လါယနူၤအါရံၤ(၃၁)သီ, ၂၀၂၅နံၣ်
အမဲရကၤ ဟံၣ်၀ါအတၢ်ထုးထီၣ်ပၥ်ဖျါလၢ ဘၣ်ထွဲဒီး တၢ်ကပတုၥ်ဖဲၣ်ဒရၢၣ်စ့ဒုးလိၥ်တၢ်ဒီးတၢ်ဆီၣ်ထွဲမၤစၢၤကျိၥ်စ့အဖီခိၣ် တၢ်သးတလီၤပလိၥ်တဖၣ်ကဲထီၣ်သး၀ံၤအလီၢ်ခံ အမဲရကၤစံၣ်ညီၣ်ကွီၢ်တဂၤထုးထီၣ်တၢ်တြီတၢ်ကလုၢ်၀ံၤ ထြဲးပဒိၣ် ထုးသံကွံၥ် အတၢ်ကလုၢ်လၢ မုၢ်ပျဲၤအနံၤန့ၣ်လီၤ.
ဖဲအပူၤကွံၥ်အနွံအပူၤ ထြဲးကဲထီၣ်ကီၢ်ခိၣ် ဟံးမူဒါ၀ံၤအလီၢ်ခံ မုၢ်ဆၣ်အနံၤ အလံၥ်ပၥ်ဖျါလၢ တၢ်ကပတုၥ်ကွံၥ် တၢ်ဆီၣ်ထွဲမၤစၢၤကမျၢၢ်တဖၣ်တကးဘၣ်တၢ်ဘံၣ်တၢ်ဘၢတၢ်ရဲၣ်တၢ်ကျဲၤတစိၢ်တလီၢ်အဖီခိၣ် ဟံၣ်၀ါတၢ်ပၢဆှၢရဲၣ်ကျဲၤဒီးစ့တိၥ်ပၥ်၀ဲၤဒၢး(OMB) က့ၤထုးသံကွံၥ်၀ဲန့ၣ်လီၤ.
ဘၣ်ထွဲဒီးတၢ်ပတုၥ်ကွံၥ် စ့တိၥ်ပၥ်အဖီခိၣ် Medicaidလၢ အဆီၣ်ထွဲမၤစၢၤ ပှၤနီၢ်ခိက့ၢ်ဂီၤတလၢတပှဲၤတဖၣ်ဒီးပှၤအမဲရကၤဖိလၢစ့တၢ်ဟဲနုၥ်လီၤစှၤတဖၣ်အဂီၢ် ဆူၣ်ချ့တၢ်အုၣ်ကီၤပၥ်ဃုၥ် တၢ်ရဲၣ်တၢ်ကျဲၤတဖၣ်အဂီၢ် ပဒိၣ်လၢကဘၣ်ဆီၣ်ထွဲမၤစၢၤအံၤ ကဟံးန့ၢ်မူဒါအိၣ်တအိၣ်အဂ့ၢ် တၢ်သံကွၢ်တဖၣ် အိၣ်ဟးထီၣ်၀ဲန့ၣ်လီၤ.
ဘၣ်ဆၣ်ဒီး မ့မ့ၢ်လၢ ဟံၣ်၀ါပှၤဘၣ်မူဘၣ်ဒါ ကၣ်ရိၣ်လ့လံၣ်ဘ့းတခီ “တၢ်အံၤ တမ့ၢ်လၢတၢ်ထုးသံကွံၥ် ဖဲၣ်ဒရၢၣ်စ့တိၥ်ပၥ်ဘၣ်. မ့ၢ်ဒၣ်တၢ်ပၢဆှၢရဲၣ်ကျဲၤဒီးစ့တိၥ်ပၥ်၀ဲၤဒၢးအတၢ်ထုးထီၣ်ပၥ်ဖျါလီၤ”အဂ့ၢ် အကွဲးဖျါဃၥ်၀ဲလၢ ပှၤတ၀ၢပှၥ်ဘျးစဲ Xအပူၤန့ၣ်လီၤ.
