ကီၫ်ပယီၤပိာ်ခွါလၢ ကၠီၣ်တဲၣ်က့ၤဆှၢအီၤတဖၣ် တၫ်ကဒုးကဲသုးအဂီၫ် သုးကီၣ်ကးသုးဖီၣ်ဃး

လါဒံၣ်စ့ဘၢၣ်(၂၀)သီ,၂၀၂၄နံၣ်

ကၠီၣ်တဲၣ်-ပယီၤကီၫ်ဆၢ,၀့ၫ်ကီးသီကဘီသန့အပူၤ ဖဲလါဒံၣ်စ့ဘၢၣ်(၁၈)သီ,ဂီၤ(၁၁)နၣ်ရံၣ်ဃၣ်ဃၣ်အကတီၫ် ပှၤကီၫ်ပယီၤဖိလၢဘၣ်တၫ်က့ၤဆှၢအီၤ(၂၁၉)ဂၤအကျါ ပိာ်ခွါခဲလၢာ် တၫ်ကဒုးကဲသုးအဂီၫ် တၫ်က့ၤဖီၣ်အီၤအဂ့ၫ် ပှၤလၢအိၣ်ဘူးဒီးဟံၣ်ဖိဃီဖိတဖၣ်တဲ၀ဲလီၤ.

လၢ၀့ၫ်ယနီဃိၣ်ပူၤ လၢတၫ်ဂ့ၫ်အကလုာ်ကလုာ် ပှၤကီၫ်ပယီၤဖိ(၂၁၉)ဂၤလၢလီၤဘၣ်တၫ်ကမၣ်အံၤ လၢယနီကဘီသန့တဆီ ဘၣ်တၫ်က့ၤဆှၢအီၤဆူ ၀့ၫ်ကီးသီကဘီသန့အဂ့ၫ် တၫ်သ့ၣ်ညါဘၣ်လီၤ.

ပှၤလၢဘၣ်တၫ်က့ၤဆှၢအီၤ(၂၁၉)ဂၤအကျါ ပိာ်မုၣ်တဖၣ်ပျၫ်ကွံာ်၀ဲဒီးပိာ်ခွါတဖၣ်တခီ တၫ်ဖီၣ်က့ၤကိးအီၤဖဲ ကီးသီ ကီၫ်ဆၣ်,၆တၢၣ်သ၀ီ ခီၣ်ချ့သုးရ့ၣ်(၂၆၂)သုးကလၢၤပူၤအဂ့ၫ် ပှၤလၢအိၣ်ဘူးဒီးဟံၣ်ဖိဃီဖိတဖၣ်တဲ၀ဲလီၤ.

“တဘျီအံၤ အိၣ်ထဲသးစၫ်တဖၣ်လီၤ.ပိာ်မုၣ်လၢတၫ်က့ၤဆှၢတဖၣ် တၫ်ပျၫ်ကွံာ်၀ဲလီၤ.က့ၤကိးပိာ်ခွါခဲလၢာ်လီၤ. အခဲအံၤ တဒ်သိးလၢညါလၢၤဘၣ်.လဲၤထုးထီၣ်တန့ၫ်ဘၣ်.မ့ၫ်တုၤလၢန့ၣ်မးဒီး တၫ်ကသမံသမိး၀ံၤ သးစၫ်,သးပှၫ်,တၫ်ဆါအိၣ် တအိၣ် ကဘၣ်တၫ်ဃုထၢ၀ဲလီၤ.ဖဲမုၫ်နံၤအ၀ဲန့ၣ်မးဒီး တၫ်ကသ့ၣ်ညါဘၣ်လၢကဘၣ်ကဲသုးပှဲၤဂၤန့ၣ်လီၤ.”

သုးကီၣ်ကးန့ၣ် လၢအခဲအံၤအလီၫ်ခံ လၢတၫ်ကိးသုးဖိသီအဂီၫ် တၫ်ဟ့ၣ်စ့တန့ၫ်လၢၤဘၣ်ဒီးဖီၣ်တၫ်အါထီၣ်ဒိၣ်န့ၫ်ဒံး အပူၤကွံာ်အဂ့ၫ် လီၫ်က၀ီၤဖိတဖၣ်တဲ၀ဲလီၤ.

ဒ်န့ၣ်အသိး ၀့ၫ်ပူၤက၀ီၤဒ့တဖၣ်အပူၤစ့ၫ်ကီး တၫ်ကကဲသုးအဂီၫ် သုးကီၣ်ကးပညိၣ်ဖီၣ်၀ဲသးစၫ်တဖၣ်အိၣ်၀ဲ၀ံၤ ဆှၢ၀ဲ တဘျီဃီဆူ သုးတၫ်မၤလိအလီၫ်အဂ့ၫ် ပှၤ၀့ၫ်ဖိတဖၣ်တဲ၀ဲလီၤ.

လၢကီးသီကဘီသန့ ပှၤလၢသုးကီၣ်ကးက့ၤဖီၣ်လၢကဘၣ်ကဲသုးတဖၣ် ခီဖျိလၢထံကျဲတဆီ လၢဘျံးတကပၤ တၫ်ဆှၢအီၤလၢကဘီချံတဖၣ်၀ံၤတၫ်ဆှၢကဒီးအီၤဆူ သုးဖိသီတၫ်သိၣ်လိသုးကလၢၤပူၤအဂ့ၫ် ကီးသီ၀့ၫ်ဖိတဖၣ် တဲ၀ဲလီၤ.

Ref: DVB