လါဒံၣ်စ့ဘၢၣ်(၂၃)သီ,၂၀၂၄နံၣ်
ပကိကီၫ်ခီ,သုးကီၣ်ကးအကီၫ်ခီသုး၀ဲၤလီၫ်ခိၣ်သ့ၣ် လၢအိၣ်ဖဲ၀့ၫ်တီအူန့ၣ် ဖဲလါဒံၣ်စ့ဘၢၣ်(၂၂)သီအနံၤ,ဂီၤအကတီၫ် တၫ်ပၢၫ်ဆၢသုးပာ်ဖှိၣ်တဖၣ် လဲၤဒုး၀ဲဒီး(၁၀၇)မမ မျိာ်သၣ်ယူၤတဖၣ်အဂ့ၫ် Brave Warriors for Myanmar (BWM) အပှၤဘၣ်မူဘၣ်ဒါလၢ တအဲၣ်ဒိးဘၣ်ပာ်အမံၤတဂၤတဲ၀ဲလီၤ.
အိၣ်လၢကလံၤထံးကီၫ်ခီသုး၀ဲၤလီၫ်ခိၣ်သ့ၣ်၀ံၤ ဒုးဃီၤ၀ဲတၫ်ပၢၫ်ဆၢသုးပာ်ဖှိၣ်တဖၣ် လၢအိၣ်ဖဲ ပကိဒီးကညီကီၫ်စဲၣ် တဖၣ် လၢကလံၤကျါဒုးယၤတဖၣ်,ဖီၣ်န့ၫ်ဆူၣ်သးစၫ်တဖၣ်အဃိ BWMဒီး သိၣ်မှံၤကရၢတဖၣ် လဲၤဒုး၀ဲဒ်သိးအံၤ န့ၣ်လီၤ.
လၢတၫ်လဲၤခးကလံၤထံးကီၫ်ခီသုး၀ဲၤလီၫ်ခိၣ်သ့ၣ်အပူၤ ခးလီၤ၀ဲ(၁၀၇)မမ အချံ(၇)ဖျၢၣ်၀ံၤ (၅)ဖျၢၣ်န့ၣ် ခးလီၤ၀ဲန့ၫ် ဂ့ၤဂ့ၤအဂ့ၫ် BWMတဲ၀ဲလီၤ.
သုးကီၣ်ကးတကပၤ တၫ်သံတၫ်ပှၫ်အိၣ်သ့၀ံၤ တသ့ၣ်ညါဘၣ် တၫ်ဂ့ၫ်တၢ်ကျိၤလီၤတ့ၫ်ဒံးဘၣ်အဂ့ၫ် Brave Warriors for Myanmar (BWM)အပှၤဘၣ်မူဘၣ်ဒါတဲ၀ဲလီၤ.
“သ့ၣ်ညါဘၣ်လၢ သုးကီၣ်ကးတကပၤ တၫ်သံတၫ်သံတၫ်ပှၫ်အိၣ်အါ၀ဲလီၤ.တၫ်ဂ့ၫ်လီၤတံၢ်ကန့ၫ်အဂီၫ် ထၢဖှိၣ်ဃာ် တၫ်ဂ့ၫ်တၫ်ကျိၤလီၤ.ပသုးဖိတဖၣ် က့ၤဆူသုးကလၢၤပူၤ လၢတၫ်ပူၤဖျဲးအပူၤလီၤ.”
တၫ်ဒုးတဘျီ၀ဲအံၤ Brave Warriors for Myanmar (BWM)ကရၢ, Mountain Knight Civilian Defense Force (MKCDF)၊ Anti -Coup Peoples Liberation Force (ACPLF)ဒီးဒီၣ်ဖးခိၣ်ကလံၤစိး ဟီၣ်က၀ီၤလီၤဆီကရၢတဖၣ် ပာ်ဖှိၣ်ဒုး၀ဲအဂ့ၫ်န့ၣ်လီၤ.
အပူၤကွံာ် ဖဲလါအီးကထိဘၢၣ်(၅)သီအနံၤစ့ၫ်ကီး BWMကရၢန့ၣ် လဲၤဒုး၀ဲ ကလံၤထံးကီၫ်ခီသုး၀ဲၤလီၫ်ခိၣ်သ့ၣ်လၢ (၁၀၇)မမ မျိာ်သၣ်ယူၤတဖၣ် ဒံးန့ၣ်လီၤ.
