လါအ့ဖြ့ၣ်(၄)သီ,၂၀၂၅နံၣ်
တၢ်မၤ၀ဲခ့ၣ်အဲၣ်ယူၣကညီဒီကလုၥ်စၢဖှိၣ်ကရၢ,ကီၢ်ရ့ၣ်ဒူသထူၣ်ကညီသးစၢ်ကရၢ(KYO)(၇)၀ီတ၀ီခီးကရဲး၀ံၤအလီၢ်ခံ တၢ်မၤ၀ဲ(၂)နံၣ်ပှဲၤထီၣ် နံၣ်ကတၢၢ်တၢ်အိၣ်ဖှိၣ်တခါ ဖဲလါမးရှး(၂၂)သီတုၤ(၂၄)သီ ၂၀၂၅နံၣ်အနံၤအဂ့ၢ် ခ့ၣ်အဲၣ်ယူၣ်-လီၢ်ခၢၣ်သးပၥ်ဖျါဃၥ်၀ဲ တၢ်ကစီၣ်န့ၣ်လီၤ.
နံၣ်ကတၢၢ်တၢ်အိၣ်ဖှိၣ်အပူၤ တၢၣ်ပီၣ်တဲသကိး၀ဲဘၣ်ဃး ကီၢ်သူလ့ၤဟီၣ်က၀ီၤပူၤ ကညီသးစၢ်တဖၣ် ကသ့ၣ်ညါနၢ်ပၢၢ်ထံရူၢ်ကီၢ်သဲး, ပှၤတ၀ၢတၢ်ဂုၤထီၣ်ပသီထီၣ်တဖၣ်ဒီး တၢ်ပၢၤဃၥ်ခိၣ်ဃၢၤန့ဆၢၣ်အဂ့ၢ်အကျိၤ၀ံၤ ခါဆူညါတၢ်မၤကျဲအဂီၢ် တၢ်မၤကျဲ တၢ်ဂ့ၢ်(၁)ထံၣ်, တၢ်ပၥ်သး(၂)ထံၣ်ဒီး တၢ်ဆၢတဲၥ်(၁၁)ထံၣ် တၢ်ပၥ်လီၤန့ၢ်၀ဲအဂ့ၢ် ပၥ်ဖျါဃၥ်၀ဲန့ၣ်လီၤ.
KYO ပှၤဟ့ၣ်ကူၣ်ဟ့ၣ်ဖးတၢ်တဖၣ်, ကညီသးစၢ်ကရၢသးစၢ်ပှၤဘၣ်မူဘၣ်ဒါခိၣ်နၢ် လၢအိၣ်ဖဲ ကီၢ်ရ့ၣ်ဒီးကီၢ်ဆၣ်(၅)ခါအပူၤ ခဲလၢၥ်ပၥ်ဖှိၣ်(၂၄)ဂၤဟဲထီၣ်၀ဲ တၢ်အိၣ်ဖှိၣ်အံၤအဂ့ၢ် တၢ်သ့ၣ်ညါဘၣ်န့ၣ်လီၤ.
ဒ်န့ၣ်အသိး တၢ်မၤ၀ဲ ကညီသးစၢ်ကရၢ(လီၢ်ခၢၣ်သး) (၆)၀ီတ၀ီခီကရဲး၀ံၤအလီၢ်ခံ တၢ်မၤ၀ဲ(၂)နံၣ်ပှဲၤထီၣ် နံၣ်ကတၢၢ်တၢ်အိၣ်ဖှိၣ် စးထီၣ်လၢလါမးရှး(၁၃)သီအနံၤဒီးတုၤ(၁၆)သီအနံၤ (၄)သီအတီၢ်ပူၤန့ၣ်လီၤ. လီၢ်ခၢၣ်သး, ကီၢ်ရ့ၣ် ဒီး ဒဲက၀ီၤအပူၤ ကညီသးစၢ်ခိၣ်နၢ်(၄၅)ဂၤ လဲၤထီၣ်ဆူ တၢ်အိၣ်ဖှိၣ်အံၤအဂ့ၢ် တၢ်သ့ၣ်ညါဘၣ်န့ၣ်လီၤ.
