ပူးလူးတူၢ်သုးကလၢၤလီၤ၀ံၤအလီၢ်ခံ ပှၤလၢလဲၤအိၣ်ကဒုလၢကၠီၣ်တဲၣ်တဖၣ် က့ၤဆူအိၣ်ဆိးလီၢ်ကျဲ

လါမးရှး(၁၇)သီ,၂၀၂၅နံၣ်

ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)တီခိၣ်ရိၣ်မဲ တၢ်ပၢၢ်ဆၢသုးပၥ်ဖှိၣ်တဖၣ် ဒုးမၤန့ၢ်သုးကီၣ်ကးပူလူတူၢ်သုးကလၢၤလၢအိၣ်ဖဲ ကီၢ်ရ့ၣ်ဖၣ်အၣ်, ကြူၢ်တူကီၢ်ဆၣ်၀ံၤအလီၢ်ခံ ပှၤလီၢ်အိၣ်ကမှံဖိ(၄၀၀)ဘျဲၣ်လၢ ဟဲအိၣ်ကဒုလၢကၠီၣ်တဲၣ်တဖၣ် က့ၤဆူအိၣ်ဆိးလီၢ်ကျဲလံအဂ့ၢ် တၢ်သ့ၣ်ညါဘၣ်လၢ ပှၤလၢမၤစၢၤ ပှၤလီၢ်အိၣ်ကမှံဖိတဖၣ်အအိၣ်န့ၣ်လီၤ.

လါမးရှး(၁၄)သီ, ၂၀၂၅နံၣ်အနံၤန့ၣ် ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)ဒီးသုးပၥ်ဖှိၣ်တဖၣ်ထီၣ်ထီၣ်ဒုးမၤန့ၢ်၀ဲ သုးကီၣ်ကးအသုး(ခလရ-၃၁), (point ၁၂၄၈)ပူးလူးတူၢ်သုးကလၢၤလၢအိၣ်ဖဲခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, သုးက့နီၣ်ဂံၢ်(၇)ဟီၣ်က၀ီၤပူၤန့ၣ်လီၤ.

KNLAသုးရ့ၣ်(၂၂)တီခိၣ်ရိၣ်မဲ ကညီဒီကလုၥ်ဂၢၤသုးကရၢ(KNDO)ဒီးသုးပၥ်ဖှိၣ်တဖၣ် စးထီၣ်ဒုးသုးကလၢၤအံၤလၢ အပူၤကွံၥ်လါဖ့ၤဘြူၤအါရံၤအလၢၥ်ဒီး တၢ်ထီၣ်ဒုးအပူၤ သုးကီၣ်ကးတပၤ ဟဲဒုးတၢ်လၢကလံၤကျါတဖၣ်အဃိ လီၢ်က၀ီၤကမျၢၢ်တဖၣ် ဘၣ်လဲၤဃ့ၢ်ပူၤဖျဲးသးဆူ ကၠီၣ်တဲၣ်တပၤန့ၣ်လီၤ.

တၢ်ထီၣ်ဒုးသုးကလၢၤအံၤ ယံၤခံနွံ၀ံၤမၤန့ၢ်ပူးလူးတူၢ်သုးကလၢၤအံၤ၀ံၤအလီၢ်ခံ ပှၤလီၢ်အိၣ်ကမှံဖိ(၄၃၇)ဂၤလၢလဲၤဃ့ၢ်အိၣ်ကဒုဆူ ကၠီၣ်တဲၣ်တဖၣ် ဖဲလါမးရှး(၁၅)သီအနံၤန့ၣ် ကဟဲက့ၤဆူအိၣ်ဆိးလီၢ်ကျဲအဂီၢ် ကၠီၢ်တဲၣ်ပှၤဘၣ်မူဘၣ်ဒါတဖၣ် မၤစၢၤ၀ဲအဂ့ၢ် တၢ်သ့ၣ်ညါဘၣ်န့ၣ်လီၤ.

Ref:The Irrawaddy