လါယနူၤအါရံၤ(၃)သီ,၂၀၂၄နံၣ်
တၫ်ဟၢဖၢလူၤတၫ်ဆါ တၫ်ဘၣ်ကူဘၣ်ဂာ်လၢကဲထီၣ် ဖဲကီၫ်ပယီၤကီၫ်ဆၢ,၀့ၫ်ရွှ့ၣ်ကိးကိၣ်တဖၣ် တၫ်ပၢဆှၢ၀ဲန့ၫ်လံန့ၣ် ကၠီၣ်တဲၣ်ဆူၣ်ချ့၀ဲၤကျိၤပှၤဘၣ်မူဘၣ်ဒါတဖၣ်တဲ၀ဲအဂ့ၫ် Bangkok Post တၫ်ကစီၣ်သန့ ပာ်ဖျါ၀ဲဖဲမဟါနံၤန့ၣ်လီၤ.
ပယီၤဒီးပှၤကၠီၣ်တဲၣ်ဖိ ပှၤဆါတနီၤန့ၣ် တၫ်ပနီၣ်လၢ တၫ်ပာ်ပနီၣ်အီၤသ့ ဒ်တၫ်ဟၢဖၢလူတၫ်ဆါလၢအဆူၣ်၀ဲအံၤ ကဲ ထီၣ်၀ံၤအလီၫ်ခံ ကူစါယါဘျါ၀ဲန့ၫ်ခဲလၢာ်လံအဂ့ၫ် ကီၫ်ကၠီၣ်တဲၣ် မဲဆီးတၫ်ဆါဟံၣ်ပှၤနဲၣ်တၫ် Dr Ramet Wongwilairat တဲ၀ဲလီၤ. လၢရွှ့ၣ်ကိးကိၣ်တကပၤစ့ၫ်ကီး တၫ်ဆါကဲထီၣ်အသးတဖၣ်န့ၣ် လီၤကဆှၣ်ကွံာ်လံအဂ့ၫ် အ၀ဲတဲ၀ဲလီၤ.
တၫ်ဟၢဖၢလူၤတၫ်ဆါကဲထီၣ်န့ၣ် လၢကီၫ်ကၠီၣ်တဲၣ်ပူၤ တၫ်ဆါတၫ်ဘၣ်ကူဘၣ်ဂာ်(၅၇)ကလုာ်အပူၤ တၫ်ပာ်ပနီၣ်၀ဲဒ် တၫ်ဆါလၢတၫ်ဘၣ်အိၣ်ခိးကွၫ် အပတီၫ်အိၣ်(၅၃)န့ၣ်လီၤ.
ဖဲလါဒံၣ်စ့ဘၢၣ်(၁)သီနံၤတုၤ(၂၉)သီနံၤ လၢကီၫ်ပယီၤတကပၤ, အဘူးဒီးတးခ်ကီၫ်ရ့ၣ်အကပၤ ဖဲရွှ့ၣ်ကိးကိၣ် ပှၤလၢတၫ်ဟၢဖၢလူၤတၫ်ဆါကဲထီၣ်အိၣ်(၇၆၁)ဂၤအဂ့ၫ်ကီၫ်ဆၢပှၤဘၣ်မူဘၣ်ဒါလၢတအဲၣ်ဒိးပာ်ဖျါအမံၤတဂၤတဲ၀ဲလီၤ.တၫ်ကစီၣ်ဟးထီၣ်၀ဲလၢ ပှၤဘၣ်သံ(၂)ဂၤန့ၣ်လီၤ.
ဖဲလါဒံၣ်စ့ဘၢၣ်(၃၀)သီအနံၤစ့ၫ်ကီး ကၠီၣ်တဲၣ်ဆူၣ်ချ့၀ဲၤကျိၤအပှၤတဖု လဲၤဆူ၀့ၫ်ရွှ့ၣ်ကိးကိၣ်၀ံၤ တၫ်ပၢဆှၢတၫ်ဆါအဂီၫ် ဟ့ၣ်မၤစၢၤ၀ဲကသံၣ်ကသီတဖၣ်ဒံးန့ၣ်လီၤ.
Ref: DVB
