လါဒံၣ်စ့ဘၢၣ်(၁၉)သီ,၂၀၂၄နံၣ်
ကီၫ်အ့ၣ်ဒံယါ ,၀့ၫ်ခိၣ်ဒ့ၣ်လံၣ်အကလံၤအကံၫ်အစီန့ၣ် ဘၣ်အၢဘၣ်သီဒီးအိၣ်လၢတၫ်ဘၣ်ယိၣ်အပတီၫ်၀ံၤ မၤဘၣ်ဒိ ကမျၢၫ်တၫ်အိၣ်ဆူၣ်အိၣ်ချ့ဒိၣ်န့ၫ်ဒံး ခိၣ်ဘံး(၁၉)တၫ်ဆါသ့အဂ့ၫ် ပှၤလၢနၫ်ပၢၫ်၀ဲတဖၣ် ဟ့ၣ်ပလီၫ်ဃာ်၀ဲလီၤ.
ဖဲလါဒံၣ်စ့ဘၢၣ်(၁၈)သီနံၤ ၀့ၫ်ခိၣ်ဒ့ၣ်လံၣ်အကလံၤဘၣ်အၢဘၣ်သီအပတီၫ်န့ၣ် အါဒိၣ်န့ၫ်ဒံး ဟီၣ်ခိၣ်ဒီဖျၢၣ်ဆူၣ်ချ့ကရၢ ပာ်ပနီၣ်ဃာ် ပူၤဖျဲးတၫ်ဘၣ်ယိာ်ပတီၫ် (၃၅)ကဒါ၀ံၤ လီၫ်က၀ီၤဖိတဖၣ် တူၫ်ဘၣ် ဘၣ်ထွဲတၫ်သါထီၣ်သါလီၤအကျိၤ တၫ်ဆါဒီးမဲာ်ချံ,ကိာ်ယူာ်ဘိသးတဖၣ်န့ၣ်လီၤ.
မ့ၫ်ဟးထီၣ်လၢတၫ်ချၢန့ၣ် ကကးဘၢဘၣ်အနါဒ့ခံအဂီၫ်ဒီးဖိသၣ်ဒီးသးပှၫ်တဖၣ်ကအိၣ်ဘၣ်လၢဟံၣ်အဂီၫ် ပှၤဘၣ်မူ ဘၣ်ဒါတဖၣ် တဲဆီၣ်တခူဃာ်၀ဲလီၤ.တၫ်အံၤမ့ၫ်ဒၣ် တၫ်ဆၢကတီၫ်ဖုၣ်အဂီၫ်လီၤ၀ံၤ အလီၫ်ခံတၫ်လၢကဘၣ်မၤထွဲ၀ဲ တဖၣ် လိၣ်၀ဲအဂ့ၫ် ပှၤလၢနၫ်ပၢၫ်တၫ်တဖၣ် ဟ့ၣ်ပလီၫ်၀ဲလီၤ.
ကလံၤဘၣ်အၢဘၣ်သီလၢလီၤပျံၤလီၤဖုးအံၤ မ့ၫ်တၫ်ဆါတခါ၀ံၤ ကလံၤလၢအိၣ်ဒီးအစုာ်န့ၣ် ကမၤဘၣ်ဒိထံဖိကီၫ်ဖိ အတၫ်အိၣ်ဆူၣ်အိၣ်ချ့ဒိၣ်န့ၫ်ဒံး ခိၣ်ဘံး(၁၉)တၫ်ဆါသ့အဂ့ၫ် IQAirအပှၤဘၣ်မူဘၣ်ဒါ ဖရးဟၣ်မဲး(ဖရန့်ခ်ဟမ်မက်စ်) တဲ၀ဲလီၤ.
မ့ၫ်တုၤတၫ်ဂိၫ်ခါလါကိးဘျီန့ၣ် ဒ့ၣ်လံၣ်ဒီးအကပၤကီၫ်ဆၣ်တဖၣ်ပူၤ ကလံၤအူတၫ်စှၤ,သိလ့ၣ်တဖၣ်အတၫ်ထုးထီၣ် ဂာ်သ၀ံတဖၣ်,တၫ်သူၣ်တၫ်ဖျးအဘျဲၣ်စဲၤလၢအိၣ်တ့ၫ်တဖၣ် တၫ်ဒွဲၣ်အူထီၣ်ကွံာ်အဃိ ညီနုၫ်ကလံၤဘၣ်အၢဘၣ်သီ ဟဲကဲထီၣ်၀ဲန့ၣ်လီၤ.
Ref: BBC
