လါဒံၣ်စ့ဘၢၣ်(၁၇)သီ,၂၀၂၄နံၣ်
ဖဲအပူၤကွံၥ် စှၤနွံအတီၢ်ပူၤန့ၣ် စံရံယါ ပှၤပူထီၣ်တၢ်ဖိတဖၣ် ဒုးလီၤပှီၢ်ကွံၥ် ကီၢ်ခိၣ်ဘဲးရှါအဲၣ်အၣ်ဆဲးပဒိၣ်၀ံၤအလီၢ်ခံ ဖဲ လါဒံၣ်စ့ဘၢၣ်(၁၅)သီအနံၤန့ၣ် အဲးကလံးပဒိၣ် ဘိးဘၣ်ရၤလီၤ၀ဲလၢ ကမၤစၢၤပီၣ်အကကွဲၢ်(၅၀), ဒီလၣ်(၆၃ကကွဲၢ်) ဆူ ကီၢ်စံရံယါထံဖိကမျၢၢ်ဖိအဂီၢ်န့ၣ်လီၤ.
ခီဖျိလၢ ထံလီၢ်ကီၢ်ပူၤတၢ်ဒုးတၢ်ယၤတဖၣ်အဃိ ဘၣ်ဟးဂီၤကွံၥ် တၢ်သူၣ်ထီၣ်တဖၣ်၀ံၤ ထံဖိကမျၢၢ်ဖိအါအါဂီၢ်ဂီၢ် ဘၣ်ပၥ်တ့ၢ်ဟံၣ်ဃီ ဘၣ်ဃ့ၢ်ပူၤဖျဲးသးန့ၣ်လီၤ. မ့မ့ၢ်လၢ ခဲအံၤတခီ ပှၤလၢဃ့ၢ်ဟးထီၣ်လၢ ထံကီၢ်ပူၤတဖၣ် ကဟဲက့ၤနုၥ်လီၤလၢထံကီၢ်ပူၤန့ၣ်လီၤ.
အဲးကလံးပဒိၣ် ဘိးဘၣ်ရၤလီၤဃၥ်၀ဲစ့ၢ်ကီးလၢ အဲးကလံးကျိၥ်စ့ စတၣ်လ့ပီၣ်အကကွဲၢ်(၃၀)အံၤ တၢ်ကဟ့ၣ်မၤစၢၤ၀ဲ တၢ်အီၣ်တၢ်အီ, တၢ်အိၣ်ကဒုတဖၣ်, ဂ့ၢ်ဂီၤအူဆူၣ်ချ့တၢ်ကဟုးကယၤတဖၣ်, တၢ်ဒီသဒၢတဖၣ်ပၥ်ဃုၥ် ပှၤတကကွဲၢ်အဂီၢ်အဂ့ၢ်န့ၣ်လီၤ.
ကျိၥ်စ့တၢ်ဆီၣ်ထွဲမၤစၢၤလၢ အဟဲလၢ ဘီမုၢ်စၢဖှိၣ်ကရၢအအိၣ်န့ၣ် တၢ်ကဆီၣ်ထွဲမၤစၢၤအီၤဒ်အမ့ၢ် ထံ, တၢ်ဆါဟံၣ်, ကၠိတဖၣ်ပၥ်ဃုၥ် တၢ်လိၢ်ဘၣ်တဖၣ်အပူၤအဂ့ၢ်န့ၣ်လီၤ.
ထံကီၢ်လၢအိၣ်ဘူးတဖၣ် ကမၤစၢၤ ပီၣ်အကကွဲၢ်(၁၀)လၢ ဟီၣ်ခိၣ်ဒီဘ့ၣ်တၢ်အီၣ်တၢ်အီတၢ်ရဲၣ်တၢ်ကျဲၤ(WFP) ဆူ စံရံယါထံဖိကမျၢၢ်ဖိတဖၣ်လၢ လဲးဘနိၣ်ထံကီၢ်ပူၤ၀ံၤ (WFP)ဒီး(UNHCR) ကဟ့ၣ်လီၤတၢ်မၤစၢၤ ပီၣ်အကကွဲၢ်(၁၀)တဆီလၢ ကၠီၣ်တၣ်ထံကီၢ်ပူၤအဂ့ၢ် ဘိးဘၣ်ပၥ်ဖျါဃၥ်၀ဲန့ၣ်လီၤ.
Source : Reuters
