လါဒံၣ်စ့ဘၢၣ်(၁၉)သီ,၂၀၂၄နံၣ်
ဟီၣ်ခိၣ်ဒီဖျၢၣ်တၫ်အီၣ်တၫ်အီတၫ်ရဲၣ်တၫ်ကျဲၤ(WFP) ဘိးဘၣ်ရၤလီၤ၀ဲလၢ ရၢၫ်ခၢၣ်ကီၫ်စဲၣ်ကလံၤစိးတကပၤ တၫ်သူၣ် ထီၣ်တခါလၢ ကီၫ်ဆၢပၢၤကီၫ်တဖၣ်သူတ့ၫ်၀ဲအပူၤ ဘၣ်ထွဲဒီးတၫ်ထံၣ်န့ၫ် တၫ်အီၣ်ဘိၣ်တဖၣ်လၢပာ်ဃုာ်ဒီးWFP တၫ်စဲပနီၣ်အဖီခိၣ် လ့ၤတက့ၤ တူၫ်လိာ်၀ဲတသ့ဘၣ်အဂ့ၫ်န့ၣ်လီၤ.
ပညိၣ်၀ဲလၢ ပှၤလၢဘၣ်ဒိညီ ဒူသ၀ီကမျၢၫ်တဖၣ်အဂီၫ်ဒီးပှၤတ၀ၢတၫ်မၤစၢၤအဖီခိၣ် တၫ်သူကမၣ်တၫ်ခဲလၢာ်န့ၣ် တူၫ်လိာ်၀ဲတသ့ဘၣ်အသိး ကဲထီၣ်တၫ်ဘၣ်ဒိလၢ ပှၤလၢလိၣ်ဘၣ်ဂ့ၫ်ဂီၫ်အူ တၫ်မၤစၢၤတဖၣ်အဂီၫ်အဂ့ၫ် ဖဲလါဒံၣ် စ့ဘၢၣ် (၁၈)သီအနံၤန့ၣ် ထုးထီၣ်တဲဖျါ၀ဲလီၤ.
“ပ၀ဲတကပၤ ၂၀၂၄နံၣ်အပူၤ လၢကတီၫ်အံၤ တၫ်သဘံၣ်သဘုၣ်ဒီးန့ဆၢၣ်တၫ်လီၤဘၣ်ယိၣ်တဖၣ်အဃိ ကီၫ်ပယီၤဒီတဘ့ၣ် တၫ်လိၣ်ဘၣ်ပှၤတ၀ၢတၫ်မၤစၢၤအါထီၣ်ဒီးတၫ်သၣ်၀ံၤလီၤဒိတဖၣ် အိၣ်အါထီၣ်၀ဲန့ၣ် လၢတၫ်လီၤဘၣ်ယိၣ်အပူၤ ပထံၣ်ဘၣ်လီၤ.WFPန့ၣ် ပှၤလၢလိၣ်ဘၣ်တၫ်မၤစၢၤတဖၣ်အိၣ် တၫ်အီၣ်တၫ်အီတဖၣ်ကလဲၤတုၤအဂီၫ် လၢတၫ် တြီဃာ်အကျါဒၣ်လဲၣ် ဖဲမၤ၀ဲသ့ မၤထွဲ၀ဲလီၤ.ကရၢလၢပာ်ဃုာ်လၢ တၫ်သဘံၣ်သဘုၣ်ပူၤခဲလၢာ်တကပၤ ပှၤတ၀ၢတၫ် မၤစၢၤ ပှၤမၤတၫ်ဖိဒီးတၫ်ပီးတၫ်လီတဖၣ် ကဘၣ်ဒီသဒၢန့ၫ်၀ဲ အမူဒါအိၣ်အသိး ပှၤလၢလိၣ်ဘၣ် ဂ့ၫ်ဂီၫ်အူတၫ်မၤစၢၤ တဖၣ် တၫ်ဆှၢန့ၫ်အီၤတၫ်မၤစၢၤကန့ၫ်အဂီၫ် လိၣ်လၢတၫ်ကမၤန့ၫ်အီၤ တၫ်လဲၤထီၣ်က့ၤလီၤလၢအိၣ်ဒီး တၫ်ဘံၣ်တၫ်ဘၢ အဂ့ၫ်”ဘၣ်ထွဲကီၫ်ပယီၤပှၤထူလံၤဖိခၢၣ်စး Mr. Michael Dunfordတဲ၀ဲလီၤ.
ဟုသးထၢၣ်လၢပာ်ဃုာ်ဒီးWFPတၫ်စဲပနီၣ် တၫ်ထံၣ်န့ၫ်အီၤဖဲ နီၫ်ဂံၫ်(၅)ကီၫ်ဆၢ ပၢၤကီၫ်သုးကလၢၤပူၤအဂ့ၫ် တၫ်ကစီၣ်တဖၣ်ပာ်ဖျါ၀ဲအဖီခိၣ် WFPသ့ၣ်ညါထွဲ၀ဲ၀ံၤ ကလဲၤလၢတၫ်လီၫ်ဖဲန့ၣ်အဂီၫ် ကီခဲ၀ဲအဃိ တၫ်ကဲထီၣ်သးတၫ်ဂ့ၫ်လီၤတံၫ်တခီ ပာ်ဂၢၫ်ပာ်ကျၢၤ၀ဲတန့ၫ်ဒံးဘၣ်အဂ့ၫ် တၫ်ဘိးဘၣ်ရၤလီၤအပူၤ ပာ်ဖျါ၀ဲလီၤ.
လၢ၂၀၂၄နံၣ်, လါယူၤအပူၤ လၢရၢၫ်ခၢၣ်ကီၫ်စဲၣ်ကလံၤစိး,မီၣ်တီကီၫ်ဆၣ်အပူၤ WFP တၫ်ပာ်ကီၤတၫ်အီၣ်အလီၫ် တၫ်နုာ်လီၤဘၢၣ်ဖျိဂုၤန့ၫ်ဆူၣ်၀ဲဒီးဒွဲၣ်အူမၤဟးဂီၤကွံာ်၀ဲစ့ၫ်ကီး ပာ်ဖျါဃာ်၀ဲန့ၣ်လီၤ.
Ref: DVB
