လါမးရှး(၁၀)သီ,၂၀၂၅နံၣ်
အ့ၣ်ယၣ်၀တံၣ်ကီၫ်ခီ,ပသံၣ်ကီၫ်ရ့ၣ်,လၢသၣ်ပီကီၫ်ဆၣ်,ဒူသ၀ီတနီၤအပူၤ စးထီၣ်ဖဲလါမးရှး(၈)သီအနံၤန့ၣ် သုးကီၣ်ကးဟဲဆီလီၤဃာ်သုး၀ံၤ သမံသမိးကမျၢၫ်ဃံးဃံးအဂ့ၫ် တၫ်သ့ၣ်ညါဘၣ်လၢလီၫ်က၀ီၤဖိတဖၣ်အိၣ်န့ၣ်လီၤ.
သုးကီၣ်ကးသုးန့ၣ် စးထီၣ်ဖဲလါမးရှး(၈)သီအနံၤန့ၣ် ဟဲဆီလီၤဃာ်အသုးဖိ (၁၂၀)ဂၤဃၣ်ဃၣ် ဖဲသၣ်ပီကီၫ်ဆၣ်, မယါခၠိၣ်သ၀ီ,သၣ်ပးသီခါဖၠၣ်ဒီးကွ့ကၠီသီခါဖၠၣ်တဖၣ်၀ံၤ သမံသမိးကမျၢၫ်ဃံးဃံးအဂ့ၫ် တဲ၀ဲလီၤ.
“ဆီလီၤသုးလၢသ၀ီပူၤလီၤ.ဃုာ်ဒီးတၫ်စုက၀ဲၤလၢလၢပှဲၤပှဲၤ လၢမုၫ်နၤမုၫ်ဆါ သမံသမိးတၫ်အၢဒိၣ်မးလီၤ.အါတက့ၫ် သမံသမိး၀ဲ ပိာ်ခွါအဂ့ၫ်”လီၫ်က၀ီၤဖိတဂၤတဲ၀ဲလီၤ.
သုးကီၣ်ကးန့ၣ် ဖီၣ်သမံသမိးဃုာ် စဲးလ့ၣ်ယီၫ်၀ံၤ ဖဲလါမးရှး(၈)သီလံၤလံၤန့ၣ် တဲ၀ဲလၢ စဲးလ့ၣ်ယီၫ်တခိၣ် ပိာ်ခွါသးစၫ် ဒိး၀ဲခံဂၤအဃိ ဖီၣ်ဃာ်၀ဲကမျၢၫ်သးစၫ်(၄)ဂၤအဂ့ၫ် လီၫ်က၀ီၤဖိတဖၣ်တဲ၀ဲလီၤ.
ပှၤလီၫ်က၀ီၤဖိလၢခံတဂၤတဲ၀ဲလၢ”တနာ်န့ၫ်၀ဲဒီး ဖီၣ်ဃာ်၀ဲလီၤ.ပှၤလၢဘၣ်တၫ်ဖီၣ်ဃာ်တဖၣ်န့ၣ် မ့ၫ်ဒၣ်ကမျၢၫ်တဖၣ်လီၤ.ထိထိလၢဟဲက့ၤလၢစံာ်ပျီတၫ်မၤပာ်ဃုာ် ပှၤ(၄)ဂၤန့ၣ် တဲ၀ဲလၢPDF၀ံၤဖီၣ်၀ဲအဂ့ၫ်”န့ၣ်လီၤ.
ကမျၢၫ်လၢဘၣ်တၫ်ဖီၣ်တဖၣ် တၫ်ကစီၣ်ဟးထီၣ်လၢ သုးကီၣ်ကးအသုးတဖၣ် ကထၢနုာ်အီၤလၢ တၫ်ဘၣ်ကဲသုး အကျါအဃိ ဟံၣ်ဖိဃီဖိတဖၣ် ဘၣ်ကိၫ်ဘၣ်ဂီၤအဂ့ၫ် တဲ၀ဲလီၤ.
အ့ၣ်ယၣ်၀တံၣ်ကီၫ်ခီ,,ငသဲခၠီ-ကွးကျဲဖးဒ့အပူၤ သုးကီၣ်ကးသုးန့ၣ် စးထီၣ်ဖဲလါယနူၤအါရံၤ(၂)နွံတနွံအပူၤန့ၣ် ဟဲဆီလီၤဃုာ်ဒီးကျိဖးဒိၣ်တဖၣ်၀ံၤ ဟးထီၣ်ဟးလီၤလၢကျိတဖၣ်အဃိ လီၫ်က၀ီၤဖိတဖၣ်ပျံၤတၫ်ဖုးတၫ်၀ံၤ တၫ်ကီတၫ်ခဲအိၣ်ထီၣ်၀ဲအဂ့ၫ် တၫ်သ့ၣ်ညါဘၣ်လၢလီၫ်က၀ီၤဖိတဖၣ်အိၣ်န့ၣ်လီၤ.
Ref: DVB
