လါယနူၤအါရံၤ(၃)သီ,၂၀၂၅နံၣ်
ရှၢးရှါလဲၤဒုး၀ဲ ယူၣ်ကရ့သုးမုၢ်ဒိၣ်ကဘီယူၤသန့လၢ စုက၀ဲၤတဖၣ်အဂ့ၢ်န့ၣ် ရှၢးရှါသုးမုၢ်ဒိၣ် တဲလီၤ၀ဲဖဲ လါဒံၣ်စဲဘၢၣ်(၃၁)သီအနံၤ၀ံၤ တနံၤဃီကတီၢ်န့ၣ် ယူၣ်ကရ့ၣ်စ့ၢ်ကီး လဲၤဒုးမၤဟးဂီၤက့ၤ၀ဲ ရှၢးရှါတၢ်ဖီရ့ၣ်နီၣ်သိတၢ်မၤလီၢ်တဖျၢၣ်အဂ့ၢ် ထုးထီၣ်ပၥ်ဖျါဃၥ်၀ဲန့ၣ်လီၤ.
ရှၢးရှါသုးမုၢ်ဒိၣ်န့ၣ် ရၤလီၤဃၥ်၀ဲ စုက၀ဲၤလၢတၢ်ခးပနီၣ်လီၤတံၢ်တဖၣ်ဒီးဒြိတဖၣ်၀ံၤ လဲၤဒုး၀ဲယူၣ်ကရ့ၣ်သုးမုၢ်ဒိၣ်ကဘီယူၤသန့ဒီး သုးဂ့ၢ်၀ီဘၣ်ထွဲစဲးဖီကဟၣ်တၢ်မၤလီၢ်တလီၢ်လၢ အထုးထီၣ်ဘျါအ့ၣ်တလီၢ်အဂ့ၢ်န့ၣ် ဖဲမုၢ်ဆၣ်အနံၤဂီၤအဆၢကတီၢ် ရှၢးရှါတၢ်ဒီသဒၢကိတိၥ်၀ဲၤကျိၤ မၤ၀ဲ တၢ်မၤနၢ်ပၢၢ်ပှၤကွဲးတၢ်ပရၢမူးအဆၢကတီၢ် တဲလီၤ၀ဲန့ၣ်လီၤ.
တၢ်ပနီၣ်လၢတၢ်ပညိၣ်ဃၥ်အီၤတဖၣ် တၢ်ခးအီၤဘၣ်လီၤတံၢ်လီၤဆဲးလီၤဒီး တၢ်မၤဟးဂီၤကွံၥ်အီၤန့ၢ်ဂ့ၤဂ့ၤလီၤအဂ့ၢ် စံး၀ဲန့ၣ်လီၤ.
ထဲတနံၤဃီကတီၢ်အပူၤန့ၣ် ယူၣ်ကရ့သုးရိၣ်မဲခိၣ်ကျၢၢ်စ့ၢ်ကီး တဲလီၤ၀ဲလၢ ယူၣ်ကရ့သုးတဖၣ် လဲၤဒုး၀ဲရှၢးရှါတၢ်ပၥ်ကီၤရ့ၣ်နီၣ်သိအလီၢ်အဃိ စဲးဖီကဟၣ်တၢ်မၤလီၢ်အပူၤ ပိၥ်ဖးထီၣ်၀ဲဆူၣ်ဆူၣ်ကလၢၥ်လီၤအဂ့ၢ်န့ၣ်လီၤ.
ရှၢးရှါတၢ်ပၥ်ကီၤရ့ၣ်နီၣ်သိတၢ်လီၢ်လၢ တၢ်လဲၤဒုးမၤဟးဂီၤကွံၥ်အီၤအံၤန့ၣ် အမၤတ့ၢ်၀ဲဒ် အရ့ဒိၣ်တၢ်မၤစၢၤလီၢ်တခါလၢ ရှၢးရှါသုးမုၢ်ဒိၣ်အဂီၢ်အဂ့ၢ် တဲ၀ဲလီၤန့ၣ်လီၤ.
၂၀၂၄နံၣ်ဒီတနံၣ်အတီၢ်ပူၤ ယူၣ်ကရ့သုးတဖၣ် ခးလီၤတဲၥ်ကွံၥ် ရှၢးရှါမျိၥ်သၣ်အကလုၥ်ကလုၥ် (၁,၃၀၀)ဘျဲၣ်, ဒုးယၤဒြိ(၁၁,၂၀၀) ဒီးရှၢးရှါကဘီယူၤဒုးသုးအဘ့ၣ်(၄၀)ဘျဲၣ်အဂ့ၢ်န့ၣ် တၢ်သ့ၣ်ညါဘၣ်လၢ ယူၣ်ကရ့ၣ်ကလံၤသုးအလံၥ်ပၥ်ဖျါအဖီခိၣ်န့ၣ်လီၤ.
Ref: DVB
