လါယနူၤအါရံၤ(၂၀)သီ,၂၀၂၅နံၣ်
၂၀၂၅နံၣ်,လါယနူၤအါရံၤ(၁၉)သီအနံၤ ခ့ၣ်အဲၣ်ယူၣ်(လီၫ်ခၢၣ်သး) ပာ်ဖျါ၀ဲလၢ ဖဲလါယနူၤအါရံၤ(၁၇)သီအနံၤ, ဟါ(၇း၃၀)နၣ်ရံၣ်ဃၣ်ဃၣ်အကတီၫ် သုးကီၣ်ကးအသုးလၢအိၣ်ဆီလီၤအသးဖဲမဲၫ်ပလံး,နီၫ်ဂံၫ်(၄၀၄-၄၀၅) သုး ကလၢၤ ခးလီၤကျိဖးဒိၣ်(၁၂၀)မမ (၁)ဖျၢၣ် လၢကီၫ်သူလ့ၤတၫ်ပၢဟီၣ်က၀ီၤ,ဒူသထူၣ်ကီၫ်ရ့ၣ်, အစူးခၠီသ၀ီပူၤအဃိ ထံကမါ,သီခါဖၠၣ်ကျဲနုာ်လီၤဒီးဟံၣ်(၁)ဖျၢၣ်ဘၣ်ဟးဂီၤ၀ဲလီၤ.
ဖဲ၂၀၂၅နံၣ်,လါယနူၤအါရံၤ(၁၆)သီအနံၤစ့ၫ်ကီး သုးကီၣ်ကးအသုး နီၫ်ဂံၫ်(၄၀၄-၄၀၅)ခီၣ်ချ့သုးရ့ၣ် ခးလီၤ(၁၂၀)မမ (၁)ဖျၢၣ်အဃိ လီၤတဲာ်ပိၫ်ဖး၀ဲ ဖဲအစူခၠီသ၀ီကပၤန့ၣ်လီၤ.
ခ့ၣ်အဲၣ်ယူၣ်,ဘံလ့ကီၫ်ဆၣ်ပူၤ သုးကီၣ်ကးအသုးတဖၣ်န့ၣ် ပာ်ပနီၣ်၀ဲ ကမျၢၫ်အိၣ်တၫ်လီၫ်တဖၣ် ဒ်သုးတၫ်ခးပညိၣ် လီၫ်တဖၣ်၀ံၤ ခးလီၤ၀ဲလၢကျိဖးဒိၣ်တဖၣ်အဃိ လီၫ်က၀ီၤကမျၢၫ် ဘၣ်ပျံၤဘၣ်ဖုး, ဘၣ်ဃ့ၫ်ပူၤ ဖျဲးကွံာ်အသး၀ံၤ ကွၫ် ဆၢၣ်မဲာ်ဘၣ် တၫ်အိၣ်ဆိးအီၣ်အီအဂီၫ် တၫ်ကီတၫ်ခဲတဖၣ်န့ၣ်လီၤ.
