လါမးရှး(၃)သီ,၂၀၂၅နံၣ်
ကလံၤစိးကီၢ်ခိရံယါ ခးကွၢ် ခရူးမ့းစဲမျိၥ်သၣ်ယူၢ်တဖၣ်၀ံၤစှၤသီအတီၢ်ပူၤန့ၣ် တၢ်ပၥ်ဖျါထီၣ်ဂံၢ်ဘါအဖီခိၣ် အမဲရကၤကဘီတီၣ်ကဘီယူၤကရူၢ် ဟဲတုၤအိၣ်ဆူ ကလံၤထံးကီၢ်ခိရံယါ ဖဲမဟါအနံၤန့ၣ်လီၤ.
USS Carl Vinsonကဘီလၢတီၣ်ကဘီယူၤကရူၢ်လၢ ဟဲတုၤအိၣ်ဆူ Busanကဘီသန့အံၤ ကွၢ်ဆၢၣ်မဲၥ်ဘၣ်ဒီး ကလံၤစိးကီၢ်ခိရံယါအတၢ်မၤပျံၤမၤဖူးအဆၢကတီၢ် ဒ်သိးတၢ်ကပၥ်ဖျါထီၣ် အမဲရကၤဒီးကလံၤထံးကီၢ်ခိရံယါ သုးဂ့ၢ်၀ီသိၣ်မှံတၢ်ဂၢၢ်တၢ်ကျၢၤအသိး တၢ်ပညိၣ်မၤဂ့ၤထီၣ် သုးဂ့ၢ်၀ီတၢ်ပၥ်ဖှိၣ်မၤသကိးတၢ်တဖၣ်အဂ့ၢ် ကလံၤထံးကီၢ်ခိရံယါထံသုး ပၥ်ဖျါဃၥ်၀ဲလၢ အလံၥ်ဘိးဘၣ်ပၥ်ဖျါအပူၤန့ၣ်လီၤ.
တၢ်အံၤန့ၣ် ဖဲအပူၤကွံၥ်နံၣ် လါယူၤအစးထီၣ်အပူၤ အမဲရကၤကဘီလၢတီၣ်ကဘီယူၤကရူၢ်တဖၣ် ဟဲတုၤအိၣ်ဆူ ကလံၤထံးကီၢ်ခိရံယါဆူ အဆိကတၢၢ်တဘျီန့ၣ်လီၤ. အမဲရကၤ ဟဲတုၤအိၣ်ဆူကလံၤထံးကီၢ်ခိရံယါလၢ သုးဂံၢ်ဘါဂၢၢ်ဂၢၢ်ကျၢၤကျၢၤအဖီခိၣ် မ့မ့ၢ်ကလံၤစိးကီၢ်ခိရံယါတခီ တၢ်သးတမံတဖၣ် အိၣ်ထီၣ်၀ဲအဂ့ၢ် တၢ်တယၥ်၀ဲန့ၣ်လီၤ.
အပူၤကွံၥ် အမဲရကၤကဘီလၢတီၣ်ကဘီယူၤတဖၣ် မ့ၢ်ဟဲတုၤအိၣ်ဆူကလံၤထံးကီၢ်ခိရံယါန့ၣ် ကလံၤစိးကီၢ်ခိရံယါ တပၤ မၤ၀ဲသုးတၢ်ဂဲၤလိတဖၣ်ဒ် တ့ၢ်လီၤမ့ၣ်ပိၢ်တဖၣ်ဒီးကဘီယူၤတဖၣ်, တီၣ်ဟီၣ်လၥ်ကဘီတဖၣ် လၢအိၣ်ဒီးနူက လံယါဒီး မ့စဲးမျိၥ်သၣ်ယူၣ်တဖၣ်န့ၣ်လီၤ. အမဲရကၤကီၢ်ခိၣ် Donald Trumpလၢ ဟံးန့ၢ်ကီၢ်ခိၣ်မူဒါ စးထီၣ်လၢ လါဖ့ၤ ဘြူၤအါရံၤ(၂၀)သီအနံၤတခီတၢ်ကက့ၤသူၣ်ထီၣ်က့ၤမီၢ်သီမီၢ်လါတၢ်ရ့လိၥ်ဘၣ်ထွဲဒီးကလံၤထံးကီၢ်ခိရံယါအခိၣ် Kim Jong Unအဂီၢ် ကဆဲးကျိး၀ဲအဂ့ၢ် တဲ၀ဲန့ၣ်လီၤ.
Ref: VOA
