ်ဆီၣ်ထွဲမၤစၢၤတၢ်လီၢ်တခါ ဖဲဘ့ကလါဒ့းကီၢ်ဆၢဒီတကျိၤလၢအဘျးစဲလိၥ်သးဒီးရၢၢ်ခၢၣ်ကီၢ်စဲၣ်တၢ်ဂ့ၢ်အဖီခိၣ် ကီၢ်ဘ့ကလါဒ့းပဒိၣ် တူၢ်လိၥ်၀ဲအဂ့ၢ်န့ၣ် ပှၤဘၣ်မူဘၣ်ဒါတဖၣ် စံး၀ဲန့ၣ်လီၤ.
“ဘီမုၢ်စၢဖှိၣ်ကရၢအံၤ လၢရၢၢ်ခၢၣ်ကီၢ်စဲၣ်အပူၤ တၢ်ကဟ့ၣ်မၤစၢၤပှၤဟီၣ်ခိၣ်ဖိတၢ်ဒိသူၣ်ဒိသးတဖၣ်အဂီၢ် တၢ်ကခီဂၥ်ဘ့ကလါဒ့းဒီးတၢ်ကသူၣ်ထီၣ်၀ဲတၢ်ဆီၣ်ထွဲမၤစၢၤတၢ်လီၢ်န့ၣ်လီၤ. ကီၢ်ဘကလါဒ့းတစိၤတလီၢ်ပဒိၣ်စ့ၢ်ကီး တၢ်အိၣ်သးတဖၣ်အဖီခိၣ် အၢၣ်လီၤတူၢ်လိၥ်၀ဲလၢတၢ်မၤကျဲ(ဖီလစံၣ်)အဖီခိၣ်အသိး”အဂ့ၢ် ကီၢ်ဘ့ကလါဒ့း ထံဂုၤကီၢ်ဂၤပှၤဟ့ၣ်ကူၣ်တၢ် မိၣ်ဟၣ်မဲးတူၣ်ဟ့းဟူၣ်စ့ၣ် တဲလီၤဆူ ပှၤထၢတၢ်ကစီၣ်ဖိတဖၣ်လၢ တၢ်ကၣ်န့ၣ်လီၤ.
တၢ်အံၤကကဲထီၣ်၀ဲ ကျဲအကျိၤတဘိလၢ တၢ်ဟ့ၣ်ပှၤဟီၣ်ခိၣ်ဖိတၢ်ဒိသူၣ်ဒိသးဂ့ၢ်၀ီအဂ့ၢ်, ဘၣ်ဆၣ်ဒီး ကီၢ်ဘ့ကလါဒ့းတပၤ တၢ်အိၣ်သးတနီၤအိၣ်အဃိ တၢ်အိၣ်သးတဖၣ်မ့ၢ်ဘၣ်လီၢ်ဘၣ်စးန့ၣ် ကမၢၤစၢၤ၀ဲဒ် ဘီမုၢ်စၢဖှိၣ်ကရၢအတၢ်ဘၣ်သးအသိးအဂ့ၢ် အ၀ဲစံး၀ဲန့ၣ်လီၤ.
တၢ်ကဘၣ်ဆှၢက့ၤပှၤဃ့ၢ်ပူၤဖျဲးအါအါဂီၢ်ဂီၢ်လၢကီၢ်ပယီၤပူၤတဖၣ်အဃိတၢ်အံၤအဘၣ်ထွဲလိၥ်သးဒီးဘ့ကလါဒ့းတၢ်ဘၣ်ဘျူးအဂ့ၢ် ထံဂုၤကီၢ်ဂၤပှၤဟ့ၣ်ကူၣ်တၢ် စံး၀ဲန့ၣ်လီၤ. ကတီၢ်ခဲအံၤန့ၣ် ပှၤရိၣ်ဟ့ၣ်ကၠၣ်ဖိ (၁.၃)ကကွဲၢ် အံၤ ဘၣ်အိၣ်ကဒု၀ဲဒၣ်လၢ ကီးဘစါဟီၣ်က၀ီၤအပူၤန့ၣ်လီၤ.
ရၢၢ်ခၢၣ်ကီၢ်စဲၣ်အပူၤ ကီၢ်ပယီၤပဒိၣ်ပှၤဘၣ်မူဘၣ်ဒါတဖၣ် ကမၤတၢ်ကးတၥ်လၢ AAကရၢအဖီခိၣ်အဃိ တၢ်ကးတံၥ်ဃၥ် တၢ်တီၣ်သွီနုၥ်တၢ်ဆီၣ်ထွဲမၤစၢၤတၢ်ဖိတၢ်လံၤတဖၣ်ဆူ ရၢၢ်ခၢၣ်ကီၢ်စဲၣ်အပူၤအဃိ ကီၢ်စဲၣ်အပူၤ ပှၤဟီၣ်ခိၣ်ဖိတၢ်ဒိသူၣ်ဒိသးဂ့ၢ်၀ီတၢ်ဃံးတၢ်စ့ၢ်တဖၣ် ဟဲနးဒိၣ်ထီၣ်န့ၣ်လီၤ.
တၢ်အိၣ်သးတဖၣ်အဃိ ကီၢ်စဲၣ်အပူၤ လီၢ်က၀ီၤဖိတဖၣ် ဘၣ်ယိၣ်ဘၣ်ဘှီလၢတၢ်အီၣ်တၢ်အီတၢ်ဃံးတၢ်စ့ၢ်တဖၣ်အဃိ တၢ်ကသူၣ်ထီၣ်တၢ်ဟ့ၣ်ပှၤဟီၣ်ခိၣ်ဖိတၢ်ဒိသူၣ်ဒိသးဂ့ၢ်၀ီတၢ်မၤစၢၤတၢ်လီၢ်တခါအဂီၢ် ဘီမုၢ်စၢဖှိၣ်ကရၢ ဃ့ထီၣ်၀ဲဆူ ကီၢ်ဘ့ကလါဒ့းပဒိၣ်အအိၣ်န့ၣ်လီၤ.
Ref: Anadolu
Photo: Anadolu
