လါအ့ဖြ့ၣ်(၁)သီ,၂၀၂၅နံၣ်
တနီသရံၣ်ကီၫ်ခီ,သနီသရံၣ်ကီၫ်ဆၣ်,ဖဲယါဖိၣ်သ၀ီအကပၤ တၫ်ပၢၫ်ဆၢသုးပာ်ဖှိၣ်တဖၣ် ဒုးခး၀ဲသုးကီၣ်ကးအသုး သိလ့ၣ်ကျိၤအဂ့ၫ် တၫ်သ့ၣ်ညါဘၣ်လၢဘိၣ်ခယ့သုးအိၣ်န့ၣ်လီၤ.
မးရှး(၂၉)သီ,ဂီၤ ၇နၣ်ရံၣ်တခီဃၣ်ဃၣ်အကတီၫ် သုးကီၣ်ကးအသုးသိလ့ၣ်လၢတီၣ်တၫ်အီၣ်(၄)ခိၣ် လၢအိၣ်ဖဲမၠ့းဒီး ကလဲၤဆူတနီသရံၣ်တကပၤအံၤ တၫ်ပၢၫ်ဆၢသုးပာ်ဖှိၣ်တဖၣ်ဒုး၀ဲန့ၣ်လီၤ.
ဒ်န့ၣ်အသိး ဖဲဂီၤ(၉)နၣ်ရံၣ်ဃၣ်ဃၣ်အကတီၫ်စ့ၫ်ကီး သုးကီၣ်ကးအသုးသိလ့ၣ်ကျိၤလၢ ဟဲက့ၤနီလီၤ၀ဲလၢ တနီသရံၣ် ဆူမၠ့းတဖၣ်စ့ၫ်ကီး တၫ်ပၢၫ်ဆၢသုးပာ်ဖှိၣ်တဖၣ် ဒုးကဒီး၀ဲအဂ့ၫ် တဲ၀ဲလီၤ.
ဘိၣ်ခယ့သုးအတၫ်ကစီၣ်ဒီးတၫ်ဘိးဘၣ်ရၤလီၤမူဒါခိၣ်တခီ”မ့ၫ်သုးကီၣ်ကးအသုးသိလ့ၣ်လၢတီၣ်တၫ်အီၣ်ဒီးသိလ့ၣ်လၢကဆှၢပှၤဆါတဖၣ်လီၤ.ဖဲအ၀ဲသ့ၣ်အသိလ့ၣ်ခီဂာ်တၫ်အကတီၫ် ဘၣ်တၫ်ဒုး၀ဲလီၤ.တၫ်သံတၫ်ပှၫ်တၫ်ဘၣ်ဒိဘၣ်ထံး တခီ တၫ်တသ့ၣ်ညါဘၣ်လီၤတံၫ်ဒံးဘၣ်အဂ့ၫ်”တဲ၀ဲလီၤ.
တၫ်ဒုးတဘျီ၀ဲအံၤန့ၣ် ဘိၣ်ခယ့သုး,မၠ့းကီၫ်ဆၣ်ကမျၢၫ်တၫ်ဒီသဒၢသုး,ဂုၫ်သီဖးဒိၣ်သုး,ကမျၢၫ်တၫ်ဒီသဒၢသုး က၀ီၤဒိၣ် (၃)တဖၣ် ပာ်ဖှိၣ်ဒုးသကိး၀ဲအဂ့ၫ် တၫ်သ့ၣ်ညါဘၣ်လီၤ.
ဖဲလါမးရှး(၂၄)သီအနံၤစ့ၫ်ကီး လၢတနီသရံၣ်ကီၫ်ဆၣ်ပူၤ သုးကီၣ်ကးအသုးသိလ့ၣ်ကျိၤ(၈)ခိၣ်လၢ အိၣ်ဟဲလၢ မၠ့းတဖၣ် တၫ်ပၢၫ်ဆၢသုးပာ်ဖှိၣ် ထုးအီၤဒီးမ့ၣ်ပိၫ်တဖၣ်အဂ့ၫ် တၫ်သ့ၣ်ညါဘၣ်လီၤ.
Ref: DVB
