ကက့ၤဟံးန့ၢ် ပနါမါထံကျိၤအဂ့ၢ် ထြၢးတဲပျံၤတဲဖုး

လါဒံၣ်စ့ဘၢၣ်(၂၄)သီ,၂၀၂၄နံၣ်

ပနါမါထံကျိၤ သုတတုၤဆူ ပှၤဂၤအစုပူၤအဂီၢ် ကက့ၤဟံန့ၢ်၀ဲအဂ့ၢ် ဒီၣ်နၢၤထြၢးလၢ ဘၣ်တၢ်ဃုထၢထီၣ်အီၤဒ် အမဲရကၤကီၢ်ခိၣ် တဲပျံၤတဲဖုး၀ဲန့ၣ်လီၤ.

ဖဲအပူၤကွံၥ် မုၢ်ဘူၣ်အနံၤ, အၣ်ရံၣ်စိနါကီၢ်စဲၣ်, အတၢ်တဲလီၤအပူၤ ထြၢးပဲၥ်အၢပဲၥ်သီ၀ဲလၢ တၢ်ကခီထံကျိၤအဂီၢ် တၢ်ထၢ၀ဲအလဲဒိၣ်ဒိၣ်မုၢ်မုၢ်လီၤအဂ့ၢ်န့ၣ်လီၤ.

ပနါမါကီၢ်ခိၣ် ဟိၣ်ဆ့ရၣ်အူ မိၣ်လံနိၣ်တခီ ပနါမါထံကီၢ်တၢ်သဘျ့ န့ၣ် တမ့ၢ်တၢ်ဂ့ၢ်တခါလၢ တၢ်ကဘၣ်တၢၣ်ပီၣ်ထိၣ်ဃူအီၤဘၣ်ဒီး ထံကျိၤတၢ်ပၢဆှၢအပူၤ တရူးအတၢ်စိတၢ်ကမီၤလုၢ်ဘၢ၀ဲတအိၣ်ဘၣ်အဂ့ၢ် ထုးထီၣ်ပၥ်ဖျါ၀ဲန့ၣ်လီၤ.

တရူး တပၢဆှၢဃၥ် ပနါမါထံကျိၤဘၣ်ဆၣ် ဟီၣ်ခီ အိၣ်သူၣ်လီၤ CK Hutchison Holdingsခီပနံၣ် အဒ့တၢ်မၤတခါအံၤ ပၢဆှၢရဲၣ်ကျဲၤ၀ဲ ထံကျိၤအံၤ ကၣ်ရ့ၣ်ဘံၣ်ယၣ်ဒီး ပစံးဖ့းအနုၥ်လီၤ ကဘီသန့ၤခံခါန့ၣ်လီၤ.

အမဲရကၤသူၣ်ထီၣ်၀ဲ ပနါမါထံကျိၤအံၤဒီး ပၢဆှၢဃၥ်၀ဲ ထံကျိၤအံၤအဃၢၤ ကီၢ်ဆၢတဖၣ်လၢ နံၣ်ယၤဖှိၣ်တဖၣ်အပူၤန့ၣ်လီၤ.

ဘၣ်ဆၣ်ဒီး ၁၉၇၇တၢ်အၢၣ်လီၤအဖီခိၣ် က့ၤဟ့ၣ်က့ၤ ပနါမါပဒိၣ်လၢ ကပၢဆှၢက့ၤ ထံကျိၤအဂီၢ် ကျဲက့ၤအိးထီၣ်၀ဲန့ၣ်လီၤ. ဒီးလၢ ၁၉၉၉နံၣ်န့ၣ် က့ၤဟ့ၣ်က့ၤထံကျိၤအံၤဆူ ပနါမါပဒိၣ်အအိၣ် တၢ်စိတၢ်ကမီၤလၢလၢပှဲၤပှဲၤန့ၣ်လီၤ.

ကိးနံၣ်ဒဲး ကဘီအခိၣ်(၁)ကလး(၄)ကထိ ခီဂၥ်၀ဲလၢ ပနါမါထံကျိၤအပူၤ၀ံၤ ခၢၣ်စး၀ဲ ဟီၣ်ခီၣ်ဒီဘ့ၣ် တၢ်ကူၤလဲၤမၤကၤလၢ ထံကျိၤအပူၤ အမျးကယၤ(၂.၅)န့ၣ်လီၤ.

ပနါမါထံကျိၤအံၤ အရ့ဒိၣ်လၢ တၢ်ကတီၣ်တၢ်ဖိတၢ်လံၤတဖၣ် လၢအ့ရှၢသိလ့ၣ်တဖၣ်ဒီး ကိၣ်တ့ၣ်နၣ်ကဘီတဖၣ် ဆူအမဲရကၤအဂီၢ်အသိး အမဲရကၤ မ့ၢ်က့ၤတီၣ် ဂၥ်သ၀ီအထံတဖၣ်ဆူ အ့ရှၢအပူၤ ဘၣ်ခီ၀ဲထံကျိၤအံၤန့ၣ်လီၤ.

Source : Reuters