လါမးရှး(၁၈)သီ,၂၀၂၅နံၣ်
တၢ်ထံၣ်လိၥ်တဲသကိးလၢဘၣ်ထွဲဒီးယူၣ်ကရ့တၢ်ဒုးကကတၢၢ်ကွံၥ်အဂီၢ် အမဲရကၤကီၢ်ခိၣ် ဒီၣ်နၢၤထရၢးဒီးရၢးရှၣ်ကီၢ်ခိၣ်ပူၣ်တ့ၣ် တၢ်ထံၣ်လိၥ်တဲသကိးအိၣ်ထီၣ်သ့အဂ့ၢ် အမဲရကၤပှၤဘၣ်မူဘၣ်ဒါတဖၣ် တဲလီၤ၀ဲန့ၣ်လီၤ.
ဒီၣ်နၢၤထရၢးအပှၤခၢၣ်စးလီၤဆီ စတ့း၀့းအီးအံၤ လဲၤတုၤလၢကီၢ်ရၢးရှၣ်ဖဲအပူၤကွံၥ် မုၢ်လ့ၤဧိၤအနံၤဒီး လဲၤထံၣ်လိၥ်သးဒီးပူၣ်တ့ၣ်လၢမီၢ်စကိၣ်၀ံၤ မ့မ့ၢ်လၢကီၢ်ခိၣ်တၢ်ထံၣ်လိၥ်တဲသကိးတခီ အိၣ်ထီၣ်သ့လၢ တနွံညါအံၤအတီၢ်ပူၤအဂ့ၢ် ဖဲCNNထံၣ်လိၥ်သံကွၢ်အီၤအဆၢကတီၢ် တဲလီၤ၀ဲန့ၣ်လီၤ.
ဖဲထံၣ်လိၥ်သးဒီးကီၢ်ခိၣ်ပူၣ်တ့ၣ်အံၤယံၤ၀ဲ သၢနၣ်ရံၣ်တုၤလွံၢ်နၣ်ရံၣ်အတီၢ်ပူၤ၀ံၤ တၢ်ထံၣ်လိၥ်အံၤတၢ်ဂ့ၤတဖၣ်အိၣ်ထီၣ်သ့အဂ့ၢ် စတ့း၀့းအီးစံး၀ဲန့ၣ်လီၤ. ကီၢ်ခိၣ်ခံဂၤတၢ်ထံၣ်လိၥ်စ့ၢ်ကီး တၢ်အဆၢလၢအဂ့ၤတဖၣ်ကအိၣ်ထီၣ်အဂီၢ် မုၢ်လၢ်၀ဲအဂ့ၢ် စံး၀ဲန့ၣ်လီၤ.
ဖဲတၢ်ထံၣ်လိၥ်အပူၤ ယူၣ်ကရ့သုးတဖၣ် ကီၢ်ဆၢခီဂၥ်နုၥ်လီၤဒုးရၢးရှၣ်၀ံၤ တယံၤဒံးဘၣ် ဒုးမၤန့ၢ်၀ဲ ရၢးရှၣ်မုၢ်နုၥ်ခးဟီၣ်က၀ီၤ Sudzha၀့ၢ်၀ံၤ ဂုၤက့ၤအခံအဃိ က့ၤန့ၢ်က့ၤ၀့ၢ်လံအဂ့ၢ် ရၢရှၣ်တပၤစံးန့ၣ်လီၤ.
ယူၣ်ကရ့လၢ ဒုးမၤန့ၢ်ဃၥ်၀့ၢ်တဖၣ်လၢ ခးလီၢ်က၀ီၤပူၤအံၤ ကဟ့ၣ်လီၤကွံၥ်၀ဲဒ် တၢ်ထံၣ်လိၥ်တဲသကိးဒီးရၢရှၣ်အပူၤဒီး ယူၣ်ကရ့ဂုၤက့ၤအခံလၢ Sudzhaန့ၣ် မ့ၢ်ယူၣ်ကရ့အဂီၢ် တၢ်စံးလီၤစှၤလီၤအဂ့ၢ် စံး၀ဲန့ၣ်လီၤ.
လၢတၢ်ထံၣ်လိၥ်အပူၤ ယူၣ်ကရ့တၢ်ဒုးကကတၢၢ်ကွံၥ်အဂီၢ် ယူၣ်ကရ့သုတကဲထီၣ် န့ၢ်တိကရၢဖိထံကီၢ်တဘ့ၣ်တသ့ တၢ်အုၣ်ကီၤကန့ၢ်အဂီၢ် အိၣ်ခိးကွၢ်ဃုထံၣ်၀ဲအဂ့ၢ် ရၢရှၣ်စံး၀ဲန့ၣ်လီၤ.
Ref: VOM
