လါမးရှး(၁၀)သီ,၂၀၂၅နံၣ်
အမဲရကၤတၢ်ကူလဲၢ်မၤကၤကိတိၥ် တဲလီၤ၀ဲလၢ တၢ်ကကးတံၥ် ကသံၣ်မူၤဘှီးတဖၣ်လၢ အဟဲနုၥ်လီၤဆူ ကီၢ်အမဲရကၤပူၤတဖၣ်အဂီၢ် တၢ်ထၢအါထီၣ် မဲးကစံၣ်ကိၣ်, ကန့ဒၣ်ဒီးတရူး အတၢ်ဖိတၢ်လံၤအတၢ်သွီနုၥ်အခိတဖၣ်အဂ့ၢ်န့ၣ်လီၤ.
Fentanyl တၢ်ဟဲနုၥ်လီၤမ့ၢ်ပတုၥ်ကွံၥ်န့ၣ် တၢ်ထၢအါထီၣ်အခိစ့ၢ်ကီး ကပတုၥ်ကွံၥ်အဂ့ၢ် သါထံၣ်၀ဲဒ်န့ၣ်အဂ့ၢ်န့ၣ် Howard Lutnick တဲလီၤ၀ဲဖဲ NBC အMeet the Press မုၢ်အိၣ်ဘှံးနံၤတၢ်သံကွၢ်စံးဆၢတၢ်ရဲၣ်တၢ်ကျဲၤအပူၤန့ၣ်လီၤ.
ဘၣ်ဆၣ်ဒီး fentanylတၢ်ဟဲနုၥ်လီၤမ့ၢ်တပတုၥ်ကွံၥ် မ့တမ့ၢ် ဘၣ်ထွဲဒီးတၢ်ဂ့ၢ်အံၤအဖီခိၣ် မ့ၢ်တလီၤတံၢ်လၢ ကီၢ်ခိၣ်အဂီၢ်ဘၣ်န့ၣ် တုၤလၢတၢ်လီၤတံၢ်လီၤဆဲးအိၣ်ထီၣ်အဆၢကတီၢ်န့ၣ် တၢ်ထၢအါထီၣ်အခိစ့ၢ်ကီး ကအိၣ်ဒံး၀ဲအဖၢမုၢ်လီၤအဂ့ၢ် အ၀ဲစံး၀ဲန့ၣ်လီၤ.
ကိတိၥ်စံး၀ဲလၢ မုၥ်ကျိၤ၀ဲၤကွၢ်အတၢ်စံးလီၤစှၤလီၤတအိၣ်ထီၣ်ဘၣ်ဆၣ် ကီၢ်ချၢထုးထီၣ်တၢ်ဖိတၢ်လံၤတဖၣ်တခီ အပှ့ၤဒိၣ်ထီၣ်သ့၀ံၤ မ့မ့ၢ်လၢအမဲရကၤထုးထီၣ် တၢ်ဖိတၢ်လံၤတဖၣ်တခီ အပှ့ၤကလံၤစှၤလီၤကသ့အဂ့ၢ် စံး၀ဲန့ၣ်လီၤ. တၢ်ဂ့ၢ်အံၤ မ့ၢ်တၢ်ဂ့ၢ်အရ့ဒိၣ်ကတၢၢ်အဂ့ၢ်န့ၣ် တၢ်ကူလဲၢ်မၤကၤကိတိၥ် စံး၀ဲန့ၣ်လီၤ.
“တၢ်လၢပမၤအီၤခဲအံၤန့ၣ် မ့ၢ်တၢ်ဂ့ၢ်ဖးဒိၣ်တခါအဃိ တၢ်ဆီတလဲကအိၣ်ထီၣ်အဂီၢ် ပကဘၣ်ဟံးန့ၢ်တၢ်ဆၢကတီၢ်တကတီၢ်အဂ့ၢ်” ကီၢ်အမဲရကၤကီၢ်ခိၣ် ထရၢး တဲလီၤ၀ဲဖဲ မုၢ်အိၣ်ဘှံးအနံၤလၢ Fox Newsတၢ်ကစီၣ်ရၤလီၤတၢ်ကစီၣ်အဆၢကတီၢ်န့ၣ်လီၤ.
ကန့ဒၣ် ဒီး မဲးကစံၣ်ကိၣ်ထံကီၢ် တၢ်ဖိတၢ်လံၤတဖၣ်လၢ အတီၣ်သွီနုၥ်လီၤဆူ ကီၢ်အမဲရကၤပူၤတဖၣ်အဖီခိၣ် ကီၢ်ခိၣ်ထရၢး ထၢအါထီၣ်အခိ (၂၅)မျးကယၤ၀ံၤအလီၢ်ခံ သိလ့ၣ်ဒီးတၢ်ဖိတၢ်လံၤခဲလၢၥ်ဃၣ်ဃၣ်အဖီခိၣ် တၢ်ပတုၥ်ကွံၥ် တၢ်ထၢအခိတစိၢ်တလီၢ် တုၤလါအ့ဖြ့ၣ်(၂)သီအနံၤန့ၣ်လီၤ.
Ref: VOA
