လါမးရှး(၂၇)သီ,၂၀၂၅နံၣ်
တၢ်မၤကွၢ် ကီၢ်ကၠီၣ်တဲၣ်ကိတိၥ်ခိၣ်ကျၢၢ်ပ့ၣ်ထိၣ်တၣ်ရှ့ၣ်နၣ်၀ဲးအတၢ်တီခိၣ်ရိၣ်မဲတခါ ဖဲဘျီၣ်ဒိၣ်အပူၤလၢတၢ်နၥ်န့လီၤသးတအိၣ်တၢ်ဆှၢထီၣ်အံၤ တၢ်ဟ့ၣ်တၢ်ဖးတၢ်ဆၢတဲၥ်အဆၢကတီၢ် ဃၣ်ကွံၥ်၀ဲအဂ့ၢ်တၢ်သ့ၣ်ညါဘၣ်န့ၣ်လီၤ.
ပဒိၣ်တၢ်ပၢတၢ်ပြးကျဲသနူတဖၣ်အပူၤ ခီဖျိပ့ၣ်ထိၣ်တၣ်အပၢ်လၢအမ့ၢ် ကၠီၣ်တဲၣ်ကိတိၥ်ခိၣ်ကျၢၢ်လီၢ်လံ သဲးဆ့ၣ်ရှ့ၣ်နၣ်၀ဲးအတၢ်လူၤဘၢတဖၣ်အဃိ ထီဒါပၣ်တံၣ်တဖၣ်ဆှၢထီၣ်၀ဲ တၢ်နၥ်န့လီၤသးတအိၣ်လၢကိတိၥ်ခိၣ်ကျၢၢ်ခဲအံၤအဖီခိၣ်ဘၣ်အဂ့ၢ်န့ၣ်လီၤ.
တၢ်နၥ်န့လီၤသးတအိၣ်တၢ်ဆှၢထီၣ်အဖီခိၣ် ဘျီၣ်ဒိၣ်လၥ်ခၢၣ်စးတဖၣ် ဟ့ၣ်တၢ်ဆီၣ်ထွဲတၢ်ဖး (၃၁၉)ခါ, ထီဒါတၢ်ဖး(၁၆၂)ခါဒီးတၢ်အိၣ်လၢအဘၢၣ်စၢၤတၢ်ဖး(၇)ခါန့ၣ်လီၤ. ခီဖျိလၢတၢ်ဟ့ၣ်တၢ်ဖးအဆၢတဖၣ်အဖီခိၣ် သါသးခု၀ဲဒီး ဘျီၣ်ဒိၣ်ခၢၣ်စးတဖၣ်လၢ ပၣ်ဃုၥ်ပၣ်ဂီၤလၢ တၢ်ဟ့ၣ်တၢ်ဖးတၢ်ဆၢတဲၥ်တၢ်ရဲၣ်တၢ်ကျဲၤတဖၣ် စံးဘျူးဘၣ်၀ဲအဂ့ၢ် ပ့ၣ်ထိၣ်တၣ်စံး၀ဲန့ၣ်လီၤ.
ထီဒါပၣ်တံၣ်ဘျီၣ်ဒိၣ်ခၢၣ်စးတဖၣ် ဆှၢထီၣ်၀ဲလၢ ပ့ၣ်ထိၣ်တၣ်အတၢ်တီခိၣ်ရိၣ်မဲအကံၢ်အစီဒီးလီၤဆီဒၣ်တဖၣ် လၢအ၀ဲမုၢ်ကျိၤ၀ဲၤကွၢ်အတၢ်သ့ၣ်ညါနၢ်ပၢၢ်အဖီခိၣ် တၢ်နၥ်န့လီၤသးတအိၣ်အဂ့ၢ်န့ၣ်လီၤ.
ကၠီၣ်တဲၣ်ထီဒါပၣ်တံၣ်တဖၣ် ပဲၥ်အၢပဲၥ်သီ၀ဲလၢ ကၠီၣ်တဲၣ်ပဒိၣ်ကရၢန့ၣ် ဘၣ်အိၣ်၀ဲဒၣ်လၢ သဲးဆ့ၣ်လၢ တအိၣ်လၢပဒိၣ်ကရၢတဖၣ်အသနၢၣ်တဖၣ်အပူၤတဖိးသဲစးအံၤ အတၢ်စိတၢ်ကမီၤတဖၣ်အဖီလၥ်အဂ့ၢ်န့ၣ်လီၤ.
ထီဒါပၣ်တံၣ်အတၢ်ဆှၢထီၣ်လၢ တၢ်နၥ်န့လီၤသးတအိၣ်လၢပ့ၣ်ထိၣ်တၣ်အဖီခိၣ်တၢ်ဆှၢထီၣ်အံၤ ပ့ၣ်ထိၣ်တၣ်တတူၢ်လိၥ်၀ဲဘၣ်ဒီး စံး၀ဲလၢသါန့ၣ် မတၤတဂၤတၢ်စိတၢ်ကမီၤမး တလူၤဘၢဃၥ်ဘၣ်အဂ့ၢ်န့ၣ်လီၤ.
ကိတိၥ်ခိၣ်ကျၢၢ်ကဟးထီၣ်လၢအလီၢ်အလၤအဂီၢ် တၢ်ထီဒါတဖၣ်အိၣ်ထီၣ်၀ဲ၀ံၤ တၢ်အံၤအဖီခိၣ် ပ့ၣ်ထိၣ်တၣ်စံး၀ဲလၢ ဘျီၣ်ဒိၣ်အပူၤ ပှၤကိးဂဲၤမၤတၢ်ထီဒါသ့အဂ့ၢ်န့ၣ်လီၤ.
ဖဲလါအီကူၥ်န့ၣ် ပ့ၣ်ထိၣ်တၣ်ဟံးန့ၢ်ကိတိၥ်ခိၣ်ကျၢၢ်လီၢ်လၤ၀ံၤအလီၢ်ခံ အတၢ်ပၢတၢ်ပြးတၢ်ဟူးတၢ်ဂဲၤတဖၣ် ဟဲဂုၤထီၣ်ပသီတအိၣ်ဘၣ်အဂ့ၢ်န့ၣ် ဖဲအပူၤကွံၥ်လါအတီၢ်ပူၤ ပဒိၣ်ကရၢတခါမၤ၀ဲ တၢ်ကွၢ်ထံဆိကမိၣ်တခါအပူၤ နဲၣ်ပၠးဃၥ်၀ဲဒ်န့ၣ် န့ၣ်လီၤ. ပှၤလၢအစံးဆၢ တၢ်ကွၢ်ထံဆိကမိၣ်တ၀ၥ်ဃၣ်ဃၣ်န့ၣ် တသူၣ်မံသးမံ၀ဲလၢ ပ့ၣ်ထိၣ်တၣ်အတၢ်တီခိၣ်ရိၣ်မဲအဖီခိၣ်ဘၣ်န့ၣ်လီၤ.
Ref: Ayeyarwaddy Times
