လါအ့ဖြ့ၣ်(၂၈)သီ,၂၀၂၅နံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, သုးက့(၄), ကီၢ်ရ့ၣ်ဘျံးဒ၀ဲၢ်ဟီၣ်က၀ီၤ, ဖဲလါအ့ဖြ့ၣ်(၂၆)သီ, ၂၀၂၅နံၣ်အနံၤ, ဟါခီအဆၢကတီၢ် KNLAတီခိၣ်ရိၣ်မဲတၢ်ပၢၢ်ဆၢသုးပၥ်ဖှိၣ်ထီၣ်ဒုးမၤန့ၢ်သုးကီၣ်ကးဟံၣ်လံၣ်ကွ့းသုးကလၢၤလၢအိၣ်ဖဲ ၀့ၢ်ဒ၀ဲၢ်အကပၤ, မီၣ်မ့ရှီၢ်သ၀ီ,(ဖဲ ဒ၀ဲၢ်-၀့ၢ်တကူၣ်)ကျဲအဖီခိၣ်အဂ့ၢ် ကွဲၤကလုၢ်တၢ်ကစီၣ် ပၥ်ဖျါဃၥ်၀ဲန့ၣ်လီၤ.
တၢ်ထီၣ်ဒုးမၤန့ၢ် သုးကီၣ်ကးဟံၣ်လံၣ်ကွ့းသုးကလၢၤအပူၤ တၢ်ပၢၢ်ဆၢသုးပၥ်ဖှိၣ်ဖီၣ်န့ၢ်မူဒံး ပယီၤသုးကီၣ်ကးအပှၤသုးဖိ(၅)ဂၤ ဒီး မၤန့ၢ်၀ဲတၢ်စုက၀ဲၤကျိဖိအါန့ၢ်(၁၈)ခိၣ်အဂ့ၢ် ပၥ်ဖျါဃၥ်၀ဲန့ၣ်လီၤ.
KNLAတီခိၣ်ရိၣ်မဲတၢ်ပၢၢ်ဆၢသုးပၥ်ဖှိၣ်လၢ အနုၥ်လီၤဒုး သုးကီၣ်ကးဟံၣ်လံၣ်ကွ့းသုးကလၢၤတဖၣ်မ့ၢ်၀ဲ သုးရ့ၣ်(၁၂)သုးဒ့(၅), TPLF, DNLA ဒီး ယ့ၣ်ဖၠူၣ်ပကဖတဖၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
ဒ်န့ၣ်အသိး ဖဲအပူၤကွံၥ် လါအ့ဖြ့ၣ်(၁၂)သီအနံၤန့ၣ် KNLA သုးက့(၄)ဒီးတၢ်ပၢၢ်ဆၢသုးပၥ်ဖှိၣ်ဂံၢ်ဘါကရူၢ်တဖၣ် ထီၣ်ဒုး၀ဲ သုးကီၣ်ကးထံထၣ်သုးတၢ်တိၥ်ကူၣ်ကျဲၤခိၣ်သ့ၣ်သုးကလၢၤအံၤဒီး ဖဲလါအ့ဖြ့ၣ်(၁၉)သီအနံၤန့ၣ် ထီၣ်ဒုးမၤန့ၢ်၀ဲ သုးကလၢၤဃုၣ်ဒီး စုက၀ဲၤတဖၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
