လါယနူၤအါရံၤ(၂၀)သီ,၂၀၂၅နံၣ်
လၢ၀့ၫ်တကူၣ်ဒီးအ့ၣ်ယၣ်၀တံၣ်ကီၫ်ခီ တၫ်ဟးထီၣ်က့ၤလီၤအပူၤ ပှၤဟးထီၣ်က့ၤလီၤဖိအကျါ ပှၤပိာ်ခွါလၢ ဖီၣ်ဃာ်ရၢၫ်ခၢၣ်ကီၫ်စဲၣ်ခိၣ်ဂီၤတဖၣ် ဘၣ်တၫ်ဖီၣ်၀ဲအဂ့ၫ် တၫ်သ့ၣ်ညါဘၣ်လၢ ပှၤဟးထီၣ်က့ၤလီၤဖိတဖၣ်အိၣ်န့ၣ်လီၤ.
ပှၤလၢဟဲဒိးပိာ်ဃုာ် သိလ့ၣ်တီၣ်ပှၤဟးထီၣ်က့ၤလီၤဖိ လၢအိၣ်ဖဲ၀့ၫ်တကူၣ်ဒီးကလဲၤဆူ အၣ်ယၣ်၀တံၣ်ကီၫ်ခီပူၤ ဘၣ် တၫ်သမံသမိး၀ဲဃံးဃံး၀ံၤ ပှၤဟးထီၣ်က့ၤလီၤဖိအကျါ ပှၤလၢဖီၣ်ဃာ် (၁၁)တစွၤ(ရၢၫ်ခၢၣ် ကီၫ်စဲၣ်ခိၣ်ဂီၤ) သးစၫ်(မ့တမ့ၫ်)ပှၤဒိၣ်တုာ်တဖၣ် သုးကီၣ်ကးအတၫ်သမံသမိးတြဲၤအပူၤ ဖီၣ်၀ဲအိၣ်အဂ့ၫ် ပှၤဟးထီၣ်က့ၤလီၤဖိတဖၣ် တဲ၀ဲ လီၤ.
ပှၤလၢလဲၤတ့ၫ်လၢ ၀့ၫ်ဟ့သဒးတဂၤတဲ၀ဲလၢ” လၢကျဲဒီတဘိဘၣ်ဒုးနဲၣ်ခိၣ်ဂီၤလီၤ. ဘၣ်ခီဂာ်တၫ်သမံသမိး တြဲၤ(၃-၄)ခါလီၤ.တြဲၤဆံးတဖၣ်တသမံသမိးတၫ်အါအါဘၣ်.လီၤဆီဒၣ်တၫ် လၢ၀့ၫ်နုာ်လီၤဒီးဟးထီၣ်တြဲၤတဖၣ်အပူၤ ပှၤလၢ ဖီၣ်ဃာ်(၁၁)တစွၤ(ရၢၫ်ခၢၣ်ကီၫ်စဲၣ်ခိၣ်ဂီၤ)မ့ၫ်ပာ်ဃုာ်န့ၣ် ကိးတ့ၫ်ဃာ်၀ဲလီၤ.လၢတၫ်လဲၤဆူ ၀့ၫ်တကူၣ်-ပသံၣ်ကျဲတက ပၤစ့ၫ်ကီး ဆီလီၤဃာ်၀ဲ X-RAYတြဲၤန့ၣ်လီၤ.ဟးထီၣ်က့ၤလီၤဘၣ် တမုာ်တလၤဘၣ်အဂ့ၫ်”န့ၣ်လီၤ.
အ့ၣ်ယၣ်၀တံၣ်ကီၫ်ခီဒီးရၢၫ်ခၢၣ်ကီၫ်စဲၣ် ကီၫ်ဆၢတၫ်သမံသမိးတြဲၤတခါလၢအမ့ၫ် ဘ့ၣ်ဒၣ်တၫ်သမံသမိးတြဲၤ န့ၣ် ဖဲလါယနူၤအါရံၤထီၣ်သီ ရၢၫ်ခၢၣ်သုးမုၫ်ဒိၣ်(AA)ဒီးသုးပာ်ဖှိၣ်တဖၣ် ထီၣ်ဒုး၀ဲ၀ံၤအလီၫ်ခံ ကျဲလၢတၫ်ဆဲး ကျိးဃာ် ၀့ၫ်တကူၣ်-အ့ၣ်ယၣ်၀တံၣ်ဒီး၀့ၫ်နုာ်လီၤဟးထီၣ်တဖၣ် သုးကီၣ်ကးဆီလီၤအါထီၣ် တၫ်သမံသမိး တြဲၤတဖၣ်၀ံၤ သမံသမိးတၫ်အၢဒိၣ်န့ၫ်ဒံးအပူၤကွံာ်အဂ့ၫ် ပှၤနီသိလ့ၣ်ဖိတဖၣ်တဲ၀ဲလီၤ.
ကၣ်ထူအီၣ်သိလ့ၣ်တၫ်ဟးထီၣ်က့ၤလီၤ ပှၤနီသိလ့ၣ်ဖိတဂၤ တဲ၀ဲလၢ”အခဲအံၤ တြဲၤတဖၣ်န့ၣ် အါန့ၫ်ဒံး အပူၤကွံာ် လီၤ.တြဲၤဆံးတဖၣ်တခီ တၫ်မ့ၫ်ဒုးနဲၣ်အီၤလံာ်လဲၫ်ဒီး၀ံၤလီၤ. မ့မ့ၫ်တြဲၤဖးဒိၣ်တဖၣ်တန့ၫ်ဘၣ်. သမံသမိး၀ဲခဲလၢာ်လီၤ. ၀့ၫ်တကူၣ်အနုာ်လီၤ ထီတထူၣ်တြဲၤဒီးအ့ၣ်ယၣ်၀တံၣ် ပၣ်တဲၣ်တြဲၤတဖၣ်န့ၣ် သမံသမိးတၫ်အၢးမးလီၤ.မ့ၫ်ထံၣ်၀ဲ ပှၤလၢဖီၣ်ဃာ် (၁၁)တစွၤ(ရၢၫ်ခၢၣ်ကီၫ်စဲၣ်ခိၣ်ဂီၤ) မၤတံာ်တာ်၀ဲအဂ့ၫ်”န့ၣ်လီၤ.
ပှၤရၢၫ်ခၢၣ်ဖိလၢ ဟးထီၣ်က့ၤလီၤဖဲ၀့ၫ်တကူၣ်-အ့ၣ်ယၣ်၀တံၣ်ကီၫ်ခီပူၤတဖၣ် ခိၣ်ဂီၤလၢဖီၣ်ဃာ်၀ဲအဃိ ထံၣ်ဘၣ်တၫ် ကီတၫ်ခဲအသိး,ပှၤရၢၫ်ခၢၣ်ဖိလၢ အိၣ်ဖဲ၀့ၫ်တကူၣ်ဒီးကလဲၤဆူ တၫ်လီၫ်အဂၤတဖၣ်အဂီၫ် စ့ၫ်ကီး ကွၫ်ဆၢၣ်မဲာ်ဘၣ် တၫ် တၤတၫ်အါမးန့ၣ်လီၤ.
Ref: DVB
