လါယနူၤအါရံၤ(၁)သီ,၂၀၂၅နံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ လီၢ်ခၢၣ်သးတၢ်ကစီၣ် ပၥ်ဖျါ၀ဲလၢ လါဒံၣ်စဲဘၢၣ်(၃၁)သီအနံၤန့ၣ် ကညီဒီကလုၥ်တၢ်ထူၣ်ဖျဲးသုးမုၢ်ဒိၣ် KNLAဒီးသုးပၥ်ဖှိၣ်တဖၣ် ကးတံၥ်ဒုး၀ဲသုးကီၣ်ကးအီၣ်စ့ၣ်ယၣ်သုးကျိၤအံၤအဃိ သုးကီၣ်ကးအပှၤသုးဖိ ဘၣ်သံ၀ဲတနီၤဒီးဘၣ်ဒိဘၣ်ထံး၀ဲအါအါဂီၢ်ဂီၢ်အဂ့ၢ်န့ၣ်လီၤ.
သုးကီၣ်ကးအီၣ်စ့ၣ်ယၣ်သုးကျိၤလၢ ဟဲထီၣ်ဆူ ကီးတရံးကီၢ်ဆၣ်, ၀့ၢ်ရၤမတံအံၤ ဟဲထီၣ်ဆူ၀့ၢ်ရၤမတံတန့ၢ်ဘၣ်အသိး ခီဖျိ KNLAတီခိၣ်ရိၣ်မဲသုးပၥ်ဖှိၣ်တဖၣ် ကးတံၥ်ဒုးအီၤအဃိ အိၣ်ကးတံၥ်အသးဖဲ ကီးတရံး-ရၤမတံ အ့ရှၢကျဲမုၢ်ဖးဒိၣ်အကပၤ ကစၢၢ်အကပၤအဂ့ၢ် ပၥ်ဖျါဃၥ်၀ဲန့ၣ်လီၤ.
တၢ်မၤန့ၢ်စ့ၢ်ကီး ကျိချံပှၥ်သးတနီၤအသိး အီၣ်စ့ၣ်ယၣ်သုးကျိၤအံၤ စုက၀ဲၤကျိချံပှၥ်သၣ် စှၤလီၤကွံၥ်၀ံၤ တၢ်အီၣ်တၢ်အီတဖၣ်စ့ၢ်ကီး တအိၣ်လၢၤဘၣ်အဂ့ၢ် စံး၀ဲန့ၣ်လီၤ.
တကးဘၣ် ယူၢ်ထီၣ်နီၢ်တယၣ်၀ါဒီး ပှၤလၢဟဲပၥ်လီၤစုက၀ဲၤဆူ တၢ်ပၢၢ်ဆၢသုးပၥ်ဖှိၣ်တဖၣ်အအိၣ် စ့ၢ်ကီးအိၣ်ထီၣ်၀ဲကိးမုၢ်နံၤလီၤအဂ့ၢ် ပၥ်ဖျါဃၥ်၀ဲန့ၣ်လီၤ.
ကတီၢ်ခဲအံၤ အနါကွ့သုးတၢ်တိၥ်ကူၣ်ကျဲၤခိၣ်သ့ၣ်သုးကလၢၤတၢ်အိၣ်သးန့ၣ် ခီဖျိ KNLAတီခိၣ်ရိၣ်မဲတၢ်ပၢၢ်ဆၢသုးပၥ်ဖှိၣ်တဖၣ် ကးတံၥ်ဒုးအီၤအဃိ သုးကီၣ်ကးအသုး သံဒီးဘၣ်ဒိဘၣ်ထံးအိၣ်ထီၣ်၀ဲကိးမုၢ်နံၤဃၣ်ဃၣ်လီၤအသိး ဟဲတ့ၢ်လီၤန့ၢ်တၢ်အီၣ်တၢ်အီလၢ Y-12အဂ့ၢ် ပၥ်ဖျါဃၥ်၀ဲန့ၣ်လီၤ.
