လါဖ့ၤဘြူၤအါရံၤ(၁၉)သီ,၂၀၂၅နံၣ်
သုးကီၣ်ကးန့ၣ် သုးဖိအသီလၢစံၣ်လီၤသုးတၫ်မၤလိတဖၣ် ဆှၢ၀ဲဒီးသူ၀ဲလၢကရ့ၣ်နံၣ်ကီၫ်စဲၣ်ဒီးယိၤဒိၣ်ကီၫ်စဲၣ် ကလံၤထံးတၫ်မဲာ်ညါတၫ်ဒုးပျီတဖၣ်အဂ့ၫ် ကရ့ၣ်နံၣ်ဒီကလုာ်တၫ်ဒီသဒၢသုး(KNDF) ထုးထီၣ်ဘိးဘၣ်ရၤလီၤ၀ဲ ဖဲလါဖ့ၤဘြူၤအါရံၤ(၁၈)သီအနံၤန့ၣ်လီၤ.
လၢယိၤ-ကရ့ၣ်နံၣ် အဆၢ သုးကီၫ်ကး ထီၣ်သဖိဒုးတၫ်အိၣ်အသိး , လၢမိပၠဲစ့ၫ်ကီးကိးမုၫ်နံၤတၫ်ဒုးကဲထီၣ်အဃိ သုး ကီၣ်ကးအပှၤသုးဖိတဖၣ်စ့ၫ်ကီး ဃ့ၫ်ဖျိးကွံာ်လၢတၫ်မဲာ်ညါတၫ်ဒုးပျီ၀ံၤ ဟဲဃ့ၫ်အိၣ်ကဒုဆူ တၫ်ပၢၫ်ဆၢသုးတဖၣ်အ အိၣ် အိၣ်၀ဲ၀ဲလီၤ.
လါဖ့ၤဘြူၤအါရံၤအတီၫ်ပူၤ လၢ KNDFသုးရ့ၣ်နီၫ်ဂံၫ်(၃)ဟီၣ်က၀ီၤပူၤ သုးကီၣ်ကးအသုးဟဲပာ်လီၤတၫ်စုက၀ဲၤ အိၣ်၀ဲ (၅)ဂၤဒီး လၢတၫ်မဲာ်ညါတၫ်ဒုးပျီ သုးဖိလၢဃ့ၫ်ပူၤဖျဲးသး လၢတပာ်ဃုာ်ဒီးတၫ်စုက၀ဲၤအိၣ်၀ဲ(၈)ဂၤဒီး ခဲလၢာ်ပာ်ဖှိၣ်အိၣ် ၀ဲ(၁၃)ဂၤအဂ့ၫ်တဲ၀ဲလီၤ.
တၫ်မဲာ်ညါတၫ်ဒုးပျီအပူၤ သုးဖိသီလၢဃ့ၫ်ပူၤဖျဲးအသးအါမး တူၫ်လိာ်ဃာ်၀ဲ၀ံၤ ကွၫ်ထွဲ၀ဲဂ့ၤဂ့ၤအဂ့ၫ် KNDFတဲ၀ဲလီၤ.
စကဲ,၀့ၫ်တကူၣ်,မတလ့ကီၫ်ခီဒီးဖၣ်အၣ်,ပကိကီၫ်ခီဒီးအ့ၣ်ယၣ်၀တံၣ်ကီၫ်ခီတဖၣ်အပူၤ သးစၫ်တဖၣ် တၫ်ပာ်ဖှိၣ်၀ဲ၀ံၤ တၫ်ဟ့ၣ်အီၤဂ့ၫ်ခီၣ်ထံးသုးတၫ်မၤလိယံာ်(၃)လါ၀ံၤအလီၫ်ခံ တၫ်ဆှၢအီၤဆူ ကရ့ၣ်နံၣ်ကီၫ်စဲၣ် တၫ်မဲာ်ညါတၫ်ဒုးပျီအပူၤ န့ၣ်လီၤ.
သုးကီၣ်ကးန့ၣ် ဖဲလါဖ့ၤဘြူၤအါရံၤအပူၤ ဒုးမူထီၣ်က့ၤ ကမျၢၫ်တၫ်ဘၣ်ကဲသုးတၫ်ဘျၢ၀ံၤအလီၫ်ခံ တုၤ၂၀၂၅နံၣ် ,လါဖ့ၤဘြူၤအါရံၤ (၁)နံၣ်အတီၫ်ပူၤ ကိးကမျၢၫ်တၫ်ဘၣ်ကဲသုး တုၤလၢအ၀ီ(၁၀)လံန့ၣ်လီၤ.
