လါဖ့ၤဘြူၤအါရံၤ(၁)သီ,၂၀၂၅နံၣ်
၂၀၂၅နံၣ်, လါယနူၤအါရံၤ(၃၁)သီအနံၤလၢ အလီၤဘၣ် (၇၆)၀ီတ၀ီ ကညီတၢ်ပၢၢ်ဆၢမုၢ်နံၤအံၤ တၢ်မၤအီၤဖဲ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, လီၢ်ခၢၣ်သး၀ဲၤလီၢ်ခိၣ်သ့ၣ်တၢ်လီၢ်တတီၤအဂ့ၢ် ခ့ၣ်အဲၣ်ယူၣ်-လီၢ်ခၢၣ်သးတၢ်ကစီၣ် ပၥ်ဖျါဃၥ်၀ဲန့ၣ်လီၤ.
တၢ်စးထီၣ်တၢ်ရဲၣ်တၢ်ကျဲၤလၢ ပှၤကယၢကယဲအမူး သရၣ်စီၤဆၣ်လါမုၢ် ဖးဖျါထီၣ်၀ဲ မူးအတၢ်ရဲၣ်တၢ်ကျဲၤတဖၣ်၀ံၤ တၢ်ယူးယီၣ်ကညီဒီကလုၥ်နီၢ်တယၢ်ဒီး တၢ်ပၢၢ်ဆၢဖိကိးဂၤဒဲး န့ၣ်လီၤ.
ကညီစဲၤသွဲၣ်သီကၠိ စဲၤသွဲၣ်သးစၢ်တဖၣ်လၢအဟဲထီၣ်(၇၆)၀ီတ၀ီကညီဒီကလုၥ်တၢ်ပၢၢ်ဆၢမုၢ်နံၤအမူးတၢ်ရဲၣ်တၢ်ကျဲၤ သး၀ံၣ်မၤလၤကပီၤအီၤလၢ“ထီဘိဂၢၢ်ကျၢၤသူလ့ၤကီၢ်” အဂ့ၢ် ပၥ်ဖျါဃၥ်၀ဲန့ၣ်လီၤ.
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢလီၢ်ခၢၣ်သးခိၣ်နၢ်တဖၣ်လၢအမ့ၢ် ကရၢခိၣ်ပဒိၣ်စီၤကွဲၤထူ၀့ဒီး ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(K.N.L.A) သုးရိၣ်မဲခိၣ်ကျၢၢ် သုးခိၣ်ကျၢၢ်ဒိၣ်စိ စီၤကၠီၣ်နံၣ်တဖၣ် ဟဲထီၣ်၀ဲအမူးတၢ်ရဲၣ်တၢ်ကျဲၤဒီး ကတိၤလီၤတၢ်န့ၣ်လီၤ.
တကးဘၣ် (၇၆)၀ီတ၀ီ ကညီတၢ်ပၢၢ်ဆၢအမုၢ်နံၤအမူးတၢ်ရဲၣ်တၢ်ကျဲၤအပူၤ ကညီီဒကလုၥ်စၢဖှိၣ်ကရၢ, ဟ့ၣ်တၢ်လၤကပီၤ လီၢ်ခၢၣ်သးထီဘိကမံးတံၥ်တဂၤလၢအမ့ၢ် ပဒိၣ်စီၤသမ့ၣ်ထိ၀ံၤ တၢ်ဖးဖျါထီၣ်စ့ၢ်ကီး (KNLA)ဒီး (KWO) အလံၥ်ဟ့ၣ်ယူၢ်တဖၣ်အဂ့ၢ် ပၥ်ဖျါဃၥ်၀ဲန့ၣ်လီၤ.
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ လီၢ်ခၢၣ်သးခိၣ်နၢ်တဖၣ်လၢအမ့ၢ် နဲၣ်ရွဲၣ်သဃဲၤ(၂)ပဒိၣ်စီၤလးထိ, (KNLA)လီၢ်ခၢၣ်သး သုးခိၣ်သုးနၢ်တဖၣ်, သုးက့(၇)သုးက့ခိၣ် သုးခိၣ်ဒိၣ်စိ စီၤဒံကွဲၤ, သုးက့(၇) ၀ဲၤဒၢးခိၣ် သုးခိၣ်ဒိၣ်ဖိ ဘးထူ, သိၣ်ဒုတဖၣ်ပၥ်ဃုၥ် လီၢ်က၀ီၤကမျၢၢ်တဖၣ်စ့ၢ်ကီး ဟဲထီၣ်၀ဲ အမူးတၢ်ရဲၣ်တၢ်ကျဲၤ၀ံၤ တၢ်မၤကတၢၢ်က့ၤ တၢ်ရဲၣ်တၢ်ကျဲၤလၢ ကညီဒီကလုၥ်အတၢ်သး၀ံၣ်န့ၣ်လီၤ.
