လါယနူၤအါရံၤ(၁၄)သီ,၂၀၂၄နံၣ်
၂၀၂၄နံၣ်, လါအီးကထိဘၢၣ် တုၤ လါဒံၣ်စ့ဘၢၣ်, (၃)လါအတီၫ်ပူၤ သုးကီၣ်ကးအတၫ်ဒုးအဃိ ကရ့ၣ်နံၣ်ဟီၣ်က၀ီၤအပူၤ အစှၤကတၢၫ်ကမျၢၫ်ဘၣ်သံ(၂၃)ဂၤ တကးဘၣ်အမဲာ်ညါ ပှၤတစှၤန့ၣ်(၅၃)ဂၤ ဘၣ်ဒိဘၣ်ထံးအဂ့ၫ် ဖဲလါယနူၤအါရံၤ(၁၃)သီနံၤန့ၣ် ကရ့ၣ်နံၣ်ပှၤဂ့ၫ်၀ီခွဲးယာ်ကရၢ(KnHRG) ဘိးဘၣ်ပာ်ဖျါ၀ဲလီၤ.
ဒြိဒီးကလံၤကျါတၫ်ဒုးတဖၣ်အဃိ ဘၣ်သံ(၆)ဂၤ၀ံၤ ဘၣ်ဒိဘၣ်ထံး(၃၂)ဂၤလီၤ.ကျိဖးဒိၣ်အဃိ ဘၣ်သံ(၁၄)ဂၤဒီးဘၣ်ဒိ(၂၁)ဂၤန့ၣ်လီၤ.တကးဘၣ် ဟီၣ်လာ်မ့ၣ်ပိၫ်အဃိ ဘၣ်သံ(၂)ဂၤအဂ့ၫ်တဲ၀ဲလီၤ.
သုးကီၣ်ကးအသုးဖီၣ်ဃာ် ကမျၢၫ်တစှၤန့ၣ်(၂၂၆)ဂၤ အမဲာ်ညါ အတၫ်ဒုးတဖၣ်အဃိ တၫ်သူၣ်ထီၣ် တစှၤန့ၣ်(၁၂၃)ဖျၢၣ် ဘၣ်ဟးဂီၤကွံာ်၀ဲအဂ့ၫ် KnHRGတဲဃာ်၀ဲလီၤ.
တၫ်မၤစၢၤထံရူၫ်ကီၫ်သဲးပှၤလီၤဃိၣ်ဖိကရၢ(AAPP)အလါယနူၤအါရံၤ(၉)သီနံၤ တၫ်မၤနီၣ်စရီအဖီခိၣ် သုးဟံးန့ၫ်ဆူၣ်တၫ်စိတၫ်ကမီၤ၀ံၤအလီၫ်ခံ သုးကီၣ်ကးအသုးဒီးအစုတီၤဖီလာ်တၫ်ကရၢကရိတဖၣ်အဃိ ပှၤဟူးဂဲၤလၢဒံၣ်မိၣ်ကရ့ၣ်စံၣ်ဂ့ၫ်၀ီအဂီၫ်ဒီးကမျၢၫ်ခဲလၢာ်ပာ်ဖှိၣ် ဃုကထိဘျဲၣ်(၆,၁၂၉)ဘၣ်သံ၀ဲန့ၣ်လီၤ.
